Lisilimet 14:11 - Madak

¹¹ La mo losongsongot ba lok ngan lusuxa i urut amisik la kopmen noxo xap at levenaleng kangking la kanimin bok; tara naba ekip tangarang mi na losongsongot do neni ga lotu saparap lavatpanga sio la lavatpoovo ren, kopla neni ga ruuna loklok katling at laasen at lavatpanga sio.”

Lisilimet 14:11 ပူးပေါင်းရင်းမြစ်များ

Sam 10:16

Leeme Silok, neni Loorong amisik la kopmen tekavaxap teren. Nedi di lotu saparap lomoroa vetpes, dinaba sonao rino basinge lenep kangka ren.

Sam 145:1

Moroa, nenu Loorong Silok tarak. Anaba tong asuusu laasen silok taram atla nenu Loorong Silok la ne Moroa rak; anaba tong avukat amisik tu la a noxo xap tinotno ri tong avukat.

Metiu 11:28

Nemi axap mik sak saaban mi laxanaknixip keneng at lorooro atnimi, mina vosiga ia, la aba raba nimi mi loklox amas.

Metiu 25:41

Melemu nenia anaba lok tidi limixin to saparap lakngak kia, ‘Uto nimi basinge ia, nemi limixin, lasaxaek naba suxuna nimi; uto nimi at laxao i anan tos amisik, ne Moroa ga gagas min ti ne Satan la lubung angelo ren!

Metiu 25:46

La ne Iesu ga lok bok, “Na limixin Moroa ba riki aonon di ri losongsongot i nemen amisik, ketla limixin mokmokso dinaba lok ka lorooro avolo.”

Ibru 1:8

Ketla neni ga lok ti ne Nitna xeretna, “Nenu ne Moroa, lixitkis orong taram naba nemen amisik la amisik la nenu uba lok limixin axap kusu diba mu asu loklok mokmokso ram.

Lisilimet 11:15

La laangelo sepsev avanuti ga mas luru ren, la aga ronga laxaka linga silok at lentaba to vana at laxalibet ga lok keretna, ‘Amo nga Leeme Silok atdik eburu mi Lanarong teren du ru ka loklok tatao at na lavatbung menemen. La nedu dunaba lok tatao amisik la kopmen taxavaxap teren.’ Sam 145:13

Lisilimet 13:12

Neni ga ruuna ka lololos ap mo lavatpanga sio avot la ga pu soso limixin kusu dina lotu parap mo lavatpanga sio avot, no lara ga sev aroogo i, ketla neni ga lox avukat manga.

Lisilimet 13:15

La mo lavatpanga sio sepsev agepura ga ruuna ka lololos tin kusu na mas arup lamamas tooro uto xeneng at nom lovoovo vanga at lavatpanga sio avot, kusu neni na epovo ri paase la na sev amet nedi di xopara na lotu parav i.

Lisilimet 13:17

La do tara i vara na un ka tempanga kopla na sesep mi lempanga, neni na ruuna be mo loklok katling; nom loklok katling ni laasen at nom lavatpanga sio xopla lexekexes at laasen teren.

Lisilimet 14:9

Melemu atdu laangelo sepsev avantun ga rupot manga la ga xup lolos keretna, “Mo do tara na lotu saparap mo lavatpanga sio la lavatpoovo vanga ren, la na ruuna ka loklok katling ap mo lavatpanga sio to at lamang teren, kopla to at lekngen,

Lisilimet 18:18

la diba ven lusuxa silok ap mo lemenemen, la dibap kup keretna, “Goxopmen temenemen at na lavatbung menemen kerekngan na lemenemen silok.”

Lisilimet 18:9

La lavaorong silok at na lavatbung menemen, mo digang longka mo latkin la digak lok laxakapmek eburu min, dinabang teng la dina duudu, mo do dina ven lusuxa ap mo laxao na xotos asonao lemenemen Babilon.

Lisilimet 19:3

La digap kup bok, “Ata emi asu mi ne Moroa. Neni ga sele utut lemenemen Babilon la lusuxa ren i urut uto vana la mo laxao noxo xap.” Ais 34:10

Lisilimet 20:10

La mo laradi babala arup, ne Satan, Moroa naba lu arup min uto at lemet kao at lasalpa; mo lemet kao lavatpanga sio eburu mi laradi vapaase alii xaxarang dubak lox e, la go nedi lavantun dinaba ruuna ka losongsongot silok at levenaleng kangking la kanimin la kopmen taxavaxap teren.

Lisilimet 22:5

La noxopmen bok ba taxanimin, la limixin di noxok pakes bok ba ri taxasep at lababao xopla laxangking, mila Leeme Silok ne Moroa neni naba lok ngan laxasep tidi, la dinaba ruuna lixitkis silok ti lok tatao limixin la dinaba nemen amisik kuren, la kopmen taxavaxap teren.

Lisilimet 7:12

Diga lok keretna, “Tuturun pam. Loklox anarong, la leemi asu, lakleklen, luvukat, la loklok ngangao, mi lololos ti ne Moroa atdik amisik la kopmen taxavaxap teren. Tuturun tinotno.”