Leven Gugu 5:26 - Madak

²⁶ Kuren la laradi gomgo ga vas kaxat eburu mi luvuttadi rutu mu la diga lam ka amlong luvuttadi vavang. Kopmen di goxo sep nedi mila diga marat do limixin dina lu amet di mi laxanuat.

Leven Gugu 5:26 ပူးပေါင်းရင်းမြစ်များ

Leven Gugu 5:13

Mo limixin kopmen tunuunu atdi diga marat tik lox eburu minedi, keke i do buaang limixin diga lok ngangao aleng atdi.

Leven Gugu 4:21

Luvuttadi amgomgo diga vaase lolos aleng tidu, la melemu diga soxomus asu du. Di goxo epovo do dina sev amarat du; mila buaang limixin diga emi asu mi ne Moroa ri mo lavanga sangsangu ga rupot kantubu atdi.

Leven Gugu 5:24

La mo lavamaasa silok la laradi gomgo at luvuttadi rutu mu diga ronga i na la diga rangku do lai mo ga rupot saparap mo luvuttadi vavang.

Lagale Lavavang At Ne Iesu Karisito Luk Ga Malagan i 22:2

La lavamaasa silok eburu mi luvuttadi loklox ase at Lenavolo diga puse ngas xusu ri sev amet ne Iesu kusu limixin di noxoklen i, mila diga marat atdi.

Lagale Lavavang At Ne Iesu Karisito Luk Ga Malagan i 20:19

Luvuttadi loklox ase at Lenavolo eburu mi lavamaasa silok diga lok tong i xusu dina ranga alis ne Iesu ap mo loxonaleng, mila digaklen i do ne Iesu ga tong na lavapaase poovo mumu mun di; ketla di goxo ranga alis i mila diga marat at limixin.

Lagale Lavavang At Ne Iesu Karisito Luk Ga Malagan i 20:6

Do ata lok keretna, ‘Boro at limixin,’ ana axap limixin diba lu amet dik mi laxanuat, mila di nuunu do ne Jon neni leeme vapaase alii.”

Metiu 26:5

Diga lok, “Ata noxo lox i na at laaleng at leluxa; lavanga limixin dina lok kaxat turube.”

Metiu 21:26

La mo do ata lok, ‘Boro at limixin,’ ata marat bok at limixin, mila di nuunu do ne Jon neni leeme vapaase alii.”

Metiu 14:5

Erodes ga lok do na sev amer i, ketla neni ga marat bok at limixin me Judaia; mila diga lok do ne Jon leeme vapaase alii.

Metiu 26:58

Pita ga mumu asu ne Iesu ro xa vaxalom la ga rupot saparap loogu at lamaasa gomgo la ga vubeles at lemelua. Ni ga xis kopok eburu mi luvuttadi rutu mu xusu na ven lavanga salai naba vot saparap ne Iesu.

Lagale Lavavang At Ne Iesu Karisito Luk Ga Malagan i 22:4

La ne Judas ga vot pasa lavamaasa silok la luvuttadi amgomgo atnedi luvuttadi esep diga lok tatao loogu laplavang la ga epaase eburu midi mumu teventaangas kusu neni naba song araba ne Iesu ridi.

Leven Gugu 5:22

Ketla at loxonaleng diga rupot di goxo ven luvuttadi vavang to at loogu xokoxo; kuren la digamlong uto at luvuttadi amgomgo xusu dina tong axasep nedi min.

Leven Gugu 5:25

La lara laradi ga rupot la ga lok tidi, “Mina ronga i na. Luvuttadi mita lok li di itinongo ro at loogu xokoxo no di tu at loogu laplavang la dia anasa limixin.”