Leven Gugu 3:13 - Madak

¹³ Moroa at ne Abaram, Aisak, la ne Jakop, Moroa at lavalabat atdik, neni ga lox asilok laasen at ne Iesu, lasaxaruki ren. Nemi miga song araba limixin kapmek min kusu dina sev amer i; la miga sok tixirixes i ro melamgo at ne Paelat, ap mo loxonaleng ne Paelat ga lok do na soxomus asu i.

Leven Gugu 3:13 ပူးပေါင်းရင်းမြစ်များ

Metiu 11:27

La ne Iesu ga lok ti mo limixin, “Tamak, ira raba vam ia mi lempanga axap. Kopmen teta naklen ia, ketla ne Tamak kusuk mun; la kopmen teta naklen ne Tamak, ketla nenia ne Nitna xusuk mun, la tinedi mun nenia a vara i kusu ana lox ase di min.

Metiu 20:19

La diba song araba ia ri limixin esep boro Rom kusu dina lok sese kapmex ia la dibak pixis ia la diba vaxarem ia at laxaba. Melemu at laaleng sepsev avantun nenia anaba roo xat amlong.”

Metiu 22:32

Mo levelinga i lok keretna, ‘Nia ne Moroa at ne Abaram, Moroa at ne Aisak, la Moroa at ne Jakop.’ Pas 3:6 Ap mo laaleng ne Moroa ga tong i na, nedi lavantun diga met pam. La neni ne Moroa atnedi limixin di rooro, la kopmen atnedi luvuttadi met.”

Metiu 27:2

Diga xoxo alis lukngen la diga sat ka i uto at ne Paelat, ni laradi gomgo boro Rom.

Metiu 28:18

La ne Iesu ga vas saparap nedi la ga lok tidi xeretna, “Moroa gara raba vam ia mi lololos axap to vana laxalibet la de xopok at lavatbung menemen.

Lagale Lavavang At Ne Iesu Karisito Mak Ga Malagan I 15:11

Ketla lavamaasa silok diga lox axatu levendoxoma at limixin kusu dina sing ne Paelat do neni na lox asu ne Barabas.

Lagale Lavavang At Ne Iesu Karisito Luk Ga Malagan i 22:57

Ketla ne Pita ga sev apkap, ga lok keretna, “Axoklen mo laradi!”

Lagale Lavavang At Ne Iesu Karisito Luk Ga Malagan i 23:4

Melemu ne Paelat ga lok ti lavamaasa silok la limixin keretna, “Axo vuse ka tavasuun kusu ri sev amet na laradi.”

Lagale Lavavang At Ne Iesu Karisito Luk Ga Malagan i 6:37

La ne Iesu ga lok bok tidi xeretna, “Nemen mita ila mumu loklok at tara kusu ne Moroa noxo ila mumu loklok atnimi. Nemen mita lok li tavapaase mavana at tara, kusu ne Moroa noxo lok li tavapaase mavana atnimi; mina doxoma xepe laxakapmek atnedi di lox i rinimi, la kerepmo ne Moroa naba doxoma xepe laxakapmek atnimi.

Lagale Lavavang At Ne Iesu Karisito Jon Ga Malagan I 12:16

Ap mo laaleng na lavanga ga ravasu, luvuttadi loklok ka anasa di goxo xasep at lavasuun ap mo levelinga; ketla se at laaleng ne Iesu ga rooro xat amlong digaklen ba i do Lovoang Kaala ga tong asu na lavanga, la mo limixin diga lox i na ri ne Iesu.

Lagale Lavavang At Ne Iesu Karisito Jon Ga Malagan I 18:40

La diga vorang ne Paelat mi luxupkup lolos keretna, “Kopmen tinotno. Una soxomus asu ne Barabas.” Barabas neni laradi sepsev amet tadi la laradi sep paxat panga.

Lagale Lavavang At Ne Iesu Karisito Jon Ga Malagan I 19:11

Iesu ga lok tin keretna, “U ruuna lololos mavana rak mila ne Moroa mun ga raba u min. Na lavanga u lox i ria i lok kapmek, ketla mo laradi ga song araba ia ru, laxakapmek teren i silok aleng.”

Lagale Lavavang At Ne Iesu Karisito Jon Ga Malagan I 19:12

Se ne Paelat ga ronga i na, neni ga lok tong pen i do na vuse ka tangas kusu ri soxomus asu ne Iesu. Ketla luvuttadi amgomgo diga xup lolos keretna, “Mo do una soxomus asu i, i ven ngan ta do nenu xopmen lentangas at ne Kaisar. Nom laradi ga lox asilox i ngan loorong silok, kuren la neni laradi munepen mi ne Kaisar.”

