Leven Gugu 8:25 - Madak

²⁵ Melemu at lavapaase asu atnedu la levelinga at Leeme Silok, Pita mi ne Jon duga vas bilong uto Jerusalem. Ap mo lomlong atnedu duga vavang mi Lagale Lavavang to at laxanmenemen solo mego Samaria.

Leven Gugu 8:25 ပူးပေါင်းရင်းမြစ်များ

Leven Gugu 20:21

Ti leme Judaia la limixin kopmen di me Judaia bok aga vaase lolos tinedi do dina leeng basinge laxakapmek atnedi, la dina vot parap ne Moroa, la dina nuunu at Leeme Silok ne Iesu.

1 Pita 5:12

Ne Sailas ga lok tooro ia xusu ri malagan na lovoang mutmut tinemi, la neni netak at laasen at ne Karisito. A vara i xusu ana lox alolos nemi mi levelinga at na lovoang, anai neni letaba nabalamu rinotno at ne Moroa. Kuren la mina tu lolos keneng teren.

Leven Gugu 28:31

Ni ga vavang mi Linintoo at ne Moroa la ga vanasa bok mi laasen at Leeme Silok, ne Iesu Karisito la kopmen tara goxo ru pe lugugu ren; ni ga paase mi lolos la kopmen gita marat.

Leven Gugu 28:28

La ne Pol ga lok bok, “Minaklen avukar i do, levelinga loklox arooro at ne Moroa diga lox aonon pam i uto at limixin kopmen di me Judaia. Dibang tonga i.”

Leven Gugu 28:23

Kuren la diga lok katling lara laaleng eburu mi ne Pol, la buaang limixin diga vot ap mo laaleng to ap mo loogu ne Pol ga nemen teren. Ga maxantamak suubu se at laxanimin neni ga soxomus lavasuun at levelinga at Linintoo at ne Moroa rinedi. Ni ga lok tong pen i do na sat ka lodoxoma atdi mi levelinga ma xeneng at Lenavolo at ne Moses la levenmamalagan at lavaeme vapaase alii xusu diba nuunu at ne Iesu.

Leven Gugu 18:5

At lara laaleng ne Sailas mi ne Timoti duga rupot boro Masadonia, la melemu ne Pol ga raba levenaleng axap teren ti vavang mi Lagale Lavavang la ga tong i ri limixin me Judaia do ne Iesu, neni Lanarong.

Leven Gugu 8:40

Pilip ga ven kibis i do ni mo ga nemen ta ro Asotas, la ni ga vas kaxat la gat pas kantubu ap mo levenmenemen, la ni ga vavang mi Lagale Lavavang se neni ga rupot to Sisaria.

Leven Gugu 1:8

Ketla nemi minaba umsu mi lolos mo do Loroonan Kaala na vubeles atnimi; la minaba paase katling mi lorooro rak tinedi limixin to at lemenemen silok Jerusalem, la to bok at lengkot axap at lunep silok Judaia la Samaria, la to at lengkot axap bok at na lavatbung menemen kopok.”

Lagale Lavavang At Ne Iesu Karisito Jon Ga Malagan I 15:27

La nemi bok, miba paase asuusu minia, mila nemi migara nemen eburu vam minia; ga ru ka i at laaleng nenia aga ru ka lugugu rak.

Metiu 10:5

Iesu ga riki asu na lasangaun legepura luvuttadi mi levelinga xeretna; “Nemen gat nimi gutat pas uto at tenep at limixin kopmen di me Judaia kopla uto at temenemen at leme Samaria.

Lagale Lavavang At Ne Iesu Karisito Luk Ga Malagan i 16:28

kusu neni nabat pas la na vaase aronga bok lavalimo luvutnetak la di noxot pas bok ti na lemenemen songsongot.’

Leven Gugu 13:12

Laradi gomgo ga ven mo lavanga la ga nuunu; ni ga sangu ap mo levenanasa ni ga ronga i mumu Leeme Silok.