Leven Gugu 6:2 - Madak

² Kuren la nedi na lasangaun mi legepura luvuttadi vavang diga ro bubua ka nedi axap luvuttadi loklok ka anasa la diga lok, “Kopmen nak mokso rinama xusu mana ke xepe na Lagale Lavavang at ne Moroa la mana raba panga nimi.

Leven Gugu 6:2 ပူးပေါင်းရင်းမြစ်များ

Leven Gugu 21:22

Dibaklen i do nenu mo u rupot pam. Ataba lok lavanga salai?

Leven Gugu 25:27

Mila ixok mokso do ana riki gamasa taradi xokoxo la xopmen tavapaase axasep ti levelinga diga lok li i ren.”

Leven Gugu 4:19

Ketla ne Pita mi ne Jon duga vorang i ridi keretna, “Nemi xa mina doxoma mumu i na, do ua i lox avukat at lemeren ne Moroa; mana ronga res atnimi xopla mana ronga res at ne Moroa.

Leven Gugu 6:1

Ap mo levenaleng leexes at luvuttadi nuunu ga uturut amisik upana; la leedak ga ravasu xantubu atnedi limixin me Judaia mo diga paase Grik la nedi limixin me Judaia diga paase Judaia. Limixin mo diga paase Grik, diga lok do lempat naa atdi, di goxop kip ka epovo levempanga loklok tooro ridi at levenaleng axap.

Leven Gugu 6:3

Luvutnetak mi luvurinuk, mina soxolik ka tavanuti tuvuttadi xantubu atnemi xa, mo nemi mikleklen di do di umsu mi Loroonan Kaala la lodoxoma avukat; la nema maba lok li di, kusu dina lok tatao na lugugu,

2 Timoti 2:4

Laradi esep i gugu lolos kusu laradi gomgo ren na lok momo min, la neni noxo gugu at teven gugu vetpes.