Leven Gugu 9:13 - Madak

¹³ Ananias ga vorang i rin keretna, “Leeme Silok, buaang limixin diga tong lempanga ria mumu nom laradi, la mumu bok lempanga xakapmek ni ga lox i ri limixin taram to Jerusalem.

Leven Gugu 9:13 ပူးပေါင်းရင်းမြစ်များ

Metiu 10:16

La ne Iesu ga lok tidi, “Mina ronga i na! Ana riki aonon nimi ngan laxasipsip kantubu at laxanman sio. Mina lok tatao avukat nimi i ngan lisii neni ikleklen solo la minak lox atnaasan ngan levenamno.

Leven Gugu 22:4

Aga ranga alis buaang nedi limixin diga mumu asu ne Iesu la agap sev amet di. Agang tanga alis lavatlok mi lavakin la agak lok li di at loogu xokoxo.

Leven Gugu 8:3

Ketla ne Sol ga lok tong pen i do na sev amet limixin axap diga nuunu. La limixin esep digat pas uto at laraugu atnedi xusu dina ranga alis ka di, lavatlok eburu mi lavakin, la diga lok li di at loogu xokoxo.

Leven Gugu 9:1

Ap mo levenaleng Sol move ga lolos do nap sev amet limixin nuunu at Leeme Silok. Ni gat pas uto at lamaasa gomgo,

Leven Gugu 9:21

La nedi diga ronga i, diga rakdu la diga esue, “Kereva na? Na laradi ga nemen to Jerusalem la ni gap sev amet limixin diga nuunu at ne Iesu. La ni gat pas ude xusu na ranga alis nedi la na lok kaka nedi uto at lavamaasa silok.”

Leven Gugu 9:32

Pita ga vas tangtagap at lengkot axap saparap Jerusalem, la at lara laaleng ni gat pas kusu na ven limixin at ne Iesu no diga nemen to Lida.

Leven Gugu 9:41

Pita ga ranga axatu i mi lekngen. La ni ga ro bubua ka luvuttadi nuunu la lempat naa, la ga lox ase di mi ne Tabita mo gara roo xat pam.

Lovoang At Ne Pol Ti Limixin Nunu to Rom 1:7

Nia a malagan na levelinga rinemi axap mi nemen dom Rom, Moroa i balamu nimi la ga ro xaka nimi do nemi limixin teren. Letaba nabalamu la lenmila rinimi boro at ne Moroa ne Temen nedik, la Leeme Silok ne Iesu Karisito.

Lovoang At Ne Pol Ti Limixin Nunu to Rom 15:31

Mina ngising ti ne Moroa xusu neni nabak lok tatao ia at lavatpas tarak keneng at limixin dixo nuunu dik lok keneng at lenep Judaia, la lugugu bok tarak keneng at lemenemen silok Jerusalem kusu limixin at ne Moroa mego dinaba siam kaka i.

Lovoang At Ne Pol Ti Limixin Nunu to Rom 16:15

Lavapaase momo bok ti ne Pilologas mi ne Julia, ti ne Nerius bok mi neinen, la ti ne Olimpas bok eburu mi limixin axap at ne Moroa mo dik lox eburu minedi.

Lovoang At Ne Pol Ti Limixin Nunu to Rom 16:2

Mina seega rangarang i keneng at laasen at Leeme Silok, i epovo mi loklok at limixin at ne Moroa, la minabak lok tooro i at levempanga neni bak pakes tin; atla neni garak lok tooro vam buaang limixin, la nenia bok.

1 Korin 1:2

A malagan i na lovoang tinemi limixin at ne Moroa dom Korin; la ne Moroa ga lox akmokso luruptuvuk atnimi at lekngen ne Iesu Karisito xusu nemi limixin dadat teren. Moroa ga ro xaka vam nimi do ateren; la nemi mit kis esogo amisik mi ne Iesu Karisito, kerekngan limixin to at lengkot axap di lotu parap Leeme Silok atdik ne Iesu Karisito, neni Leeme Silok atdi la Leeme Silok bok atdik.

1 Korin 14:33

la kerepmo lotu atnimi nabak sixit nunuan. Mina lox i xuren mila ne Moroa ga xup kaka dik kopmen do rik lox angtang gamasa, ketla ni ga xup kaka dik kusu lotu atdik nabak sixit nunuan, atla neni ne Moroa at limila. To at laraugu lotu at limixin at ne Moroa,

1 Korin 16:1

Nanga a vara i do ana vaase rinimi mumu levempilas miga malagan axasep min tia xusu ri lok tooro limixin at ne Moroa di nemen to Judaia; mina lox i ngan nia agara vaase vam i ri limixin at laraugu lotu ro at lenep silok Galesia xusu dibak lox i.

1 Korin 6:5

A tong i na rinimi ri lox amamangan nimi. Kereva, kopmen taradi dom kantubu atnimi i epovo ri ila mumu loklok atnemi limixin at lotu?

Epesas 1:1

Nenia ne Pol, laradi vavang at ne Iesu Karisito; Moroa ga soxolik ka ia ri na lugugu. Nia a malagan na levelinga rinemi limixin nuunu boro Epesas, mi nuunu ruturun keneng at ne Iesu Karisito.

Pilipai 1:1

Nenia ne Pol. Nema’ mi ne Timoti, luasaxaruki at ne Iesu Karisito. Ma sok na lovoang tinemi limixin at ne Moroa mi nemen keneng at lemenemen silok Pilipai, la ti luvuttadi amgomgo bok at lotu la luvuttadi loklok tooro, mo miga siam kaka ne Iesu Karisito xeneng at lorooro atnimi.

Pilipai 4:22

Nedi axap limixin at ne Moroa nade, di lox aonon lavapaase momo rinemi. Nedi rinotno limixin gugu at loogu at ne Kaisar di lox aonon lavapaase momo rinimi. I ruturun.

Kolosi 1:2

Nema’ ma malagan na lovoang tinemi limixin nuunu do Kolosi. Nemi limixin at ne Moroa la mi nuunu ruturun at ne Karisito. Letaba nabalamu la lenmila tinemi boro at ne Moroa ne Temen dik.

Ibru 13:24

A lox aonon lavapaase momo rak ti luvuttadi amgomgo atnimi la ti limixin axap at ne Moroa. La nedi bok limixin nuunu boro Itali di lox aonon lavapaase momo rinimi.

Lovoang At Ne Jut 1:3

Larapen tangas orong tarak. Nia a vara aleng i xusu ana sok levelinga rinimi mumu mo langas ti lorooro avolo, ne Moroa im taba dik min. Ketla lara lavanga silok ira vot pam la a tong i rinimi do minam tebeng lolos levelinga at ne Moroa, ni ga raba avolo gesara mun i ri limixin teren.