Lisilimet 14:10 - Madak

¹⁰ neni bok naba suma ka lebelemamao at ne Moroa i lolos aleng; la neni nabang songot aleng to xeneng at laxao at lasalpa to melamgo at lubungangelo at ne Moroa la to melamgo bok at Lanasip.

Lisilimet 14:10 ပူးပေါင်းရင်းမြစ်များ

Sam 11:6

Neni naba soli asi laxao bokbolot la nabak bolot limixin kapmek mi la salpa (sulfur); la naba lox asongot di mi lamanman kapmek iplivi aleng.

Sam 37:34

Mina doma lolos ngangais ti Leeme Silok la minang tonga res at levelinga ren. Dola mina lox i xuren, ni naba lox anarong nimi mi laramtaba; neni lenep kangka aulis atnimi. La minaba ven limixin kakapmek, Leeme Silok naba saksu di basinge lenep kangka aulis atdi.

Sam 52:6

Limixin mokmokso dinaba ven i na la dinaba lingun; la dinabang longon arup u la diba lok do,

Sam 60:3

Ura lok pam limixin taram kusu dina ekip tangarang mi laxanmumuat solo la laxaloklok asongot silok. Ma saaban ngan ta do ma inin laxangkadan lolos.

Sam 73:10

Kuren la limixin dinaba repukus ti mu asu di la di nuunu lolos tinotno at lempanga di paase i.

Sam 75:8

Leeme Silok im tebeng lavanga runtu dan to at lekngen, la i umsu mi laxadan vaen at lebelemamao ren. Neni i sobang asu i, la limixin kapmek di inin i. Di inin asi rinotno i se at lengkootu avit.

Sam 91:8

Minabak milik kaxat la mina reven ba i mo limixin kapmek dik lok ka levesongsongot kuren.

Metiu 20:22

Ketla ne Iesu ga lok, “Mixoklen lai nemi mi sing tin.” La ni ga lok ti mo luradi loklok ka anasa ren, “Kereva, mu epovo do muna suma losongsongot silok eburu minia mo a gagas kusu aba xip tutu min?” La duga vorang i rin keretna, “Ma epovo.”

Metiu 25:41

Melemu nenia anaba lok tidi limixin to saparap lakngak kia, ‘Uto nimi basinge ia, nemi limixin, lasaxaek naba suxuna nimi; uto nimi at laxao i anan tos amisik, ne Moroa ga gagas min ti ne Satan la lubung angelo ren!

Metiu 26:39

La ne Iesu ga vas silatla xakalik, la ni ga subu midi mi lumeren uto xopok at laxangka la ga sing ne Moroa xeretna, “Tamak. Kereva, i epovo do una lok pes na lumumuat basinge ia? Ketla nemen gat uta mumu asu lavavara rak, una mu asu lavavara ram.”

Lagale Lavavang At Ne Iesu Karisito Mak Ga Malagan I 8:38

Mo do taradi na lok mamangan kepe ia eburu mi levelinga rak kantubu at limixin at na loola, nenia, Laradi Mevana, anaba sok tixirixes i ap mo laaleng nenia ana si ukopok mi lisisixam silok at ne Tamak la at lubungangelo ren.”

Lagale Lavavang At Ne Iesu Karisito Mak Ga Malagan I 9:44

[Ap mo lenep leven got naba nemen amisik at labantuxu la noxo remet la laxao bok noxo xap.]

Leven Gugu 10:22

Diga lok tin, “Laasesep at luvuttadi esep, ne Konilias i riki nema. Neni lagale laradi la ni i lotu saparap ne Moroa la limixin me Judaia di lok ngangao aleng teren. Laangelo at ne Moroa ga tong i rin do ni ba lam ka u uto at loogu ren, kusu neni naba ronga levelinga nu ba vaase i min.”

2 Tesalonia 1:7

La neni naba lok kepe levesongsongot basinge nimi la atnema bok ap mo laaleng Leeme Silok, ne Iesu naba si ukopok boro vana at laxalibet. Neni ba vot eburu mi lubungangelo lolos teren la lisisixam silok, naba soosoo ngan laxao bokbolot.

