Leven Gugu 6:13 - Madak

¹³ La diga lox abeles lentaba luvuttadi xusu ti xarang taba i. Diga lok, “Na laradi i paase vupu ri na loogu laplavang at ne Moroa la Lenavolo at ne Moses.

Leven Gugu 6:13 ပူးပေါင်းရင်းမြစ်များ

Sam 27:12

Nemen gat uta on taba arulu xepe ia ri levengkikngen limixin di munepen minia, di xaxarang taba amisix ia, la di rooro ri vaaban ia.

Sam 35:11

Limixin kakapmek di vaxaru ia at lavapaase la dik sok taba ia mi leveloklok kakapmek mo nenia xopmen anaklen i.

Sam 56:5

Limixin munepen minia dik lok kakapmex ia at levenaleng kudun axap; dim doma agagas li amisik leventaangas kusu dina lox asongor ia.

Metiu 24:15

La ne Iesu ga lok bok tidi, “Miba ven lavanga ba lok kapmek aleng, kerekngan leeme vapaase alii ne Daniel ga paase mumu i. Na lavanga xapmek naba tu ro xeneng at loxot kaala aleng at loogu laplavang la kerepmo naba lox amulao mo loxot.” Nege do na us i na, neni na xasep avukat at lavasuun at na levelinga.

Metiu 26:59

Nedi axap luvuttadi amgomgo eburu mi lavamaasa silok ap mo lixitkis buru diga puse ri tevelinga xaxarang kusu dina so raba ne Iesu min la diba epovo na sev amer i.

Leven Gugu 21:28

Digap kup keretna, “Nemi limixin me Israel. Ude nimi la mina lok tooro nama. Anai laradi na it pas tangtagap at lengkot axap la ik lox ase limixin do dina lox abulubun kepe limixin me Judaia la dina ke xepe Lenavolo atdik la na loogu laplavang. La ana nga ira lok ka laradi xopmen me Judaia ukeneng at loogu laplavang la kerepmo i lok puvula na loogu xaala!”

Leven Gugu 25:8

La ne Pol ga lok keretna, “Axo lok kapmek tempanga mumu Lenavolo at leme Judaia, kopla loogu laplavang kopla at ne Kaisar.”

Leven Gugu 6:11

La diga lok li lentaba xusu dina bala raba i, diga lok keretna, “Nema maga ronga ne Stiven, neni ga paase vupu ri ne Moses la ne Moroa.”

Leven Gugu 7:58

diga sar asu i basinge mo lemenemen silok, la diga lu uar i. La mo luvuttadi diga lu uat ne Stiven diga lok li levempanga singsiga atdi ro at lara laradi, laasen teren ne Sol.

Ibru 7:12

La ne Moroa ga soxolik ka Lamaasa vetpes kusu na lox adadat limixin basinge laxakapmek, kuren la neni ga lox ekun Lenavolo mi lekabus maxat, mila do tara na lox ekun leventaangas at lavamaasa, neni na lox ekun bok Lenavolo.