Lisilimet 12:17 - Madak

¹⁷ La melemu mo lavattulaava ga musak teng aleng mumu nom latkin, la ni ga vas kaxat basinge i, la ga onon uto at lenep petpes kusu na esep eburu mi livipisik li at nom latkin; nedi mo ding tonga res at levelinga at ne Moroa la di nuunu at levempapaase ruturun at ne Iesu.

Lisilimet 12:17 ပူးပေါင်းရင်းမြစ်များ

Lisilimet 14:12

Na lavanga naba rupot, kuren la nedi limixin nuunu at ne Moroa mo ding tonga res at levelinga ren la di tu tuxuruxun at lunuunu atdi saparap ne Iesu, i epovo xusu dina nemen mulus mo do levenmumuat ba rupot.

Lisilimet 19:10

Nia aga ronga i na la aga xis tiktikbu mi luvatgulom tarak to saparap luxangkedek teren kusu ana lotu parav i, ketla ni ga lok tia, “Nemen gat uta lotu parav ia. Nenia lasaxaruki mun at ne Moroa kerekngan nenu eburu mi luvutnetam, mo mim tebeng levelinga ruturun at ne Iesu. Una lotu parap ne Moroa. Mo levelinga ruturun ne Iesu ga tong asu i, ni lavasuun at levempavang at luvuttadi vapaase asu levelinga.”

Lisilimet 11:7

Do duna lox axap mo lugugu ri vaase asu levelinga at ne Moroa, lara lavatpanga sio mi lavanuet kangkedek teren ba vasu ap mo lemeroon la ba esep mi mo luradi at ne Moroa la naba ranga alis du la na sev amet du.

Lisilimet 6:9

La Lanasip ga ba kaxat kepe manga levelumlut sepsev avalimo. La aga ven uto saparap loxonin laplavang la maxopok teren aga ven labaroonan at limixin nuunu diga met gano. Limixin diga sev amet di mila diga tong asu levelinga at ne Moroa la levelinga ruturun at ne Iesu Karisito.

Lisilimet 1:2

la neni naba tong asu mo lempanga axap ni ga ven i. La anai, ni levelinga boro at ne Moroa, la mumu bok mo levelinga ruturun ne Iesu Karisito ga vaase i.

Lisilimet 13:7

La ni ga lok ka lololos kusu na esep mi limixin at ne Moroa la na sak tup midi. La ni ga lok ka bok lololos mavana at limixin boro at larabung mixin axap la boro bok at levenasen bantuxu la boro bok at lempapaase axap la boro bok at levennep silok axap.

Lagale Lavavang At Ne Iesu Karisito Jon Ga Malagan I 8:44

Nemi laxamdak at ne temen nimi, ne Satan. La mi vavara i do mina mumu asu lavavara at ne temen nimi. Ga ru ka i at lurutu kaxat neni laradi sepsev amet tadi. La neni xopmen na tu at luruturun, mila kopmen turuturun keneng teren. Do neni i vaase laxaxarang, neni ik lok mene levempanga i epovo rin, mila neni laradi xaxarang, la neni lavasuun at laxaxarang.

Lisilimet 17:14

La na lavatpanga sio eburu mi lasangaun lavaorong silok diba esep eburu mi Lanasip. La Lanasip eburu minedi neni ga ro xaka di, la nedi bok neni ga soxolik ka di la nedi bok di mumu asu ruturun i, diba sak tup mi na lavatpanga sio eburu mi lasangaun lavaorong silok, mila Lanasip neni Leeme Silok mavana at lavaeme silok axap la neni Loorong Silok mavana at lavaorong silok.”

Lisilimet 1:9

Nenia ne Jon, neton nemi limixin mi nuunu at ne Iesu. La nenia na ap kip levesongsongot eburu minimi, la nedik eburu lavaanat at Linintoo ren, la ata tu tuxuruxun at lunuunu atdik, do nedik ata ekip tangarang mi levesongsongot. Nenia agak lok at losoxan to Patimos, nia aga nemen go ngan laradi xokoxo mila nia aga tong asu Lagale Lavavang at ne Moroa mi levelinga ruturun at ne Iesu.

