Leven Gugu 9:17 - Madak

¹⁷ La ne Ananias ga vas kaxat la ga rupot to at loogu at ne Judas la ga beles ukeneng la ga lok li lukngen to at ne Sol la ni ga lok, “Netak ne Sol, Leeme Silok i riki ia, Iesu axa, no ga rupot saparav u ro at langas at lavatpas taram ude. Ni i riki ia xusu una reven bok ba la una lok ka Loroonan Kaala.”

Leven Gugu 9:17 ပူးပေါင်းရင်းမြစ်များ

Leven Gugu 8:17

La ne Pita mi ne Jon duga lok li levengkikngen du at lempatlak atdi, la nedi diga lok ka Loroonan Kaala.

Leven Gugu 6:6

Nedi na diga raba nedi ri luvuttadi vavang la diga lok lising la diga lok li levengkikngen di ro mavana atdi, kusu dina lox anarong di.

Leven Gugu 2:4

Loroonan Kaala ga vubeles atnedi axap la diga lox epovo i do dina paase mi lempapaase petpes, i ngan Loroonan Kaala ga raba di min.

1 Timoti 5:22

Nemen gat uta takas kusu una sa li lukngam to mavana at taradi ri lok lugugu at Leeme Silok, la nemen uta lok tooro tara mi laxakapmek teren, una lox adadat amisik lorooro ram.

Leven Gugu 13:52

Luvuttadi nuunu mego Antiok diga umsu mi Loroonan Kaala la lomomo bok.

Ibru 6:2

laanasa ri lesep susu; laanasa ri loklok ti sa li levengkikngen mavana at teventaba rik lox anarong di; laanasa ri laxakatu kaxat basinge lanmet; la laanasa ri lugugu at ne Moroa ngan laradi rongtonga linga at laaleng ete.

Pilimon 1:16

Neni noxopmen lasaxaruki mene nga, neni naba lok ngan netam orong la ba lok lempanga avukat tu. Neni ik lok tooro aleng ia ketla neni naba lok tooro aleng tinotno u ngan lasaxaruki la neni netam tinotno at Leeme Silok.

2 Timoti 1:6

Na mun i lavasuun teren la nia a vaase alolos u xusu unam tebeng alolos nom laramtaba ne Moroa gara raba vam u min ap mo loxonaleng nenia aga sa li lukngak mavana ram.

1 Timoti 4:14

Nemen uta lox abulubun kepe laramtaba at Loroonan nom i nemen keneng taram; uga lok ka i ap mo laaleng luvuttadi vapaase alii diga paase alii i la luvuttadi mukun diga sa li levengkikngen di mavana ram.

1 Korin 15:47

La ne Adam, ne Moroa ga rudum li i mi laxakup at laxangka, ketla ne Karisito, neni ga si boro vana at laxalibet.

1 Korin 15:8

Melemu rinotno ni ga vot asuvos ba ria ngan ta laxadede nenen i visik kubun i.

Lovoang At Ne Pol Ti Limixin Nunu to Rom 15:7

Kuren la mina esiam ela xaka atnaasan nemi getgesara, i ngan bok ne Karisito gara siam kaka vam nemi kusu mina lox asuusu leemi asu ri ne Moroa.

Leven Gugu 26:15

Aga sue, ‘Leeme Silok, nenu nege?’ La Leeme Silok ga lok, ‘Nia ne Iesu, mo nenu uk lox asongor ia.

Leven Gugu 21:20

Melemu at levelinga at ne Pol, limixin diga emi asu mi ne Moroa. La diga lok ti ne Pol, “Neton nama. U ven i do, buaang limixin me Judaia di nuunu, la nedi dim tebeng lolos Lenavolo.

Leven Gugu 19:6

Pol ga lok li lukngen to mavana atdi, la Loroonan Kaala ga vubeles atdi la diga paase mi lempapaase vetpes la diga tong asu levelinga at ne Moroa.

Leven Gugu 13:3

La diga mun anan la diga ngising, la diga lok li levengkikngen di mavana atdu; la diga riki aonon ba du.

