Lisilimet 11:13 - Madak

¹³ La ap mo mun loxonaleng langsangan langne ba vot, la lenep i sepsev asangaun ap mo laraugu xeneng at lemenemen silok ba rem tereve axap; la lavanuti larabin sangsangaun kobot (7000) limixin diba met at nom langne, la nedi limixin diba roo suu ap mo langne diba marat aleng tinotno la diba emi asu mi ne Moroa no vana at laxalibet.

Lisilimet 11:13 ပူးပေါင်းရင်းမြစ်များ

Lagale Lavavang At Ne Iesu Karisito Jon Ga Malagan I 9:24

Diga ro ka amu manga mo laradi, luxatli ren ga main la diga lok tin, “Una xaape de melamgo at ne Moroa do nenu una vaase ruturun. Maklen i do na laradi ga lox avukar u, ni laradi xapmek.”

Leven Gugu 1:15

At lara laaleng Pita ga xatu kaxat kantubu atnedi legesa sangaun kobot mi legepu sangaun (120) luvuttadi nuunu;

Lisilimet 11:11

Ketla melemu at lavantun mi loxon atat levenaleng, Moroa ba raba mamas du, la duba xatu kaxat, la nedi limixin diba ven du, diba marat aleng.

Lisilimet 11:19

Melemu at na, loogu laplavang at ne Moroa ga rem suang to vana at laxalibet, la limixin diga ven lobokis kaala, mo ga lok katling lekabus maxat at ne Moroa. La limixin diga ven lavanga ga mam etitit, la diga ronga leretepaavat gak lox epasum la diga suma lavarangne silok la lengkos uat gan bun aleng ga subu.

Lisilimet 14:7

Ni ga vaase silok keretna, “Mina lok ngangao aleng at ne Moroa la mina emi asu min, mila loxonaleng i auret kusu neni na ronga linga at limixin axap. Mina lotu parap ne Moroa, mo ga rudum li laxalibet, lavatkangka, laras, la laradan axap.”

Lisilimet 15:4

Leeme Silok. Limixin axap dinaba lok ngangao ram la di naba emi asu mi laasen taram, mila nenu xusuk mun u melemelengan. Limixin axap at na lavatbung menemen dinaba vosiga u la dinaba lotu parav u, mila levendomdoma mokmokso ram ga ravasu at lasaxaven.” Sam 111:2; 145:7; Jer 10:7 Sam 86:9

Lisilimet 19:7

Ata momo la ata sosoro la ata emi asu min, mila laaleng loklox epot at Lanasip mo ia vot ta la loono rin mo nga ira gagas li vam i.

Lisilimet 3:4

Ketla lentaba mun atnimi ro Sadis kopmen di goxo lok laxakapmek. Nedi mo diba sigaara mi levesingsiga bunbun la dinaba emu minia mila nedi mo di epovo rinotno.

Lisilimet 6:12

La aga ven Lanasip ga ba kaxat kepe manga levelumlut sepsev avanna. La langne silok ga vot, la laxangking gak maxat ngan lavanga singsiga limixin di lox i mi laxabinim bibi at lavatme; la lagaaling axap kopmen goxo soosoo axasep bok ba, ketla ga soosoo memeles ngan ta lada.

Lisilimet 8:5

La laangelo ga lok ka lavattingtigon la ga suxa i mi laxao boro at loxonin laplavang la ga lu asi min uto at laxangka, la leretepaavat ga repat aoon mi lavanga ga mam eburu mi langne silok.