Leven Gugu 9:28 - Madak

²⁸ Kuren la ne Sol ga nemen eburu minedi la gat pas uto at lengkot axap Jerusalem, la ni ga vavang lolos mi laasen at Leeme Silok la kopmen goxo marat. Goxopmen tara ga ru pe lugugu ren.

Leven Gugu 9:28 ပူးပေါင်းရင်းမြစ်များ

Sam 121:8

Ni nabak lok see ram at levempatpas taram at nai levenaleng la ap mo bok levenaleng i tu melamgo.

Lagale Lavavang At Ne Iesu Karisito Jon Ga Malagan I 10:9

Nenia lumusmarakom. Do tara na beles keneng at na lumusmarakom, neni naba ruuna ka lorooro avolo; neni nabat pas beles la nat pas su la na puse xaka lempivilis nunuan.

Leven Gugu 1:21

Kuren la ata soxolik ka tara, kusu na gugu eburu midik la na tong asu laxakatu kaxat amlong at Leeme Silok ne Iesu. Ata soxolik ka tara atnedi luvuttadi diga nemen eburu midik ap mo levenaleng Leeme Silok ne Iesu ga emu eburu midik; ga vaxaru ka i ap mo laaleng ne Jon ga sep susu ne Iesu se at laaleng ne Moroa ga lam ka i uto vana at laxalibet; la neni ba xip ka mo lugugu at ne Judas.”

Leven Gugu 4:13

Luvuttadi amgomgo diga sangu aleng at ne Pita mi ne Jon duga paase lolos la kopmen du goxo marat; diga ven kibis box i do nedu dugat pas amisik eburu mi ne Iesu; la nedu luradi gamasa mun, la kopmen du goxok lok at toloklox ase.

Leven Gugu 4:29

Monga Leeme Silok, u ronga vam mo levelinga lolos di tong i; la una lox abelemes nema lavasaxaruki ram kusu mana vaase asu Lagale Lavavang.

Leven Gugu 9:29

Ni eburu minedi limixin me Judaia mo diga paase Grik diga etep mi levelinga, ketla diga lok tong pen i do dina sev amer i.

Galesia 1:18

Ga melemu ba at lavantun maares la nenia agarat pas ba uto Jerusalem ti vot pasa ne Pita, la agak lox eburu min at lasangaun mi lavalimo levenaleng.