Leven Gugu 3:14 - Madak

¹⁴ Neni laradi dadat la mokmokso; ketla nemi miga lok abulubun kepe i, la miga sing ne Paelat kusu na soxomus asu laradi sepsev amet tadi.

Leven Gugu 3:14 ပူးပေါင်းရင်းမြစ်များ

Sam 16:10

atla uk lok tatao ia basinge lolos at lanmet lexen. Ara mumu asu u mi luruturun tinotno, kuren la u noxo ke xepe ia xusu anat pas uto at lemenemen at labarongan.

Metiu 27:20

Ketla lavamaasa silok eburu mi loxongkulao silok diga vaase lolos ti limixin do dina lok katling ne Barabas la dina sev amet ne Iesu.

Lagale Lavavang At Ne Iesu Karisito Mak Ga Malagan I 1:24

“Iesu me Nasaret, unaba lok lavanga salai rinama? Uga rupot kusu unaba sep kepe axap nema, do? Aklen u. Nenu ne Nitna ne Moroa.”

Lagale Lavavang At Ne Iesu Karisito Mak Ga Malagan I 15:11

Ketla lavamaasa silok diga lox axatu levendoxoma at limixin kusu dina sing ne Paelat do neni na lox asu ne Barabas.

Lagale Lavavang At Ne Iesu Karisito Mak Ga Malagan I 15:7

La lara laradi, laasen teren ne Barabas gak lok to at loogu xokoxo. Ganoxa neni mi luvuttadi vetpes diga esep eburu mi luvuttadi esep at lagavaman kusu dina lok kepe lagavaman, la neni ga sev amet lentaba.

Lagale Lavavang At Ne Iesu Karisito Luk Ga Malagan i 1:35

Laangelo ga lok tin, “Loroonan Kaala naba vot saparav u, la lololos at ne Moroa naba los kis taram; kuren la nom lamdak dadat diba so asen i do lamdak at ne Moroa.

Lagale Lavavang At Ne Iesu Karisito Luk Ga Malagan i 23:25

Neni ga soxomus asu mo laradi diga lok li i ro at loxokoxo mumu leesep la lesepsev amet tadi, la ni ga raba nedi mi ne Iesu xusu dina lok lavanga salai nedi diga vara i min.

Lagale Lavavang At Ne Iesu Karisito Jon Ga Malagan I 16:10

Neni naba lox ase di mi loklok mokmokso, mila nenia anabat pas uto at ne Tamak la minoxo ven bok ba ia.

Lagale Lavavang At Ne Iesu Karisito Jon Ga Malagan I 18:40

La diga vorang ne Paelat mi luxupkup lolos keretna, “Kopmen tinotno. Una soxomus asu ne Barabas.” Barabas neni laradi sepsev amet tadi la laradi sep paxat panga.

Leven Gugu 13:28

La nedi xopmen di goxo vuse ka tavasuun kusu dina sev amet ne Iesu, diga sing mun ne Paelat kusu na sev amer i.

Leven Gugu 2:27

mila nenu, ne Moroa noxo ke xepe loroonan tarak keneng at lolos at lanmet. La u noxo ke xepe Lanarong taram la labantuxu ren napso.

Leven Gugu 22:14

Ni ga lok, ‘Moroa at lavalabat atdik ga soxolik ka vam u do unaklen lodoxoma ren, la uba ven kibis Lanarong teren, luruptuvuk teren ik mokso; la unang tonga levelinga ren.

Leven Gugu 4:27

Kerepmo ne Erodes mi ne Pontias Paelat diga rupot eburu at na lemenemen silok eburu minedi limixin me Judaia la limixin kopmen di me Judaia; kusu dina lox abulubun kepe ne Iesu, neni lasaxaruki dadat taram, mo nu ga lok li i do Lanarong.

Leven Gugu 5:28

“Maga raba nemi mi levelinga lolos do nemen gat nemi mita anasa mi mo laasen at ne Iesu; ketla ming tonga xepe i. Mira vaase asu vam nom levenanasa at lengkot axap de xeneng Jerusalem, la nemi mi lox i xuren kusu do nema maba xip tutu mi lanmet teren.”

Leven Gugu 7:52

Lavalabat atnimi diga lox asongot lavaeme vapaase alii axap. Digap sev amet luvuttadi at ne Moroa, no gano migomgo diga paase asu lovotpot at laradi mokmokso la lasaxaruki ren. Ketla nanga nemi miga song araba i ri limixin esep la miga sev amer i.

2 Korin 5:21

Karisito neni xopmen taxakapmek teren, ketla ti lununuan tidik, Moroa ga lox i ga xip tutu mi laxakapmek atdik, kusu keneng teren ataba ravasu ngan limixin mokmokso at ne Moroa.

Jems 5:6

Nemi mi lok li limixin avukat at lavapaase la mip sev amet nedi di goxo lok taxakapmek; la kopmen dina tu ebelen eburu minimi.

1 Pita 3:18

Karisito ga met gesara mene nga ri ru korop ti laxakapmek axap atnimi, la neni laradi avukat ga met ti rukun levesongsongot ti limixin di lok laxakapmek, kusu ri lam kaka nemi uto saparap ne Moroa. Diga sev amet labantuxu ren, ketla Loroonan Kaala ga lox aroo xat amlong i;

1 Jon 2:1

Luvutnuruk orong. Nia a malagan na levelinga rinemi kusu mi noxo lok taxapmek. Ketla do tara na lok laxakapmek, ne Iesu Karisito neni Leeme Mokmokso naba lok tooro i, naba sing saparap ne Moroa ne Temen dik, kusu ne Moroa naba doxoma xepe mo laxakapmek teren.

Lisilimet 3:7

Leeme Silok ga lok bok tia, “Una malagan na levelinga ti laangelo ik lok tatao limixin lotu dik lok ro Piladelpia. ‘Ana levelinga neni boro at laradi i melemelengan la i ruturun. La neni im tebeng lengki at ne Devit, loorong silok me gano; mo lengki i susuang lumusaragu at Linintoo at ne Moroa. Mo lumusaragu neni i susuang i, kopmen tara na epovo xusu na vi pe i, la mo lumusaragu neni i vi pe i, ixo epovo do tara na suang i.