Leven Gugu 8:35 - Madak

³⁵ Pilip ga vaase rin, ga vaxaru ka i ap mo loxot, neni ga utus i, neni ga tong Lagale Lavavang at ne Iesu rin.

Leven Gugu 8:35 ပူးပေါင်းရင်းမြစ်များ

Metiu 5:2

la neni ga ru ka i do na anasa di.

Lagale Lavavang At Ne Iesu Karisito Luk Ga Malagan i 24:27

La ne Iesu ga soxomus levelinga at Lovoang Kaala ridu mumu i; ga ru ka i at levenbuk at ne Moses la levenmamalagan at lavaeme vapaase alii.

Leven Gugu 10:34

Pita ga vaase kaxat la ga lok, “Anaa, nia a ven kibis i do i ruturun tinotno do ne Moroa kopmen na ven kepe lentaba vetpes, i ven limixin axap ngan legesara mun.

Leven Gugu 11:20

Ketla lentaba luvuttadi nuunu boro Saipras la Sairini, digat pas uto Antiok la diga vavang go ri limixin kopmen di me Judaia; diga tong asu Lagale Lavavang at Leeme Silok ne Iesu.

Leven Gugu 17:18

Lentaba luvuttadi loklox ase diga tong nedi do Epikurian la Stoik diga etep mi levelinga eburu mi ne Pol. Lentaba diga sue, “Lavanga salai na laradi baulang i lok do na tong asu i?” Lentaba vetpes diga lok, “Ni i paase mumu levenmoroa at lengkot petpes.” Diga tong i na mila Pol ga vavang mumu ne Iesu la laxakatu kaxat amlong teren.

Leven Gugu 18:28

At lemeren limixin axap ni ga volo aleng limixin me Judaia mi leete silok. Ni ga lox asuusu i at Lovoang Kaala do ne Iesu, neni Lanarong.

Leven Gugu 19:13

Lentaba at leme Judaia mo digat pas tangtagap la digak lok pes lubunggas basinge limixin; diga lok tong pen i do dina gugu mi laasen at Leeme Silok ne Iesu. Diga lok ti lubunggas keretna, “Nia a tong i rinimi do mina sixisu at laasen at ne Iesu, mo ne Pol i vavang min.”

Leven Gugu 28:23

Kuren la diga lok katling lara laaleng eburu mi ne Pol, la buaang limixin diga vot ap mo laaleng to ap mo loogu ne Pol ga nemen teren. Ga maxantamak suubu se at laxanimin neni ga soxomus lavasuun at levelinga at Linintoo at ne Moroa rinedi. Ni ga lok tong pen i do na sat ka lodoxoma atdi mi levelinga ma xeneng at Lenavolo at ne Moses la levenmamalagan at lavaeme vapaase alii xusu diba nuunu at ne Iesu.

Leven Gugu 3:20

la kusu ne Moroa ba raba nimi mi lorooro nunuan basinge levenmumuat at nai lavatbung menemen kopok la kusu ni naba riki asi ne Iesu, neni Lanarong; Moroa gara soxolik ka vam i do rinimi.

Leven Gugu 5:42

La at levenaleng axap to xeneng at loogu laplavang la to at leventaugu at limixin, diga anasa la diga vavang mi Lagale Lavavang at ne Iesu, neni Lanarong.

Leven Gugu 8:34

Mo leeme silok ga lok ti ne Pilip, “Tong i ria, do nege mo na leeme vapaase alii ga paase mu i? Tin kopla ti tara vetpes?”

Leven Gugu 9:20

Sol ga beles to xeneng at laraugu singising la soso mun ni ga vaxaru ka i xusu na vavang mi laasen at ne Iesu. Ni ga lok, “Iesu neni Nitna ne Moroa.”

1 Korin 1:23

Ketla nema ma vavang mene mi laniu at ne Karisito ga uu rovana at laxaba; i lolos aleng do leme Judaia dina nuunu do Lanarong ga uu xerepmo, kuren la di noxo nuunu at ne Karisito; la mo laniu i ngan lavanga rangtangku ri limixin me Grik.

1 Korin 2:2

At levenaleng nenia aga nemen eburu minimi, aga doxoma i do ana ke xepe be levelinga axap la ana vavang kusuk be mi laniu at ne Iesu Karisito ga uu at laxaba.

2 Korin 6:11

Larapen tangas atnama dom Korin. Mara paase palas avukat pam levelinga rinimi, la lebelen nama i rem suang tinimi.

Epesas 4:21

Nemi migara ronga xaka vam levelinga ren la diga lox ase nimi min, ik sixit emu mi levenanasa ruturun at ne Iesu.