1 Jon 5:10

Do tara i nuunu at ne Nitna ne Moroa, neni i ruuna ka vam mo levelinga keneng at lorooro ren. Do tara kopmen na nuunu at ne Moroa, i lok ne Moroa ngan laradi xaxarang, atla ni kopmen na nuunu ap mo levelinga ne Moroa ga vaase i mumu ne Nitna.

1 Jon 5:2

Do tara i balamu ne Moroa la i ronga res at levelinga ren, i lox asuusu i do neni i balamu limixin at ne Moroa.

1 Jon 2:3

Dola nedik ta mu asu levelinga at ne Moroa, i ngan nedik taklen tinotno i do nedik limixin teren.

Lisilimet 22:14

Luvukat tinedi dira gos adadat pam levesingsiga atdi, kusu lorooro atdi naba epovo xusu dina anan at lempeven una boro at luuna at lorooro, la dina beles keneng at levenngas povolo uto at lemenemen silok.

Lisilimet 20:4

La nia aga ven lengkonin at lavaorong silok, la nedi limixin digat kis teren, diga ruuna lololos kusu dina ila mumu loklok at limixin. La aga ven bok leventoonan atnedi limixin la limixin petpes diga ra korop lengkaka atdi mila diga tong asu lunuunu atdi keneng at ne Iesu, la diga nuunu bok at levelinga at ne Moroa. At lorooro atdi di goxo lotu parap lavatpanga sio la lavatpoovo vanga ren la di goxo lok ka loklok katling at lavatpanga sio to at lenmang atdi kopla levengkikngen di. Diga roo xat amlong la nedi eburu mi ne Karisito digam gomgo ri limixin at legesa abin sangsangaun kobot (1000) levenmaares.

Lisilimet 19:19

La aga ven bok lavatpanga sio eburu mi lavaorong silok at na lavatbung menemen eburu mi limixin esep atdi, diga vot eburu xusu dina esep eburu mi nom laradi gat kis at lavaros bunbun la limixin esep teren.

Lisilimet 18:20

La lara laxaka linga ga lok bok, “Nemi axap mik lok to vana at laxalibet, mina momo. Nemi limixin at ne Moroa, la luvuttadi vavang la lavaeme vapaase alii, mina sosoro aleng, mila ne Moroa ira vorang taba vam i mi langsangan losongsongot mumu lempanga xapmek neni ga lox i rinimi.” Jer 51:48

Lisilimet 17:6

La nia aga ven mo latkin ga inin tangtangku mi lada at limixin at ne Moroa, la atnedi bok limixin diga met mila diga nuunu at ne Iesu. Se nia aga ven i, aga sangu aleng.

1 Korin 2:1

Luvutnetak mi luvurinuk. Nenia agat pas udo saparap nimi xusu ana vavang tinimi mi levelinga at ne Moroa, kopmen lavapaase rak goxo sixit nunuan ngan laradi vapaase, la lavavang tarak goxo umsu mi lakleklen at na lavatbung menemen.

1 Pita 5:8

Mina lok tatao avukat lavatpas atnimi la mina reven avukat, atla laradi munepen atnemi neni ne Satan im booro saasaa ngan lavat laion mukmusak, la i puse ri tuvuttadi xusu neni nak lox epeseves nedi basinge ne Karisito.

Metiu 28:20

La mina lox ase di xusu dinang tonga res at levelinga axap nenia agara tong pam i rinimi. La nenia anabak lox eburu amisik minemi naba se at laxavaxap at na lavatbung menemen.”

Lisilimet 12:16

Ketla lavatkangka ga lok tooro nom latkin, la lara lamamara ga rem suang la lavatkangka ga xanom mo ladan silok ga sixisu boro at lungusno at nom lavattulaava.