Lisilimet 2:24 - Madak

²⁴ Ketla lentaba limixin nuunu atnimi dom Taiataira mixo lok momo at nom laanasa at ne Jesebel. Mixo siam ka laanasa ren la miga ke xepe bok mo levenanasa mumuat di tong i do levendomdoma alipe at ne Satan. Nenia a noxo tong bok tevelinga lolos tinimi xusu mina mu asu i;

Lisilimet 2:24 ပူးပေါင်းရင်းမြစ်များ

Leven Gugu 15:28

Loroonan Kaala la nema mara siam pam do ma noxo lok li bok ba teventaangas mavana atnimi, ketla mina ronga res at na levelinga.

Leven Gugu 16:14

Lara atdi mo digang tonga nama, laasen teren ne Lidia, neni boro Taiataira; neni ga sesep mi lempanga singsiga nunuan. Ni latkin ga lotu saparap ne Moroa; la Leeme Silok ga suang lebelen kusu ni na siam kaka mo lavapaase at ne Pol.

1 Korin 2:10

Ketla ne Moroa ga lox axasep pam na levempanga ridik keneng at lololos at Loroonan Kaala. Loroonan Kaala i sin axasep lempanga axap, eburu mi levendoxoma alipe at ne Moroa.

2 Korin 11:3

Ketla a marat do lavanga tara na sasar asoogong levendoxoma atnimi la mina ke xepe lunuunu lolos la lotu ruturun atnimi ri ne Karisito, kerekngan ne Iva; lisii ga xarang i mi lakleklen kapmek teren.

2 Korin 2:11

Kerepmo la ne Satan noxo epovo na sar asoogong nedik, mila nedik diklen levendomdoma la leven gugu ren.

Jems 3:15

Lodoxoma kerepmo kopmen na laa boro vana at ne Moroa. Ni loklok at na lavatkangka mun at ne Satan.

Lisilimet 1:11

La mo laxaka linga ga lok, “Una lok kaka lugun la una malagan asu na lempanga nenu uba ven i; la una lox aonon i uto at lavanuti leventaugu lotu, tara uto Epesas, la tara uto Smena, la tara uto Pegamam, la tara uto Taiataira, la tara uto Sadis, la tara uto Piladelpia, la tara bok uto Lodisia.”

Lisilimet 12:9

La ne Mikael eburu mi lubungangelo ren diga lu asi mi mo lavattulaava eburu mi lubungangelo ren. Neni lavattulaava me gaxatnak, luasen teren ne Devel la ne Satan, mo i sasar asoogong limixin axap ti laxapmek; nedi diga lu asi midi ude xopok at na lavatbung menemen.

Lisilimet 13:14

La neni ga ruuna lololos ti lok levempanga sangsangu kusu na lox asilok lavatpanga sio avot, la kerepmo neni ga xarang arup limixin at na lavatbung menemen. Ni ga tong i ridi xusu dina lok lovoovo vanga ap mo lavatpanga sio avot, mo ga ruuna linin kooxing at lavarise sepsep, ketla kopmen goxo met teren.

Lisilimet 2:13

Akleklen i do mik lok at lemenemen, ne Satan i nemen keneng teren ngan loorong silok. Ketla laasen tarak mim tebeng alolos i. La nemi xopmen mi goxo soxepe lunuunu atnimi ap mo levenaleng ne Antipas ga uu ren; neni ga nemen ngan laradi ruturun la laradi vapaase asu levelinga rak. Limixin at ne Satan diga sev i dom kantubu at lemenemen silok atnimi, nom ne Satan i nemen teren.

Lisilimet 2:18

La Leeme Silok ga lok bok, “Una malagan bok na levelinga ti laangelo ik lok tatao limixin lotu to Taiataira. ‘Anai levelinga boro at ne Nitna ne Moroa, luxatli ren i babao ngan laxao bokbolot, la luxangkedek teren i ngangao ngan loxonuat, laxao i an amemeles i.

Lisilimet 2:9

Aklen levesongsongot nemi mip kiv i, la aklen i do mit kis pakpakes, ketla nemi mip novos aleng mi lempanga boro vana at laxalibet. Aklen levelinga xaxarang atnedi limixin di tong i rinimi do nedi me Judaia, ketla kopmen, nedi mun limixin lotu at ne Satan.