Leven Gugu 6:1 - Madak

¹ Ap mo levenaleng leexes at luvuttadi nuunu ga uturut amisik upana; la leedak ga ravasu xantubu atnedi limixin me Judaia mo diga paase Grik la nedi limixin me Judaia diga paase Judaia. Limixin mo diga paase Grik, diga lok do lempat naa atdi, di goxop kip ka epovo levempanga loklok tooro ridi at levenaleng axap.

Leven Gugu 6:1 ပူးပေါင်းရင်းမြစ်များ

Sam 110:3

At levenaleng at leesep limixin esep taram diba xulubi aleng kusu ri esep. La no mun at lenmaxantamak suubu, luvurau radi ram dibat pas posiga u ro vana at lakaana i xaala.

Sam 72:16

Keke na laxangka na umsu mi laxam piao; la lengkong kaana nam tebonot pe mi levempeeve anan, la dinaba pisik solo ngan leventauna ro Lebanon. Keke mo laramenemen silok teren na umsu mi limixin, la naba lok ngan laxangka i umsu mi levempivilis.

Metiu 23:13

Naba lok kapmek aleng tinimi, luvuttadi loklox ase at Lenavolo eburu minemi lubung Parisi. Nemi lavapen aala. Mik soxoba pe lumusaragu ri Linintoo no vana at laxalibet kusu limixin kopmen dina epovo dina beles teren. Ketla nemi xa xopmen minoxo beles teren la mi tu pe mo lumusaragu ri limixin dik lok tong i xusu dina beles.

Leven Gugu 11:20

Ketla lentaba luvuttadi nuunu boro Saipras la Sairini, digat pas uto Antiok la diga vavang go ri limixin kopmen di me Judaia; diga tong asu Lagale Lavavang at Leeme Silok ne Iesu.

Leven Gugu 11:26

La ne Banabas ga vosiga i la ni ga lam kaka i uto Antiok. At legesa maares kudun nedu dugat pot eburu minedi buaang limixin ap mo loxot la duga anasa di. Mo go mun Antiok limixin nuunu diga lok ka avot na laasen Kristen.

Leven Gugu 11:29

Limixin nuunu boro Antiok diga vaase i do dina lok tooro limixin nuunu ro Judaia. Nedi diga ruuna lempilas buaang, diga raba i.

Leven Gugu 2:41

Buaang atnedi diga nuunu ap mo levelinga la luvuttadi vavang diga sep susu di; lavantun larabin sangsangaun kobot (3000) limixin diga beles saparap nedi luvuttadi nuunu ap mo laaleng.

Leven Gugu 2:45

Diga sesep bok mi lempanga atdi la mo levempilas teren diga epes i xantubu atnedi ga epovo at levempakpakes atnedi getgesara.

Leven Gugu 2:47

Diga emi asu mi ne Moroa la limixin axap diga lok ngangao atdi. At levenaleng axap Leeme Silok gam lam abeles bok luvuttadi diga lok kaka lunuunu at laasen at ne Iesu ukeneng ap mo lexekexes atdi.

Leven Gugu 4:35

la diga raba luvuttadi vavang min; la mo levempilas diga epes ba i xantubu atnedi ga epovo at lavakpakes atnedi getgesara.

Leven Gugu 4:4

Ketla buaang atnedi diga ronga i mo lavapaase at ne Pita, diga nuunu; la lexekexes atnedi limixin nuunu ga urut ti lavalimo larabin sangsangaun kobot. (5000)

Leven Gugu 5:14

Ketla buaang nedi limixin, lavatlok mi lavakin diga lok kaka lunuunu at Leeme Silok la diga beles at loxonbinam atdi.

Leven Gugu 5:28

“Maga raba nemi mi levelinga lolos do nemen gat nemi mita anasa mi mo laasen at ne Iesu; ketla ming tonga xepe i. Mira vaase asu vam nom levenanasa at lengkot axap de xeneng Jerusalem, la nemi mi lox i xuren kusu do nema maba xip tutu mi lanmet teren.”

