Leven Gugu 5:36 - Madak

³⁶ Gano ne Tiudas ga vot, ga lok do neni mo i silok aleng; la mo limixin diga mumu asu i ga epovo at lavanuet sangaun kobot (400). Ketla neni ga uu la mo limixin teren diga epeseves la mo lugugu atdi ga met gamasa nga.

Leven Gugu 5:36 ပူးပေါင်းရင်းမြစ်များ

Metiu 24:24

Mila buaang nedi limixin babala diba lok do nedi mo lavanarong at ne Moroa la lavaeme vapaase alii ren; diba lok tempanga sangsangu kusu diba sar asoogong lavaanat soxolik at ne Moroa, mo do di epovo.

Metiu 24:26

La mo do tentaba dina lok tinimi, ‘Mina ven ba Lanarong, no nga i at lamatbin!’ Nemen gat nimi guta vas kaxat ugo; la do dina lok tinimi, ‘Mina ven ba i, na nga i lipe de at na loogu!’ Nemen gat nimi guta nuunu atdi;

Metiu 24:5

mila buaang luvuttadi diba rupot mi laasen tarak la diba lok, ‘Nenia Lanarong!’ La diba sar asoogong buaang limixin mi laxalinga xaxarang atdi.

Leven Gugu 21:38

“Kereva. Nenu xopmen mo laradi boro Isip? At lentaba levenaleng ga xap pam, neni ga lok kaxat leesep eburu mi lagavaman la gam gomgo rinedi lavanuet larabin sangsangaun kobot (4000) limixin esep uto at lamatbin.”

Leven Gugu 5:35

La neni ga lok tinedi luvuttadi amgomgo xeretna, “Leme Israel, mina doxoma avukat mumu lavanga salai mi lok do mina lox i ridi na.

Leven Gugu 8:9

Keneng ap mo lemenemen lara laradi laasen teren ne Simon; neni at leventaba levenaleng neni gak lox arakdu limixin me Samaria mi mo lempanga sangsangu ren. Ni ga lok do neni mo i silok tinotno.

Galesia 2:6

Tinedi no limixin di tong di do lubung amgomgo at lotu, nenia axo doma solo i do nedi di silok kopla xopmen; atla ne Moroa xopmen na viila mumu leveloklok at tara mi levereven teren. Nedi di goxo vaase bok ba tekolinga mavana at lavavang tarak.

Galesia 6:3

Do tara na doma i do neni mo laasen teren i volo rinotno ketla neni laradi gamasa mene, neni mo laradi i xarang axa i.

2 Pita 2:18

Dim simi aurut nedi mi levendoxoma rangtangku la levelinga gamasa. La dik lok lengkot mamangan kusu dinang kan kaka nedi dik lok do dinak sixiro basinge limixin di mumu asu langas kapmek.

2 Pita 2:2

La buaang atnimi minaba mu asu leveloklox ase xaxarang atdi, la laxakapmek atnedi maxamang at lixitkis epot; kuren la mumu mun mo leveloklok atnedi, limixin maxamang at lotu dinaba vaase kapmek ti langas at luruturun.

Lovoang At Ne Jut 1:16

Nedi na limixin di paase xuxurung amisik, la dik sok taba xusuk mun limixin petpes mi laxapmek atdi; di mumu asu mun lavavara xapmek atdi xa, la di lox asilok levenasen atdi; la dik lox atdan limixin petpes kusu dinap kip paxat ka lempanga atnedi.

Lisilimet 17:3

La Loroonan Kaala ga vubeles tarak la nom laangelo ga xip kaka ia uto at lamatbin. La nia aga ven lara latkin gat kis to vana at lara lavatpanga sio ga memele aleng la ga ruuna lavanuti lempatlak la lasangaun lempatkom; la laxanasen kapmek, ni levelinga vupu ri ne Moroa ga umsu at labantuxu ren.

Lisilimet 17:5

La levelinga ga nemen to at lamang teren ketla lavasuun teren goxo xasep. Mo levelinga ga lok keretna, “Lemenemen silok Babilon, ni lavasuun at loklok ngarangat la neni bok lavatturunen at leveloklok kakapmek axap at na lavatbung menemen.”