Leven Gugu 5:4 - Madak

⁴ Avot nu goxovisi sesep min, ga taram axa; la melemu nu ga sesep min, levempilas bok ataram. Tila ba nenu u doxoma i do una lok na loklok? Nu xopmen una xarang limixin, nenu u xarang ne Moroa!”

Leven Gugu 5:4 ပူးပေါင်းရင်းမြစ်များ

Sam 139:4

Keke i do a xovisi ana vaase, uraklen pam levelinga salai anaba vaase i.

Sam 7:14

Moroa, una ven ba limixin kapmek di doxoma gagas li leventaangas ti laxakapmek. Dik soxovo li levenmumuat la di xaxarang arup limixin.

Lagale Lavavang At Ne Iesu Karisito Luk Ga Malagan i 10:16

La ne Iesu ga lok ti luvuttadi loklok ka anasa ren keretna, “Do nege ing tonga nimi, neni ing tonga ia; la do nege i sok tixirixes nimi, i sok tixirixes ia; la do nege i sok tixirixes ia, i sok tixirixes ne Moroa ga riki ia ude.”

Leven Gugu 5:3

Pita ga lok tin, “Ananias, tila u siam abeles ne Satan ia umsu at lodoxoma ram? La ia lok u, ura xarang Loroonan Kaala, la ura ranga alis bok lenep pilas ap mo luunun uga lok ka i ap mo loxongkangka.

Leven Gugu 5:9

La ne Pita ga lok tin, “Tila nemu mi latlok taram mu doma i do muna lok tong pen Loroonan Kaala at Leeme Silok? Limixin no dik mit latlok taram no di tu at lumusaragu mo nga, la diba xip kaka box u ukamang.”

1 Korin 8:8

Leveluxa axap limixin nuunu di anan i, kopmen noxo lox axis buru di mi ne Moroa. Do nedik ata anan mo leveluxa limixin diplavang min saparap laxampoovo moroa, lixitkis etangas atdik mi ne Moroa noxo rekorop, la luruburu atdik mi ne Moroa noxo xap.

1 Tesalonia 4:8

Kuren la nedi mo di noxo ronga res at na levelinga atnama, dixo lok tavanga rinama, ketla di lox abulubun kepe levelinga at ne Moroa, mo ga raba nemi mi Loroonan Kaala ren.

Pilimon 1:14

Nenia aga vara i do neni na nemen be de eburu minia, ketla neni lasaxaruki ram kuren la nenia a noxo lox alis gamasa i. I lox avukat do una sep siam be.

Jems 1:15

La mo lavavara xapmek teren naba sisilok la ba lox asuusu laxakapmek. Melemu at na, laxakapmek na sisilok la na lox asu lanmet.