Leven Gugu 6:2

Kuren la nedi na lasangaun mi legepura luvuttadi vavang diga ro bubua ka nedi axap luvuttadi loklok ka anasa la diga lok, “Kopmen nak mokso rinama xusu mana ke xepe na Lagale Lavavang at ne Moroa la mana raba panga nimi.

Leven Gugu 6:7

La levelinga at ne Moroa ga epeseves. Leexes at limixin nuunu ro Jerusalem ga uturut amisik mene la buaang atnedi lavamaasa diga lok kaka lunuunu maxat ap mo Lagale Lavavang.

Leven Gugu 9:29

Ni eburu minedi limixin me Judaia mo diga paase Grik diga etep mi levelinga, ketla diga lok tong pen i do dina sev amer i.

Leven Gugu 9:39

La ne Pita ga xatu kaxat la ga vas kaxat eburu midu. At loxonaleng neni ga rupot diga lam kaka i uto ap mo loogu mevana. Mo lempat naa diga ru bubua saparav i, digang teng la diga lox ase i mi lempanga singsiga la lenbantamon ne Dokas gak sox i ap mo levenaleng ni ga rooro ren.

Leven Gugu 9:41

Pita ga ranga axatu i mi lekngen. La ni ga ro bubua ka luvuttadi nuunu la lempat naa, la ga lox ase di mi ne Tabita mo gara roo xat pam.

Lovoang At Ne Pol Ti Limixin Nunu to Rom 12:7

Do laramtaba atnedik tik lok tooro, atak lok tooro. Dola ti lox ase, atak lox ase.

1 Korin 10:10

Nemen mita paase ngunungun amisik ti ne Moroa i ngan leventaba atdi limixin me Israel digak lox i, la ne Moroa ga riki laangelo sepsep teren la ga sev amet di.

2 Korin 11:22

Kereva, nedi limixin me Ibru? Nenia bok pam kuren. Kereva, nedi limixin me Israel? Nenia bok pam kuren. Kereva, nedi livisik li at ne Abaram? Nenia bok pam kuren.

Pilipai 3:5

Diga vit kepe loxontuxu rak melemu at lavanuti aleng ne naga ga visix ia; nenia lanat me Israel at libibinat at ne Beniamin, la nia laradi ruturun me Ibru. Nenia ga lok ngan la Parisi, la aga mumu asu Lenavolo me Judaia i ngan la Parisi.

1 Timoti 5:3

Una lok ngangao at lempatnaa, kopmen teventaba na lok tatao di.

1 Timoti 5:9

Nemen uta exes abeles tanaa ukeneng ti leexes at lubungnaa, do kovisi levenmaares teren na volo lavanna sangaun, la ni ga epot mene at leges atlok,

Ibru 13:1

Mina balamu ela nimi mila nemi limixin at ne Moroa.

Jems 1:27

Leveloklok mo i nemen, ne Moroa i vara i do limixin dina lox i. Do dina lox epovo i, i lox asuusu i do di nuunu ruturun. Nom leveloklok i lox avukat aleng la i lok keretna. Limixin dina lok tatao avukat lubungkarun la lavakin, lavatlok atdi diga met pam; la dina lok tooro di at levenmumuat atdi. La lara lavanga bok, nedik ata lok tatao avukat lavatpas atnedik, la loklok at na lavatkangka noxo lox abilingot lorooro atnedik.

Jems 4:5

Nemen mita doma i do Lovoang Kaala i tong i do Loroonan Kaala, mo ik lok atdik, i sasat limixin ti levereven peves.

Jems 5:9

Luvutnetak mi luvurinuk. Nemen nemi mita gagalinga mu luvutneton nimi, mila ne Moroa naba vaxaru nimi at lavapaase. Lovotpot at laradi rongtonga linga i auret.