Leven Gugu 10:36

Nemi miklen Lagale Lavavang neni ga song araba limixin me Israel min; na Lagale Lavavang i lok lumulum kantubu at ne Moroa la limixin mumu lanmet at ne Iesu Karisito, neni Leeme Silok at limixin axap at na lavatbung menemen kopok.

Leven Gugu 4:31

Melemu at lisingising atdi, mo loxot nedi diga vot eburu ren gang nengne. Diga umsu mi lolos at Loroonan Kaala la diga vaxaru ka i xusu dina paase asu levelinga at ne Moroa la kopmen bok ba teanmarat.

Lagale Lavavang At Ne Iesu Karisito Luk Ga Malagan i 15:32

Ketla ata lok leluxa la ata momo, mila netam ga met, ketla ira roo xat amlong pam; neni ga vuktanga, ketla ara vuse ka amlong pam i.”

Lagale Lavavang At Ne Iesu Karisito Luk Ga Malagan i 15:30

Ketla ana lamdak taram ga gosogos gamasa mi lapnovos taram at loklok ting longka lavakin, la se neni imlong ukolonu nenu ura sep ka ba lubulumaxao maxat tin!’

Lagale Lavavang At Ne Iesu Karisito Luk Ga Malagan i 2:11

Lingina at na laaleng to at lemenemen at ne Devit, Laradi Loklox Arooro atnimi dira visik pam i; neni Lanarong la Leeme Silok!

Lagale Lavavang At Ne Iesu Karisito Luk Ga Malagan i 1:76

La nenu lamdak tarak, uba ruuna na laasen, laradi vapaase alii at ne Moroa Silok Aleng Tinotno; mila ubam gomgo ri Leeme Silok kusu unaba gagas li langas tin,

Lagale Lavavang At Ne Iesu Karisito Mak Ga Malagan I 6:5

La ne Iesu goxo epovo na lok lempanga sangsangu go, ketla neni ga lok li lukngen mavana at lentaba mun kusu na lox aroo di.

Metiu 19:13

Lentaba limixin diga lok kaka laxamdak mi laxaalik kakalik atdi uto at ne Iesu kusu neni na lok li lukngen mavana atdi la na sing tidi; ketla luvuttadi loklok ka anasa ren diga ven di la diga sep pepe di.

Lagale Lavavang At Ne Iesu Karisito Mak Ga Malagan I 5:23

La ni ga sing lolos ne Iesu xeretna, “Loolik tarak i auret do na met. A vara i dola una vot pasa i la una lok li lukngam teren kusu una lox aroo i la neni noxo met.”

Lagale Lavavang At Ne Iesu Karisito Luk Ga Malagan i 1:41

Ga se ne Elisabet ga ronga mo levelinga at ne Maria, lamdak ga xuluxut to xeneng at lebelen. La ne Elisabet ga umsu mi Loroonan Kaala,

Lagale Lavavang At Ne Iesu Karisito Luk Ga Malagan i 1:67

Temen ne Jon ga umsu mi Loroonan Kaala, la ni ga vaase mi levelinga at ne Moroa,

Leven Gugu 9:18

Ap mo mene loxonaleng, lavanga ga lok ngan lengkexeleng mat ga subu su boro at luxatli at ne Sol la ni ga epovo manga xusu ni na reven bok ba. Ni ga xatu kaxat la ga lok ka lesep susu.

1 Korin 9:1

Kereva, nenia laradi sepmus la nenia laradi vavang at ne Moroa? Kereva, nenia aga ven ne Iesu, Leeme Silok atdik? La kereva, nemi livipisik at lugugu rak ngan laradi vavang at Leeme Silok?

2 Pita 3:15

Mina doxoma avukat do Leeme Silok atnedik i ngangais mi lumulus, kusu limixin dina roo suu; i ngan pam neton orong atnedik ne Pol ga malagan tinemi mi lakleklen at ne Moroa ga raba i min.