Leven Gugu 8:1 - Madak

¹ La ne Sol ga mulus ap mo laniu at ne Stiven. Ap mo mun laaleng luvuttadi nuunu ro Jerusalem diga vaxaru ka i xusu dina suma ka laxasongsongot silok. Luvuttadi nuunu diga epeseves at lengkot axap Judaia la Samaria, ketla luvuttadi vavang diga nemen to Jerusalem.

Leven Gugu 8:1 ပူးပေါင်းရင်းမြစ်များ

Metiu 22:6

La nedi lentaba vetpes diga ranga alis lavasaxaruki la diga lok kapmek di la diga sev amet di.

Metiu 23:34

Kuren la aba riki lavaeme vapaase alii eburu mi luvuttadi leklen la luvuttadi loklox ase saparap nimi. Lentaba atdi miba vaxarem di at larakaba la mibap sev amet di. La lentaba atdi mibak pixis di ro xeneng at laraugu singising la miba xala su mi lentaba atdi basinge levenmenemen atdi la uto at levenmenemen petpes.

Metiu 5:13

La ne Iesu ga lok bok tidi, “Nemi mi ngan laxakures ti limixin axap. Ket do lololos at laxakures na xap, kopmen bok ba tangas kusu naba so kakures manga. Kopmen bok ba na epovo xusu dina lok li i at teveluxa, kuren la diba lu xape mun min la limixin dibat pas abilinga i.

Lagale Lavavang At Ne Iesu Karisito Jon Ga Malagan I 15:20

Mina doxoma levelinga nia aga tong i rinimi i lok keretna, kopmen tasaxaruki na silok ti laradi gomgo ren. Do dina lox asongor ia, diba lox asongot bok nimi; do dina ronga res at levelinga rak, diba ronga res bok at levelinga atnimi.

Lagale Lavavang At Ne Iesu Karisito Jon Ga Malagan I 16:2

Luvuttadi amgomgo dinaba sep pepe nimi xusu mi noxo vubeles bok ba uto at laraugu singising. La laaleng move naba vot, la do tara na sev amet tara atnimi, ni naba nua i do i lox i mo ri lox amomo ne Moroa.

Leven Gugu 1:8

Ketla nemi minaba umsu mi lolos mo do Loroonan Kaala na vubeles atnimi; la minaba paase katling mi lorooro rak tinedi limixin to at lemenemen silok Jerusalem, la to bok at lengkot axap at lunep silok Judaia la Samaria, la to at lengkot axap bok at na lavatbung menemen kopok.”

Leven Gugu 13:1

At loogu lotu go Antiok lentaba lavaeme vapaase alii la lentaba luvuttadi loklox ase mo gak lok; Banabas, Simion (diga tong box i do laradi bibi), Lusias (boro Sairini), Manaen (mo nedu mi laradi gomgo ne Erodes duga etangas eburu), la ne Sol.

Leven Gugu 13:36

Devit gam tebeng lugugu at ne Moroa ap mo levenaleng teren, la melemu ni ga met, la digak mir i saparap lavalabat teren, la ni gap sopso.

Leven Gugu 2:47

Diga emi asu mi ne Moroa la limixin axap diga lok ngangao atdi. At levenaleng axap Leeme Silok gam lam abeles bok luvuttadi diga lok kaka lunuunu at laasen at ne Iesu ukeneng ap mo lexekexes atdi.

Leven Gugu 22:20

La at laaleng diga sev amet laradi vapaase ram ne Stiven, nenia mo aga tu saparap di, la nia aga siam ti mo laniu ren la agak lok tatao levempanga singsiga ap mo limixin diga sev i.’

Leven Gugu 26:10

Aga lok na lempanga ro Jerusalem la aga lok ka levelinga lolos boro at lavamaasa silok kusu ana lok li limixin buaang at ne Moroa ro at loogu xokoxo; se diga lok do dina sev amet di, la nenia bok aga sisiam do dinap sev amet di.

Leven Gugu 5:18

Diga ranga alis ka luvuttadi vavang la diga lok li nedi at loogu xokoxo.

Leven Gugu 5:20

“Uto nimi at loogu laplavang la mina tong asu Lagale Lavavang mumu lorooro maxat.”

Leven Gugu 5:33

Diga ronga i mo la diga musak aleng, la diga lok do dina sev amet di.

Leven Gugu 5:40

Luvuttadi amgomgo diga mu asu na lavapaase at ne Gamaliel. Diga ro abeles luvuttadi vavang ukeneng, la digak pixis nedi; la diga tong alolos i ridi do nemen gat nedi ta tong asu laasen at ne Iesu; la diga soxomus asu di.

Leven Gugu 7:38

Neni mo laradi ga nemen eburu mi limixin me Israel to at lamatbin, neni ga nemen eburu mi lavalabat atdik la laangelo bok mo ga paase rin to at lakaana Sinai; neni ga lok ka Lenavolo at ne Moroa xusu na raba i ri nedik limixin me Israel.

Leven Gugu 7:54

Mo luvuttadi amgomgo at loogu laplavang diga ronga i nom la diga musak aleng la diga atat etang levesangsa atdi ri ne Stiven mi lumukmusak.

Leven Gugu 7:58

diga sar asu i basinge mo lemenemen silok, la diga lu uar i. La mo luvuttadi diga lu uat ne Stiven diga lok li levempanga singsiga atdi ro at lara laradi, laasen teren ne Sol.

Leven Gugu 8:14

Luvuttadi vavang to Jerusalem diga ronga i do limixin to Samaria diga nuunu at levelinga at ne Moroa; kuren la diga riki ne Pita mi ne Jon saparap nedi.

Leven Gugu 8:2

Ket lentaba luvuttadi diga lotu saparap ne Moroa digak mit ne Stiven, diga saxaanu ren.

Leven Gugu 8:4

Luvuttadi nuunu no diga epeseves, digat pas ti lengkot axap, la diga vavang mi Lagale Lavavang.

Leven Gugu 8:5

Pilip gat pas uto at lara lemenemen at lenep Samaria la ni ga vavang mi Lagale Lavavang at Lanarong tinedi limixin me go.

Leven Gugu 9:31

Kuren la luvuttadi nuunu at lengkot axap Judaia, Galili, la Samaria, diga ruuna limila la kopmen bok ba di goxo marat. La leexes at limixin nuunu ga urut; mila Loroonan Kaala ga gugu kantubu atdi, la diga lok ngangao aleng at Leeme Silok.

Lovoang At Ne Pol Ti Limixin Nunu to Rom 1:32

Diklen i do Lenavolo at ne Moroa i tong i do limixin di mumu asu na leventaangas dinaba seeve. Ketla move dik lok na leventaangas la di momo mun midi limixin petpes ua di lok mo langas.

Pilipai 1:12

Luvutnetak mi luvurinuk. A vara i xusu minaklen nunuan i do mo levesongsongot gat pot saparav ia, ga lok tooro aleng tinotno lususu at Lagale Lavavang.

Ibru 11:27

Neni ga ruuna lunuunu, kuren la neni ga vas kaxat basinge lemenemen Isip la goxo marat at lumukmusak at loorong silok me go, ketla neni ga tu lolos at lunuunu ren, mila neni ga ven kibis ne Moroa, mo limixin di goxo epovo na ven i.