Leven Gugu 5:31 - Madak

³¹ Moroa ga xiv aurur i upana la ga vaxaxis i ro at lekngen tino mila neni lamgomgo la Laradi Loklox Arooro xusu na raba limixin me Israel mi langas ti leeng basinge laxakapmek atdi la ne Moroa naba doxoma xepe i.

Leven Gugu 5:31 ပူးပေါင်းရင်းမြစ်များ

Sam 89:19

Keneng at lara lisilimet gano, uga paase ri lavaeme vapaase ali ram ua diga umsu mi luruturun at lamaram, uga lok keretna, “Ara raba vam loklok tooro ri mo lasesep doxodok; ara raba vam lugugu at loorong ti mo lara nia a soxolik kaka i ro xeneng at limixin.

Sam 89:24

Anaba balamu i la ana lok tatao amisix i; anaba lox i xusu lavamunepen teren di noxo sak tup min.

Metiu 1:21

Neni naba visik lamdak temes la uba so asen i mi ne Iesu, (Lavasuun teren do laradi loklox arooro) mila neni naba lox arooro limixin teren basinge laxakapmek atdi.”

Metiu 28:18

La ne Iesu ga vas saparap nedi la ga lok tidi xeretna, “Moroa gara raba vam ia mi lololos axap to vana laxalibet la de xopok at lavatbung menemen.

Lagale Lavavang At Ne Iesu Karisito Mak Ga Malagan I 2:10

Ketla a vara i do minaklen i do, nenia, Laradi Mevana, a ruuna lololos at na lavatbung menemen ti doxoma xepe leveloklok kakapmek.” La ni ga lok ti mo laradi mekmeres keretna,

Lagale Lavavang At Ne Iesu Karisito Mak Ga Malagan I 4:12

ni ga lox i xuren kusu, ‘Nedi di reven lugugu, ketla di noxo ven kibis i. Ding tonga mo levelinga, ketla di noxo xasep teren; do dina xasep, diba leeng la ne Moroa na doxoma xepe leveloklok kakapmek atdi.” Ais 6:9-10

Lagale Lavavang At Ne Iesu Karisito Luk Ga Malagan i 2:11

Lingina at na laaleng to at lemenemen at ne Devit, Laradi Loklox Arooro atnimi dira visik pam i; neni Lanarong la Leeme Silok!

Lagale Lavavang At Ne Iesu Karisito Luk Ga Malagan i 24:47

La keneng at laasen teren diba tong asu Lagale Lavavang mumu loklok ti leeng la loklok ti doxoma xepe laxakapmek diba vavang min ti limixin axap at lavatbung menemen, ba ru ka i de Jerusalem.

Lagale Lavavang At Ne Iesu Karisito Jon Ga Malagan I 4:42

la diga lok tin keretna, “Ma nuunu ba, kopmen do at levelinga uga tong i, ketla mila nema axa mara ronga ba i, la maklen ba i do neni Laradi Loklox Arooro ruturun ti limixin at na lavatbung menemen.”

Leven Gugu 11:18

Diga ronga i na la lodoxoma atdi ga lok mulus la diga emi asu mi ne Moroa. Diga lok, “Moroa ira suang pam langas ti lorooro xusu limixin kopmen di me Judaia, dina leeng basinge laxakapmek atnedi la dina ruuna ka lorooro maxat.”

Leven Gugu 13:23

Keneng at lurubuno avolo mun at ne Devit, Moroa ga riki ne Iesu saparap leme Israel ngan Laradi Loklox Arooro ridi la kerepmo ne Moroa ga lox epovo laxakaape ren.

Leven Gugu 2:33

Ni ga lam kaka i uto vana at laxalibet la ga vaxaxis li i ro at lixitkis orong la ne Moroa xa ga raba i mi lololos kusu ni na riki Loroonan Kaala ren tinama, kerekngan tai mo nemi mi ven i la mi ronga i.

Leven Gugu 2:36

Kuren la limixin axap me Israel dinaklen avukar i do na ne Iesu, no miga vaxarem i ro at laxaba, ne Moroa ga lok li i xusu neni Leeme Silok la Lanarong.”

Leven Gugu 2:38

Pita ga lok tidi, “Nemi getgesara mina leeng basinge leveloklok kakapmek atnimi, la mina lok kaka lesep susu at laasen at ne Iesu Karisito kusu ne Moroa naba doxoma xepe leveloklok kakapmek atnimi la nemi minaba ruuna ka na laramtaba at Loroonan Kaala.

Leven Gugu 3:15

La nemi miga sev amet ne Iesu, neni lavasuun at lorooro avolo. Ketla ne Moroa ga lox arooro amlong i basinge lanmet, la nema na ma paase katling i mi mo lavanga mila nema maga ven i.

Leven Gugu 3:19

Kuren la mina leeng basinge laxakapmek atnimi xusu ne Moroa naba doxoma xepe laxakapmek atnimi,

Leven Gugu 3:26

La kerepmo ne Moroa ga soxolik ka lasaxaruki ren la ga sak tiki i udo parap nemi avot kusu na lox anarong nimi xeretna; ni na lok nimi xusu mina ven kibis laxakapmek atnimi la mina leeng basinge laxakapmek atnimi.”

Leven Gugu 4:11

Iesu neni laradi Lovoang Kaala ga paase mumu i xeretna, ‘Mo luat nemi luvuttadi xipkip gu miga sok tixirixes kepe i, na nga neni i ngan lamgomgo ri levenuat axap.’ Sam 118:22

2 Korin 2:10

Do nemi mina doxoma xape laxapmek teren, nenia bok aba doxoma xape i; ketla axok pakes ti doxoma xepe laxakapmek teren, ketla i epovo do nia ana lox i xuren kusu ana ru tooro nimi at lemeren ne Karisito.