Lovoang At Ne Jut 1:7

La kerepmo bok limixin diga nemen to at lumenemen Sodom la Gomora la to bok at levenmenemen gak lox auret ti mo lumenemen. Diga lok laxakapmek maxamang at lixitkis epot la lengkot mamangan kerepmo. Monga nedi di nemen keneng at laxao bokbolot naba nemen amisik, la anai neni lavapaase aronga ri limixin axap.

Lisilimet 15:7

La lara ap mo lavanuet levempanga rooro ga raba na lavanuti lubungangelo mi lavanuti leventingtigon gol ga umsu mi langsangan lebelemamao at ne Moroa, mo naba nemen amisik, la kopmen taxavaxap teren.

Lisilimet 16:19

La mo lemenemen silok ga epeseves ti lavantun levengkot la mo levenmenemen silok at na lavatbung menemen ga rem utut axap. La ne Moroa ga doma asu laxapmek at limixin to at lemenemen silok, Babilon, la neni ga lox asuusu lebelemamao silok teren ti mo limixin.

Lisilimet 18:3

La limixin boro at levennep silok axap dira in pam laxandan vaen teren, mo i ru katling loklok ti elongka; la lavaorong silok axap at na lavatbung menemen diga elongka min, la nedi limixin diga sesep mi lempanga atdi digap novos aleng mila mo latkin, lebelen ga ngaongao aleng ti mo lempanga diga sesep min.”

Lisilimet 18:6

Mina vorang amlong taba i mi laxapmek ngan neni ga lox i rinimi. La mo laxapmek neni ga lox i rinimi, mina vorang i rin na gepura. La mina raba i mi laxadan vaen no i so bobo aleng ti lara neni ga raba nemi min.

Lisilimet 19:15

Lavarise sengsen i sixisu boro at lungusno ren kusu ri sak tup minedi limixin at levennep silok. La neni naba lok tatao di ngan lamgomgo atnedi, la loklok tatao ren ba lolos aleng. Neni naba lox asuusu lebelemamao silok at ne Moroa i lolos aleng.

Lisilimet 19:20

La nedi diga ranga alis lavatpanga sio eburu mi leeme vapaase alii xaxarang, mo gak lok lempanga sangsangu ri sar asoogong limixin kusu dina lox asilok laasen at lavatpanga sio. Ni ga lok mo lempanga sangsangu xusu na bala arup buaang nedi limixin la diga ruuna ka loklok katling at lavatpanga sio la diga lotu parap lavatpoovo vanga ren. La diga lu arup mi lavatpanga sio la leeme vapaase alii xaxarang, move duga rooro, ro at lemet kao, mo i tos amisik mi lasalpa.

Lisilimet 20:10

La mo laradi babala arup, ne Satan, Moroa naba lu arup min uto at lemet kao at lasalpa; mo lemet kao lavatpanga sio eburu mi laradi vapaase alii xaxarang dubak lox e, la go nedi lavantun dinaba ruuna ka losongsongot silok at levenaleng kangking la kanimin la kopmen taxavaxap teren.

Lisilimet 20:14

La ne Moroa ga lu arup axap tino nga mi lanmet eburu mi lenep Edesa uto at lemet kao. Mo lemet kao, ni lanmet sepsev agepura.

Lisilimet 21:8

Ketla nedi limixin makmarat la nedi dina sok tixirixes lunuunu atdi, la nedi dina lok laxakapmek silok la nedi dina sev amet parang limixin, la nedi dina lok loklok kakapmek maxamang at lixitkis epot, la nedi luvuttadi sak, la nedi dina lotu parap levempoovo moroa, nedi limixin babala; nedi axap na, nenia anaba lu arup midi uto xeneng at lemet kao i ngangao mi lasalpa. Na losongsongot, ni lanmet sepsev agepura.”