Leven Gugu 4:19 - Madak

¹⁹ Ketla ne Pita mi ne Jon duga vorang i ridi keretna, “Nemi xa mina doxoma mumu i na, do ua i lox avukat at lemeren ne Moroa; mana ronga res atnimi xopla mana ronga res at ne Moroa.

Leven Gugu 4:19 ပူးပေါင်းရင်းမြစ်များ

Sam 58:1

Nemi luvuttadi amgomgo, kereva, mi lox akmokso levelinga at limixin mi loklok i nunuan? Kereva, mi ronga avukat levelinga atnedi la mi tu xantubu?

Metiu 22:21

La diga vorang i, “At ne Kaisar.” La ni ga lok tidi, “Mina raba ne Kaisar mi lempanga i epovo at ne Kaisar, la mina raba ne Moroa mi lempanga i epovo at ne Moroa.”

Lagale Lavavang At Ne Iesu Karisito Luk Ga Malagan i 22:8

La ne Iesu ga riki ne Pita mi ne Jon mi levelinga xeretna, “Munat pas la muna lox agagas li leveluxa ri Lovovolo Pe xusu ridik ti anan.”

Lagale Lavavang At Ne Iesu Karisito Jon Ga Malagan I 7:24

Nemen mita ila mumu ia mi lodoxoma at na lavatkangka, ketla mina ila mumu ia mi lodoxoma avukat boro at ne Moroa.”

Leven Gugu 4:13

Luvuttadi amgomgo diga sangu aleng at ne Pita mi ne Jon duga paase lolos la kopmen du goxo marat; diga ven kibis box i do nedu dugat pas amisik eburu mi ne Iesu; la nedu luradi gamasa mun, la kopmen du goxok lok at toloklox ase.

Leven Gugu 5:28

“Maga raba nemi mi levelinga lolos do nemen gat nemi mita anasa mi mo laasen at ne Iesu; ketla ming tonga xepe i. Mira vaase asu vam nom levenanasa at lengkot axap de xeneng Jerusalem, la nemi mi lox i xuren kusu do nema maba xip tutu mi lanmet teren.”

Leven Gugu 5:29

Pita eburu minedi luvuttadi vavang diga vorang i ridi xeretna, “Mana ronga res kusuk mun at ne Moroa la ma noxo ronga res at limixin mun.

1 Korin 10:15

A paase rinimi i ngan luvuttadi akleklen; nemi xa mina ila avukat at na levelinga rak.

2 Korin 4:2

La keneng at na lugugu ma lok kepe leventaangas kakapmek la leveloklok kaxarang. La maxo bala vukpuk bok limixin mi lakleklen atnama, la kopmen mana lox ekun levelinga at ne Moroa; ketla ma tong asu axasep aleng levelinga ruturun at ne Moroa la kerepmo ma lox aru nama ti limixin axap to at lemeren ne Moroa.

Epesas 6:1

Nemi laxamdak mi laxaalik. Minang tonga res at levelinga at luvuttemen nimi mi luvutnen nimi at laasen at Leeme Silok, mila na loklok ik mokso ti mu asu i.

1 Timoti 2:3

Ana i lox avukat la i lox amomo aleng ne Moroa, Laradi Loklox Arooro atdik.

Ibru 11:23

Temen ne Moses mi nenen duga ruuna lunuunu, kuren la duga lipe ne Moses at lavantun gaaling melemu at livipisik teren, mila duga ven i do mo lamdak goxopmen lamdak gamasa, ketla lamdak ga lok petpes tino, la du goxo marat at lavapaase lolos at loorong silok, ga tong i do dina sev amet axap levengkadede remes at limixin me Israel do dina visik asu di.

Jems 2:4

Mo do nemi mi lok na loklok, nemi mi lok laxakapmek, atla mi lox abulubun kepe limixin banbalo keneng at lotu atnimi. Na lodoxoma i lok kapmek aleng.