Epesas 1:7

Ni ga met la lada ren ga sen su kusu ri un ka amlong dik, la kusu ne Moroa naba doxoma xepe leveloklok kakapmek atdik. Kerepmo ne Moroa ga lox asuusu letaba nabalamu ren i silok aleng,

Pilipai 3:20

Ketla nedik lavaanat boro vana at laxalibet, la di ngangais mi lomomo ti Laradi Loklox Arooro, Leeme Silok ne Iesu Karisito, naba si boro vana at laxalibet.

Kolosi 1:14

Keneng at ne Iesu, Moroa ga un ka amlong dik, la ni ga doxoma xape bok leveloklok kakapmek atdik.

Taitas 1:4

Nenia a malagan na levelinga ru ne Taitas, nenu u lok ngan ne nuruk tino, mila nenu u nuunu at ne Iesu Karisito xerekngan ia. Letaba nabalamu mi lenmila tu boro at ne Moroa ne Temen dik eburu mi ne Iesu Karisito, Laradi Loklox Arooro atnedik.

Taitas 2:10

Nemen ditap kip pilo xaka levempanga at luvuttadi amgomgo atdi; ketla dina mumu asu loklok nunuan kusu luvuttadi amgomgo atdi diba ven i, do di epovo na gugu avukat at levempanga axap. Dina mumu asu na leveloklok kusu limixin kopmen dina nuunu at ne Iesu dinaba ven kibis i do levelinga at ne Moroa, leeme loklox arooro atdik, i lox avukat tinotno.

Taitas 2:13

La kerepmo atam tebeng loklox avukat ap mo levenaleng atat kis tangais ti mo langsangan laaleng avukat, la lovotpot nunuan at ne Iesu Karisito, neni ne Moroa silok atdik la neni Leeme Loklox Arooro atdik; neni naba rupot mi lisisixam silok at ne Temen.

Ibru 12:2

Lodoxoma atnimi na tu atkatla at ne Iesu, neni lavasuun la lurutu kaxat at lunuunu atdik. Neni ga siam ka laxasongsongot la lainmangan at laxaba mila ni ga doma mun mo lomomo neni naba ruuna ka i; la na nga neni it kis at lenep tino at loxonin orong at ne Moroa.

Ibru 2:10

Gak mokso do ne Moroa, neni ga rudum li levempanga axap la i lok tatao bok di, do neni na ke xepe ne Iesu xusu neni na xip laxasongsongot kusu na lox agagas avukat ti lugugu ren. Kuren la neni ga ruuna ka laasen do Lamgomgo at langas ti loklox arooro la ga lok ka bok buaang limixin kusu dina ruuna ka loklox arooro.

1 Pita 3:22

la neni gara urut pam uto vana at laxalibet, la amo nga ik lok at lekngen tino at ne Moroa, la neni lamgomgo at lubung angelo axap eburu mi luvuttadi loklok tatao la limixin lolos boro vana at laxalibet.

2 Pita 1:1

Nenia ne Simon Pita, lasaxaruki la luun pavang at ne Iesu Karisito. La a malagan i na levelinga rinemi limixin miga ruuna xaka lunuunu xeneng at lomokmokso at ne Moroa atnedik, neni Laradi Loklox Arooro ne Iesu Karisito; la mo lunuunu i lox avukat ngan lunuunu atnama.

2 Pita 1:11

Do mina mu asu na langas, lumusaragu naba rem suang tinotno xusu miba vubeles ukeneng at Linintoo ik lox amisik la neni Linintoo at Laradi Loklox Arooro atnedik, Leeme Silok ne Iesu Karisito.

2 Pita 2:20

Amo dola limixin digara sixiro vam at laxapmek at lavatbung menemen mumu lakleklen atnedi xeneng at Leeme Silok atnedik, la Laradi Loklox Arooro ne Iesu Karisito; la melemu, nedi diramlong mu manga loklok me gano. Nedi na limixin dik lok keretna, dik lok tinotno xeneng at loxot kapmek aleng la i lok kapmek tinotno ri no lorooro xapmek avot nedi digak lok teren.

2 Pita 3:18

Ketla minak lox epasum i xusu mina susu xeneng at letaba nabalamu la lakleklen at Leeme Silok atnedik la Laradi Loklox Arooro ne Iesu Karisito. La leemi asu xusuk tin, ningina la amisik! I ruturun.

1 Jon 4:14

La nema magara ven pam ne Nitna la ma tong asu i dola ne Temen dik ga riki ne Nitna ngan Laradi Loklox Arooro ri limixin at na lavatbung menemen.

Lovoang At Ne Jut 1:25

Leemi asu ri ne Moroa, neni Laradi Loklox Arooro atdik la neni lo Moroa xusuk mun; la lololos axap la loklok ngangao gat pas tin ganoxa at lereot, it pas bok tin at na levenaleng lingina, la nabat pas bok tin ap mo levenaleng i tu melamgo. At laasen at ne Iesu Karisito, Leeme Silok atdik. I ruturun.

Lisilimet 1:5

la lavapaase momo bok boro at ne Iesu Karisito, neni laradi ruturun at lavapaase ruturun la neni lara avot mo ne Moroa ga lox axatu kaxat amlong i basinge lanmet, la ni lamgomgo at lavaorong silok at na lavatbung menemen. Ne Iesu ga balamu nedik la ga lox asepmus dik basinge laxakapmek mi mo lada ren.