Leven Gugu 9:10 - Madak

¹⁰ Lara laradi loklok ka anasa ga nemen to Damasko, laasen teren ne Ananias. Ni ga ven lisilimet, la Leeme Silok ga lok tin, “Ananias.” La ni ga vorang i, “Leeme Silok, nenia na.”

Leven Gugu 9:10 ပူးပေါင်းရင်းမြစ်များ

Leven Gugu 10:3

At lara laaleng at lavantun konaleng ga ukantinao, neni ga ven lisilimet la keneng ap mo lisilimet teren neni ga ven axasep avukat laangelo at ne Moroa ga vubeles ukeneng at loogu ren la ga lok tin, “Konilias!”

Leven Gugu 11:5

Ni ga lok keretna, “Nia aga ngising to Jopa la nia aga ven lisilimet; la aga ven lavanga ga si boro vana la ukopok, ga lok ngan lavattamon silok diga lox asi i boro vana at laxalibet ga ruuna lavanuet mesuluk; la ni ga los kis saparav ia.

Leven Gugu 12:9

Pita ga mumu asu i uto xamang. Ni goxo xasep at levelinga ap mo laangelo; ni ga nua i do ni mo ga reven mun lapnobo.

Leven Gugu 16:10

Melemu at ne Pol ga ven na lisilimet, soso mun nema maga gagas kusu manat pas uto Masadonia, mila magaklen i do Moroa ga ro ka vam nama kusu mana vaase asu Lagale Lavavang ti limixin me go.

Leven Gugu 16:9

Ap mo laxanimin Pol ga ven lisilimet la ni ga ven laradi boro Masadonia ga tu, la ga sing i, “Unat pas ude Masadonia la una lok tooro nama!”

Leven Gugu 18:9

At lara laxanimin Pol ga ven lisilimet, la Leeme Silok ga lok tin, “Nemen utak marat, ketla una vavang amisik la nemen uta doxoma abulubun la una ke xepe na lugugu rak,

Leven Gugu 2:17

Moroa ga lok keretna, ‘Auret ti laaleng kavaxap at lavatbung menemen nia anaba lox i na; anaba riki asi Loroonan Kaala rak uto xantubu at limixin axap. Laxamdak mi laxaalik atnimi dinaba paase alii tempanga; luvuraau maxat atnimi dinaba silimet tangarang ka tempanga; la luvuttadi asioxo atnimi dinabam tobo teventomtobo.

Leven Gugu 22:12

Lara laradi, laasen teren ne Ananias, laradi lotu la gang tonga res at Lenavolo atdik la limixin me Judaia go Damasko diga lok ngangao aleng teren.

Leven Gugu 9:12

la at lisilimet teren ni i ven lara laradi, laasen teren ne Ananias i beles ukeneng la i lok li lukngen at lavatlak teren kusu ni na ven bok ba.”

Leven Gugu 9:9

At lavantun aleng ni goxo epovo do na ven tempanga, la ap mo bok levenaleng ni goxo anan la goxo inin.

2 Korin 11:32

To Damasko laradi gomgo maxopok at loorong silok ne Aretas ga tong lolos i xusu dina ru pe levenngas povolo ap mo lemenemen Damasko xusu dina ranga alis ia.

Galesia 1:17

kopla agitat pas bok be uto Jerusalem kusu ri ven nedi lavaun pavang avot tia. Ketla agat pas epopolo uto Arabia, la melemu agamlong uto Damasko.