Leven Gugu 4:27 - Madak

²⁷ Kerepmo ne Erodes mi ne Pontias Paelat diga rupot eburu at na lemenemen silok eburu minedi limixin me Judaia la limixin kopmen di me Judaia; kusu dina lox abulubun kepe ne Iesu, neni lasaxaruki dadat taram, mo nu ga lok li i do Lanarong.

Leven Gugu 4:27 ပူးပေါင်းရင်းမြစ်များ

Sam 2:2

Lavaorong at mo levengkot, di gagas ti esep eburu mi ne Moroa. La luvuttadi amgomgo dit kis buru ri puse ngas ti lox asi Leeme Silok, eburu mi loorong no neni ga soxolik ka i.

Sam 2:6

Ni i lok tidi, “To Saion at lakaana xaala rak, ara vaxaxis aulis li vam Loorong Silok tarax e.”

Sam 45:7

Uk lok momo mun mi leveloklok ik mokso la uk lox angtungun ti leveloklok ik lok kapmek. Ni lavasuun teren la ne Moroa, ni ne Moroa ram, ga soxolik ka u ngan loorong la ga raba u mi langsangan lomomo i volo lomomo atnedi lentaba lavaorong.

Metiu 14:1

Ap mo levenaleng Erodes laradi gomgo boro Galili ga ronga lempanga ne Iesu ga lox i.

Metiu 14:3

Avot at na ne Erodes ga sak paxat ka latkin at neton, laasen teren ne Pilip. Laasen ap mo latkin ne Erodias. La ne Jon laradi sep susu ga vaase sok ne Erodes mumu na loklok. La neni ga lok ti ne Erodes, “Ixok mokso do uga epot ka ne Erodias.” Kuren la ne Erodes ga riki luvuttadi gugu ren kusu dina ranga alis ne Jon la diga xoxo i la diga lok li i at loogu xokoxo.

Metiu 14:6

At laaleng loklok katling at livipisik at ne Erodes, ne nitnono ne Erodias ga tii ro melamgo at limixin. La ne Erodes ga lok momo aleng min,

Metiu 21:28

La ne Iesu ga lok bok tidi, “Mina doxoma avukat i na. Lara laradi ga ruuna lumdak; la ni ga vot pasa mo lamdak avot la ga lok, ‘Nuruk, a vara i do unat pas uto at laraamang vaen mo lingina la una gugu.’

Metiu 23:37

La ne Iesu ga bulu aleng la ga lok, “Nemi limixin me Jerusalem. Lavalabat atnimi digap sev amet lavaeme vapaase alii at ne Moroa la diga lu amet nedi ne Moroa ga riki di. Buaang levenaleng a lok do ana kok nimi mi lukngak, i ngan lavatpalak kaxak i kok laxan natnat kaxak teren, ketla mixo siam ka ia.

Metiu 27:2

Diga xoxo alis lukngen la diga sat ka i uto at ne Paelat, ni laradi gomgo boro Rom.

Lagale Lavavang At Ne Iesu Karisito Mak Ga Malagan I 10:33

“Nedik taba onon uto Jerusalem la lara laradi naba song araba ia, Laradi Mevana, ri lavamaasa silok eburu mi luvuttadi loklox ase at Lenavolo. La nedi dinaba lok li ia at lavapaase la dinaba lok li lumumuat tarak kusu nenia aba met. La dinaba song araba ia ri limixin esep boro Rom.

Lagale Lavavang At Ne Iesu Karisito Mak Ga Malagan I 15:31

La kerepmo bok lavamaasa silok mi luvuttadi loklox ase at Lenavolo diga paase aksaksa. Diga lok keretna, “Neni ga lox aroo lentaba vetpes, ketla neni ixo epovo do na lox aroo axa i.

Lagale Lavavang At Ne Iesu Karisito Luk Ga Malagan i 1:35

Laangelo ga lok tin, “Loroonan Kaala naba vot saparav u, la lololos at ne Moroa naba los kis taram; kuren la nom lamdak dadat diba so asen i do lamdak at ne Moroa.

