Leven Gugu 8:39 - Madak

³⁹ Diga vas su boro at ladan la Loroonan Kaala at ne Moroa ga lok ka ne Pilip uto vetpes. La mo laradi goxo ven bok ba i, ketla ni gat pas epolo mun at langa, la ga umsu mi lomomo.

Leven Gugu 8:39 ပူးပေါင်းရင်းမြစ်များ

Sam 119:111

Lempapaase matmatkun taram i lok ngan loxom pulus nunuan naba nemen amisik eburu minia, la i lox aumsu labalak mi lomomo.

Sam 119:14

A momo ri mumu asu levempapaase matmatkun taram, i ngan lara i momo mi langsangan lapnovos.

Metiu 13:44

La ne Iesu ga lok bok tidi, “Linintoo no vana at laxalibet i lok ngan lapnovos di lipe i ro at laxangka. La lara laradi i ven terek ka i la ni ia lipe manga i, la ni i lok momo aleng la ni ia sesep mi lempanga axap teren la neni imlong la ia un kaka mo lenep kangka axap la ia ruuna ka mo lapnovos.”

Metiu 3:16

Melemu at ne Jon ga sep susu ne Iesu, neni ga vas urut basinge ladan la uto at lisigege dan. La ne Moroa ga suang laxalibet ti ne Iesu, la neni ga ven Loroonan at ne Moroa ga si boro vana la ukopok; ga ven ngan ta lamno la gasga ne Iesu.

Lagale Lavavang At Ne Iesu Karisito Mak Ga Malagan I 1:10

La ne Iesu ga vas basinge ladan la soso mun neni ga ven laxalibet ga rem suang, ga ven bok Loroonan Kaala ga lok ngan lamno ga rava si, la gasga i.

Leven Gugu 13:52

Luvuttadi nuunu mego Antiok diga umsu mi Loroonan Kaala la lomomo bok.

Leven Gugu 16:34

Ni ga lok ka ne Pol mi ne Sailas uto at loogu ren la ga raba nedu mi leveluxa ri anan. Neni eburu minedi diga nemen at loogu ren diga umsu mi lomomo, mila diga nuunu ba at ne Moroa.

Leven Gugu 8:29

Loroonan Kaala ga tong i ri ne Pilip, “Una vas tangarang mo lavatkaris la unat pas saparav i.”

Leven Gugu 8:38

Mo leeme silok ga lox alis mo lavatkaris la lakaris ga ru; la Pilip eburu mi mo laradi duga vas si uto xopok at ladan la diga ru ro xeneng teren, la ne Pilip ga sep susu i.

Leven Gugu 8:8

Kuren la langsangan lomomo ga rupot saparap limixin ap mo lemenemen.

Lovoang At Ne Pol Ti Limixin Nunu to Rom 5:2

La neni gara siam ka vam nedik mumu lunuunu atnedik, la levereven kibis atnedik ti letaba nabalamu at ne Moroa, mo nga nedik di rooro ren. Nedik di momo mumu levendoxoma voovo atnedik do neni naba lox asuusu lisisixam teren tidik.

Pilipai 3:3

Nedik na digara ruuna ka vam loklok katling tuturun at ne Moroa la nedik di lotu saparap ne Moroa keneng at Loroonan Kaala la nedik di momo xeneng at lixitkis atdik eburu mi ne Iesu Karisito. Nedik kopmen tana nuunu do mo loklok ti rivit kepe lengkontuxu la leveloklok kerepmo at leme Judaia ba lok tooro dik.

Pilipai 4:4

Lomomo atnimi keneng at Leeme Silok na nemen amisik. A tong amu box i do mina momo.

Jems 4:16

Ketla nemi xa mi xip aurut levenasen atnimi la mi tong asu levelinga loklox asilok. Mo axap leveloklox asilok patlak kerepmo, ni i lok kapmek.