Leven Gugu 5:14 - Madak

¹⁴ Ketla buaang nedi limixin, lavatlok mi lavakin diga lok kaka lunuunu at Leeme Silok la diga beles at loxonbinam atdi.

Leven Gugu 5:14 ပူးပေါင်းရင်းမြစ်များ

Leven Gugu 11:24

Banabas ga lok tooro di mila neni lagale laradi ga umsu mi Loroonan Kaala la lunuunu ren ga lolos. La buaang nedi limixin me Antiok diga raba lorooro atnedi ri Leeme Silok.

Leven Gugu 2:41

Buaang atnedi diga nuunu ap mo levelinga la luvuttadi vavang diga sep susu di; lavantun larabin sangsangaun kobot (3000) limixin diga beles saparap nedi luvuttadi nuunu ap mo laaleng.

Leven Gugu 2:47

Diga emi asu mi ne Moroa la limixin axap diga lok ngangao atdi. At levenaleng axap Leeme Silok gam lam abeles bok luvuttadi diga lok kaka lunuunu at laasen at ne Iesu ukeneng ap mo lexekexes atdi.

Leven Gugu 22:4

Aga ranga alis buaang nedi limixin diga mumu asu ne Iesu la agap sev amet di. Agang tanga alis lavatlok mi lavakin la agak lok li di at loogu xokoxo.

Leven Gugu 4:4

Ketla buaang atnedi diga ronga i mo lavapaase at ne Pita, diga nuunu; la lexekexes atnedi limixin nuunu ga urut ti lavalimo larabin sangsangaun kobot. (5000)

Leven Gugu 6:7

La levelinga at ne Moroa ga epeseves. Leexes at limixin nuunu ro Jerusalem ga uturut amisik mene la buaang atnedi lavamaasa diga lok kaka lunuunu maxat ap mo Lagale Lavavang.

Leven Gugu 8:12

La nedi diga nuunu at lavapaase at ne Pilip mumu Lagale Lavavang at Linintoo at ne Moroa la at laasen at ne Iesu me Nasaret, Pilip ga sep susu di, lavatlok la lavakin bok.

Leven Gugu 8:3

Ketla ne Sol ga lok tong pen i do na sev amet limixin axap diga nuunu. La limixin esep digat pas uto at laraugu atnedi xusu dina ranga alis ka di, lavatlok eburu mi lavakin, la diga lok li di at loogu xokoxo.

Leven Gugu 9:2

la ga sue i do ni na lok ka lavapaase axasep ti lox ase nedi limixin me Judaia diga nemen to Damasko. Neni ga vara i xusu na vuse ka nedi diga mumu asu langas at Leeme Silok go, la ni naba ranga alis di, lavatlok eburu mi lavakin la na sat ka di uto Jerusalem.

Leven Gugu 9:31

Kuren la luvuttadi nuunu at lengkot axap Judaia, Galili, la Samaria, diga ruuna limila la kopmen bok ba di goxo marat. La leexes at limixin nuunu ga urut; mila Loroonan Kaala ga gugu kantubu atdi, la diga lok ngangao aleng at Leeme Silok.

Leven Gugu 9:35

Mo limixin diga nemen go Lida la Seron diga ven mo laradi ga lox avukat nga la buaang atnedi diga nuunu at Leeme Silok.

Leven Gugu 9:42

Levelinga at na lavanga sangsangu ga rem epeseves at lengkot axap Jopa, la buaang limixin diga nuunu at Leeme Silok.

2 Korin 6:15

Karisito mi ne Satan duba mulus kereva at tara todoxoma? Laradi nuunu mi laradi xopmen na nuunu duba mulus kereva?

Galesia 3:28

Kuren la limixin me Judaia eburu minedi xopmen di me Judaia, di epovo axap mun, kuren bok pam at luvuttadi asaxaruki la luvuttadi dik lok gamasa, la nedi bok lavatlok la lavakin; nemi axap mi lok ngan mun legesara keneng at lurutu eburu mi ne Iesu Karisito.