Leven Gugu 9:27 - Madak

²⁷ Melemu ne Banabas ga lok tooro i la ga lam ka i uto saparap luvuttadi vavang. Ni ga soxomus ba i ridi do ne Sol ga ven Leeme Silok to at langa la Leeme Silok ga paase rin. Ni ga tong box i ridi do ne Sol ga vavang mi laasen at ne Iesu ro Damasko la kopmen goxo marat.

Leven Gugu 9:27 ပူးပေါင်းရင်းမြစ်များ

Leven Gugu 11:22

Levelinga mumu i na lavanga ga rupot ti limixin nuunu ro Jerusalem; kuren la diga riki ne Banabas uto Antiok.

Leven Gugu 11:25

Melemu ne Banabas gat pas uto Tasas kusu na ven ti ne Sol.

Leven Gugu 12:25

Banabas mi ne Sol duga lox axap lugugu atdu, la dugamlong uto Jerusalem; duga lok kaka ne Jon Mak eburu midu.

Leven Gugu 13:2

At lara laaleng nedi diga lotu saparap Leeme Silok la diga mun anan, Loroonan Kaala ga lok tinedi, “Mina raba ia mi ne Banabas la ne Sol, kusu ri lok lugugu i ngan nia aga soxolik ka vam du rin.”

Leven Gugu 15:2

Pol mi ne Banabas duga ronga i na la duga vaase mukmusak aleng la duga etep mi levelinga minedi; kuren la limixin nuunu ro Antiok diga lok katling ne Pol mi ne Banabas la lentaba bok kusu dibat pas uto Jerusalem la dina vot pasa luvuttadi vavang la loxongkulao silok la dina paase mumu na lavanga.

Leven Gugu 4:13

Luvuttadi amgomgo diga sangu aleng at ne Pita mi ne Jon duga paase lolos la kopmen du goxo marat; diga ven kibis box i do nedu dugat pas amisik eburu mi ne Iesu; la nedu luradi gamasa mun, la kopmen du goxok lok at toloklox ase.

Leven Gugu 4:29

Monga Leeme Silok, u ronga vam mo levelinga lolos di tong i; la una lox abelemes nema lavasaxaruki ram kusu mana vaase asu Lagale Lavavang.

Leven Gugu 4:36

La ne Josep neni at libibinat at ne Levi, neni boro Saipras, mo luvuttadi vavang diga tong box i do Banabas (Lavasuun at laasen Banabas do, “Laradi loklox alolos.”)

Leven Gugu 9:17

La ne Ananias ga vas kaxat la ga rupot to at loogu at ne Judas la ga beles ukeneng la ga lok li lukngen to at ne Sol la ni ga lok, “Netak ne Sol, Leeme Silok i riki ia, Iesu axa, no ga rupot saparav u ro at langas at lavatpas taram ude. Ni i riki ia xusu una reven bok ba la una lok ka Loroonan Kaala.”

Leven Gugu 9:29

Ni eburu minedi limixin me Judaia mo diga paase Grik diga etep mi levelinga, ketla diga lok tong pen i do dina sev amer i.

1 Korin 15:8

Melemu rinotno ni ga vot asuvos ba ria ngan ta laxadede nenen i visik kubun i.

1 Korin 9:6

Kopla nema xusuk mi ne Banabas mana gugu lolos ti lixitkis atnema?

Galesia 2:13

La nedi bok mo leme Judaia mego Antiok, digara lok ngan bok laxampanga makmarat ngan bok ne Pita; la ne Banabas bok gara mu asu bok nedi la nedi axap diga soogong.

Galesia 2:9

La ne Jems, ne Pita la ne Jon, nedi na lubung angkipkip at lotu, diga ven kibis i do ne Moroa ga raba nema’ mi ne Banabas mi na lugugu i lok petpes tinotno; kuren la diga etep tikngen minama’ mi ne Banabas, ga lok ngan loklok katling do nema axap ma ruuna legesa gugu mene nga. La diga lok lisisiam do nema’ mi ne Banabas, maba gugu xantubu at limixin kopmen di me Judaia, la nedi diba gugu ro at leme Judaia.