Leven Gugu 4:21 - Madak

²¹ Luvuttadi amgomgo diga vaase lolos aleng tidu, la melemu diga soxomus asu du. Di goxo epovo do dina sev amarat du; mila buaang limixin diga emi asu mi ne Moroa ri mo lavanga sangsangu ga rupot kantubu atdi.

Leven Gugu 4:21 ပူးပေါင်းရင်းမြစ်များ

Metiu 15:31

Limixin diga sangu aleng atla diga ven lenbaalung baa diga paase; la luvuttadi mi levengkikngen di mi lengkangkedek ga lok kapmek, diga lox avukat; la nedi di goxot pas gano, digat pas ta; la lengkatli main, diga reven; la diga emi asu aleng mi ne Moroa me Israel.

Metiu 21:46

La diga puse ngas kusu dina ranga alis i, ketla di goxo epovo mila diga marat at limixin mo diga lok do ne Iesu neni leeme vapaase alii at ne Moroa.

Metiu 26:5

Diga lok, “Ata noxo lox i na at laaleng at leluxa; lavanga limixin dina lok kaxat turube.”

Metiu 9:33

Se ne Iesu ga riki asu mo lagas, mo laradi ga epovo ba xusu na paase. Mo limixin diga sangu la diga lok, “Kopmen tempanga kerepmo maga ven i nade Israel.”

Metiu 9:8

Se mo limixin axap diga ven i na, diga lingun, la diga emi asu mi ne Moroa, mo ga raba lololos kerepmo ti limixin.

Lagale Lavavang At Ne Iesu Karisito Luk Ga Malagan i 13:17

Ana lovoporang teren ga lox amangan nedi diga munepen min, la nedi nom limixin diga lok momo aleng at nom lavanga sangsangu ne Iesu ga lox i ap mo loxonaleng.

Lagale Lavavang At Ne Iesu Karisito Luk Ga Malagan i 20:19

Luvuttadi loklox ase at Lenavolo eburu mi lavamaasa silok diga lok tong i xusu dina ranga alis ne Iesu ap mo loxonaleng, mila digaklen i do ne Iesu ga tong na lavapaase poovo mumu mun di; ketla di goxo ranga alis i mila diga marat at limixin.

Lagale Lavavang At Ne Iesu Karisito Luk Ga Malagan i 20:6

Do ata lok keretna, ‘Boro at limixin,’ ana axap limixin diba lu amet dik mi laxanuat, mila di nuunu do ne Jon neni leeme vapaase alii.”

Lagale Lavavang At Ne Iesu Karisito Luk Ga Malagan i 22:2

La lavamaasa silok eburu mi luvuttadi loklox ase at Lenavolo diga puse ngas xusu ri sev amet ne Iesu kusu limixin di noxoklen i, mila diga marat atdi.

Lagale Lavavang At Ne Iesu Karisito Luk Ga Malagan i 5:26

Nedi axap diga sangu. La diga lingun, diga emi asu mi ne Moroa, la diga lok, “Lavanga vetpes dik dira ven i lingina!”

Leven Gugu 4:17

Ketla ata ru pe na lavanga xusu noxo epeseves kantubu at limixin; ata tong i ridu do nemen bok ba duta vaase asu mo laasen ti tara.”

Leven Gugu 4:22

Mo laradi duga lok mo lavanga sangsangu rin, levenmaares teren ga volo lavanuet sangaun.

Leven Gugu 5:13

Mo limixin kopmen tunuunu atdi diga marat tik lox eburu minedi, keke i do buaang limixin diga lok ngangao aleng atdi.

Leven Gugu 5:26

Kuren la laradi gomgo ga vas kaxat eburu mi luvuttadi rutu mu la diga lam ka amlong luvuttadi vavang. Kopmen di goxo sep nedi mila diga marat do limixin dina lu amet di mi laxanuat.

Leven Gugu 5:40

Luvuttadi amgomgo diga mu asu na lavapaase at ne Gamaliel. Diga ro abeles luvuttadi vavang ukeneng, la digak pixis nedi; la diga tong alolos i ridi do nemen gat nedi ta tong asu laasen at ne Iesu; la diga soxomus asu di.