Lagale Lavavang At Ne Iesu Karisito Jon Ga Malagan I 19:15

Diga xup lolos keretna, “Sev amer i. Sev amer i. Paxarem i ro at laxaba.” Paelat ga sue di xeretna, “Kereva, mi vara i do ana vaxarem loorong silok atnimi ro at laxaba?” La lavamaasa silok diga vorang i rin keretna, “Loorong silok mun atnema ma ruuna i, neni ne Kaisar.”

Lagale Lavavang At Ne Iesu Karisito Jon Ga Malagan I 7:39

Iesu ga vaase i na mumu Loroonan Kaala. Nedi diga nuunu at ne Iesu, diga ruuna ka i. Ap mo levenaleng ne Moroa goxovisi raba Loroonan Kaala, mila ne Iesu goxovisi urut uto vana ri lixitkis orong teren.

Leven Gugu 22:14

Ni ga lok, ‘Moroa at lavalabat atdik ga soxolik ka vam u do unaklen lodoxoma ren, la uba ven kibis Lanarong teren, luruptuvuk teren ik mokso; la unang tonga levelinga ren.

Leven Gugu 24:14

Ana tong i na ru. Nia a lotu saparap ne Moroa at lavalabat atnama keretna; a mumu asu mo langas di tong i do i xaxarang. Ketla a nuunu at levelinga diga malagan i at Lenavolo at ne Moses, la levenmamalagan at lavaeme vapaase alii.

Leven Gugu 3:12

Pita ga ven mo limixin la ga lok tidi, “Leme Israel; lai mo mi sangu ren mumu i na lavanga, la lai mo nemi mi tu la mia reven tooro nama min? Mi doxoma i do ma lox avukat na laradi mi lolos axa atnama xopla at loklok nunuan atnama xusu neni i lox epovo i rit pas?

Leven Gugu 3:26

La kerepmo ne Moroa ga soxolik ka lasaxaruki ren la ga sak tiki i udo parap nemi avot kusu na lox anarong nimi xeretna; ni na lok nimi xusu mina ven kibis laxakapmek atnimi la mina leeng basinge laxakapmek atnimi.”

Leven Gugu 4:27

Kerepmo ne Erodes mi ne Pontias Paelat diga rupot eburu at na lemenemen silok eburu minedi limixin me Judaia la limixin kopmen di me Judaia; kusu dina lox abulubun kepe ne Iesu, neni lasaxaruki dadat taram, mo nu ga lok li i do Lanarong.

Leven Gugu 4:30

Una song asu mi lakngam ti lox aroo levenanmeres la una lok bok tempanga sangsangu xeneng at laasen at lasaxaruki dadat taram, ne Iesu.”

Leven Gugu 7:32

‘Nenia ne Moroa at lavalabat atnemi, Moroa at ne Abaram, Aisak la ne Jakop.’ Moses ga dede mi lanmarat la ni goxo lok do na ven bok ba i.

Lovoang At Ne Pol Ti Limixin Nunu to Rom 9:5

Nedi lubungmixin diga ravasu at loxongkulao silok at ne Moroa me gano. La ne Karisito, neni ga vot ngan laradi, neni at nedi na lubungmixin. Ata emi asu mi laasen at ne Moroa neni i lok tatao lempanga axap la kopmen taxavaxap teren! Tuturun.

Ibru 2:9

Ketla nedik ata ven kibis i do ne Iesu neni ga ruuna lixitkis silok tinedi lubung angelo, la ne Moroa ga lox asi lixilik mun i maxopok atdi xusu na xip lumumuat at lanmet ti lox asuusu lodoxoma at ne Moroa do limixin axap diba lok ka lorooro avolo. Kuren la lingina Iesu ira lok ka vam lixitkis silok la limixin di lok ngangao ren.

Lisilimet 1:18

Nenia mun lorooro. Aga met pam, ketla na nga a ruuna ka lorooro kopmen taxavaxap teren. La a ruuna bok lololos mavana at lanmet kusu ana suang lumusaragu at lanmet, la a ruuna lololos mavana at lanmet la a lok tatao lumusaragu ro Edesa.

Lisilimet 1:5

la lavapaase momo bok boro at ne Iesu Karisito, neni laradi ruturun at lavapaase ruturun la neni lara avot mo ne Moroa ga lox axatu kaxat amlong i basinge lanmet, la ni lamgomgo at lavaorong silok at na lavatbung menemen. Ne Iesu ga balamu nedik la ga lox asepmus dik basinge laxakapmek mi mo lada ren.