Leven Gugu 6:9 - Madak

⁹ Ketla lentaba luvuttadi di goxopara rin, nedi luvuttadi boro at lumenemen Sairini la Aleksandria; diga lotu at lara loogu singising, laasen teren, ‘Loogu Singising at Luvuttadi Sepsen.’ La lentaba limixin bok me Judaia boro Silisia la Asia di goxopara ne Stiven; nedi axap eburu mi ne Stiven diga etep mi levelinga.

Leven Gugu 6:9 ပူးပေါင်းရင်းမြစ်များ

Metiu 10:17

Mina reven avukat, mila lentaba luvuttadi mo diba ranga alis nimi la dina lok ka nimi ri lavapaase; la dibak pixis nimi ro xeneng at laraugu singising atdi.

Metiu 23:34

Kuren la aba riki lavaeme vapaase alii eburu mi luvuttadi leklen la luvuttadi loklox ase saparap nimi. Lentaba atdi miba vaxarem di at larakaba la mibap sev amet di. La lentaba atdi mibak pixis di ro xeneng at laraugu singising la miba xala su mi lentaba atdi basinge levenmenemen atdi la uto at levenmenemen petpes.

Metiu 27:32

Luvuttadi esep mi ne Iesu diga sixisu ap mo loogu la diga ekip tangarang mi lara laradi boro Sairini, laasen teren ne Simon, la luvuttadi esep diga sox aruru parang i xusu na xip ka laxaba at ne Iesu.

Lagale Lavavang At Ne Iesu Karisito Mak Ga Malagan I 13:9

Ketla mina lok tatao avukat nimi. Tentaba diba ranga alis nimi la miba tu at lavapaase ro melamgo at lavaeme silok la dibak pixis nimi ro at laraugu singising. La miba tu at lavapaase ro melamgo at lavaeme amgomgo mi lavaorong silok mila nemi mi nuunu rak, ketla miba tong asu Lagale Lavavang tidi.

Lagale Lavavang At Ne Iesu Karisito Luk Ga Malagan i 21:12

Avot ti na lempanga naba vot, diba ranga alis nimi la dina lox asongot nimi; diba song araba nimi ri lavapaase ro xeneng at laraugu singising la dina lok li nimi at loxokoxo; la diba lok kaka nimi uto melamgo at lavaorong silok la luvuttadi amgomgo xusu dina lok li nimi at lavapaase mila nemi mi nuunu rak.

Leven Gugu 11:20

Ketla lentaba luvuttadi nuunu boro Saipras la Sairini, digat pas uto Antiok la diga vavang go ri limixin kopmen di me Judaia; diga tong asu Lagale Lavavang at Leeme Silok ne Iesu.

Leven Gugu 13:1

At loogu lotu go Antiok lentaba lavaeme vapaase alii la lentaba luvuttadi loklox ase mo gak lok; Banabas, Simion (diga tong box i do laradi bibi), Lusias (boro Sairini), Manaen (mo nedu mi laradi gomgo ne Erodes duga etangas eburu), la ne Sol.

Leven Gugu 13:45

Ketla lentaba limixin me Judaia diga ven i, la diga umsu mi levereven peves; diga paase tangarang mo levelinga ne Pol ga tong i, la diga paase xapmek tin.

Leven Gugu 15:23

Diga raba nedu mi mo lovoang ga lok keretna; “Nema na luvuttadi vavang la loxongkulao silok, luvutneton nimi; ma lox aonon lomomo atnama rinemi limixin kopmen nemi me Judaia mo mi nemen to Antiok, Siria, la Silisia.

Leven Gugu 15:41

Dugat pas maxeneng at lunep silok Siria la Silisia, la duga lox alolos luvuttadi nuunu.

Leven Gugu 16:6

Pol mi larapen tangas teren digat pas epolo maxeneng at lunep silok Pirigia la Galesia, mila Loroonan Kaala goxo siam do dina vaase asu Lagale Lavavang ap mo lenep Asia.

Leven Gugu 18:24

Lara laradi me Judaia laasen teren ne Apolos, neni boro Aleksandria, gat pas uto Epesas. Ni laradi levelinga ren ga lok nunuan amisik la ni gakleklen avukat levelinga at Lovoang Kaala.

Leven Gugu 19:10

Pol ga nemen go la ga anasa limixin at legepu maares; kuren la limixin no diga nemen taba ro at lengkot Asia, nedi leme Judaia la leme Grik bok diga ronga levelinga at ne Moroa.

Leven Gugu 19:26

Nemi xa mira ven pam i la mira ronga vam mo levelinga ne Pol i tong i. Ni lok do levenmoroa limixin di lox i mi levengkikngen di, kopmen levenmoroa ruturun. La ni ira sat ka vam buaang nedi limixin mi levelinga ren, la ira lox asubu di basinge lomoroa rixin nade Epesas la at lengkot axap bok at na lenep Asia.

Leven Gugu 21:27

Levenaleng ap mo loklok ga lok do na xap ta, lentaba leme Judaia boro at lenep Asia diga ven ne Pol to xeneng at loogu laplavang. Diga lox axatu kaxat levendoxoma at limixin axap me go, la diga ranga alis i.

Leven Gugu 21:39

Pol ga lok keretna, “Nenia lara at limixin me Judaia, boro at lemenemen Tasas at lenep Silisia; nenia me go ap mo lemenemen silok doxodok. A sing u do i epovo ana vaase ri limixin.”

Leven Gugu 22:19

Aga lok, ‘Leeme Silok, diklen avukat tinotno i do nia agat pas uto at laraugu singising la agap sep mo limixin diga nuunu ram.

Leven Gugu 22:3

“Nenia lara at limixin me Judaia, boro at lemenemen Tasas at lenep Silisia, ketla diga lok ka ia ude Jerusalem i ngan laradi loklok ka anasa at ne Gamaliel. Aga lox ase avukat keneng at Lenavolo at lavalabat atdik, la aga lolos tinotno ri mumu asu ne Moroa kerekngan nemi axap na lingina.

Leven Gugu 23:34

Laradi gomgo ga exes mo levelinga la ga sue ne Pol do ni meva. La ni ga ronga i do neni boro Silisia.

Leven Gugu 24:18

Aga lox i na la aga lox epovo loklok tik lox adadat; la nedi na diga vosiga ia ro at loogu laplavang. Goxopmen bok timixin solo diga nemen eburu minia la goxopmen bok tekarakat ap mo loxot.

Leven Gugu 26:11

Buaang laxanaleng agak lox asongot di ro xeneng at laraugu singising, la agak lok di xusu dina tong i do di xopara ri ne Iesu. Agak musak aleng tinotno di, kuren la agat pas bok uto vaxalom at lara menemen petpes kusu anak lox asongot nedi.

Leven Gugu 6:10

Ketla Loroonan Kaala ga raba ne Stiven mi lakleklen silok; kuren la ni ga vaase mi lolos la di goxo epovo xusu dina vorang i.

1 Korin 1:20

La kereva ba levelinga at limixin dokdoxoma? La kereva ba levelinga at limixin akleklen? La kereva ba levelinga at limixin di etep mi levelinga at na lavatbung menemen? Moroa ira lox asuusu vam i do levelinga at na lavatbung menemen ni lavanga gamasa.

Galesia 1:21

La melemu agat pas uto at lunep silok, Siria la Silisia.