Lagale Lavavang At Ne Iesu Karisito Luk Ga Malagan i 22:63

Mo luvuttadi esep diga lok tatao ne Iesu diga lok kalise i la digap sev i.

Lagale Lavavang At Ne Iesu Karisito Luk Ga Malagan i 23:1

Luvuttadi amgomgo axap diga xatu kaxat la diga lam kaka ne Iesu uto melamgo at ne Paelat.

Lagale Lavavang At Ne Iesu Karisito Luk Ga Malagan i 4:18

‘Loroonan Kaala at ne Moroa i nemen tarak, mila ira soxolik ka vam ia xusu ana vavang mi Lagale Lavavang tinedi limixin banbalo. Ira sak tiki vam ia xusu ana tong asu langas ti soxomus asu limixin di nemen at loxokoxo, la ana lox arepalas lengkatli atnedi luvuttadi mi lengkatli atdi i main; la ana soxomus asu limixin di baava mi laxanmumuat at na lavatkangka;

Lagale Lavavang At Ne Iesu Karisito Luk Ga Malagan i 9:22

La ne Iesu ga lok, “Nenia Laradi Mevana, anaba xip losongsongot solo, la loxongkulao silok at limixin me Judaia, la lavamaasa silok la luvuttadi loklox ase at Lenavolo diba sok tixirixes kepe ia. Diba sev amer ia, la nenia anaba roo xat amlong at laaleng sepsev avantun.”

Lagale Lavavang At Ne Iesu Karisito Jon Ga Malagan I 1:11

Neni gat pas uto at lubungmixin teren, ketla limixin axa ren di goxo siam ka i.

Lagale Lavavang At Ne Iesu Karisito Jon Ga Malagan I 10:36

La ne Tamak ga soxolik ka ia la ga riki ia ude at na lavatbung menemen. Tila ba la, mia tong i do nenia a paase vupu ri ne Moroa mila a tong i do nenia Nitna ne Moroa?

Lagale Lavavang At Ne Iesu Karisito Jon Ga Malagan I 18:28

Ga maxantamak suubu at labarakoxot lavamaasa silok diga lok ka ne Iesu boro at loogu at ne Kaiapas la uto at loogu nunuan at laradi gomgo boro Rom; limixin me Judaia di goxo vubeles go xeneng at loogu nunuan mila diga xopara i xusu dina lox abilinga lorooro atdi at lemeren ne Moroa, la di noxo epovo do dina anan at leluxa at Lovovolo Pe.

Lagale Lavavang At Ne Iesu Karisito Jon Ga Malagan I 18:29

Kuren la ne Paelat ga vas su vosiga di ro xamang la ga sue di xeretna, “Lavanga salai mo nemi mi vaase mumu na laradi min?”

Lagale Lavavang At Ne Iesu Karisito Jon Ga Malagan I 19:34

Ketla lara laradi esep ga bo rup mi lososo ro at labangbaangis at ne Iesu la soso mun lada eburu mi ladan ga sen su.

Leven Gugu 10:38

Nemi miklen i do ne Iesu me Nasaret, ne Moroa ga lox anarong i mi Loroonan Kaala la ga raba box i mi lolos teren. Ni gat pas at lengkot axap la ga lok lempanga nunuan la ga lox aroo nedi bok ne Satan ga xoxo di, mila ne Moroa ga nemen eburu min.

Leven Gugu 2:27

mila nenu, ne Moroa noxo ke xepe loroonan tarak keneng at lolos at lanmet. La u noxo ke xepe Lanarong taram la labantuxu ren napso.

Leven Gugu 4:30

Una song asu mi lakngam ti lox aroo levenanmeres la una lok bok tempanga sangsangu xeneng at laasen at lasaxaruki dadat taram, ne Iesu.”

Ibru 7:26

Lamaasa gomgo xerepmo i lox epovo lavakpakes atdik; luruptuvuk teren i nunuan axap, neni xopmen goxo ronga xepe levelinga at ne Moroa, goxopmen taxakapmek gak lok teren. Ap mo levenaleng neni ga nemen de at na lavatbung menemen neni goxo vubeles ti laxakapmek eburu mi limixin kapmek; la melemu ne Moroa ga lox asilox i ro vana at laxalibet.