Leven Gugu 3:10 - Madak

¹⁰ diga ven kibis i do ni laradi singising panga no gat kis to at Lumusaragu Maraanu at loogu laplavang, diga sangu aleng ap mo lavanga ga rupot saparav i.

Leven Gugu 3:10 ပူးပေါင်းရင်းမြစ်များ

Metiu 14:35

Limixin go diga ven kisip ne Iesu, la diga lox aonon levelinga ri limixin diga ruuna levenanmeres ap mo lengkot axap do ne Iesu mo ga vot. La limixin diga lok ka di uto saparap ne Iesu.

Lagale Lavavang At Ne Iesu Karisito Luk Ga Malagan i 4:36

La limixin diga sangu, la diga lok tinedi getgesara, “Kereva na levelinga? Na laradi i vaase ri lagas, la lagas i ronga res teren. Levelinga ren i lolos la i mumuat aleng.”

Lagale Lavavang At Ne Iesu Karisito Luk Ga Malagan i 9:43

Nom axap limixin diga sangu aleng at nom lololos silok at ne Moroa. Limixin move diga paase mumu lempanga axap ne Iesu gak lox i, la neni ga lok ti luvuttadi loklok ka anasa ren,

Lagale Lavavang At Ne Iesu Karisito Jon Ga Malagan I 5:20

Tamak i balamu ia, ne Nitna la ik lox ase ia mi levempanga salai neni axa ik lox i. Neni naba lox ase ia mi levempanga i silok aleng ti mo lempanga sangsangu, la nemi miba sangu aleng.

Lagale Lavavang At Ne Iesu Karisito Jon Ga Malagan I 9:3

Iesu ga vorang i ridi xeretna, “Luxatli ren ga main kopmen toxot at laxapmek teren kopla at nenen mi ne temen. Luxatli ren i main kusu ri lox asuusu lololos at ne Moroa at lorooro ren.

Lagale Lavavang At Ne Iesu Karisito Jon Ga Malagan I 9:8

Nedi digak lox aurer i, la nedi bok limixin diga reven i ga ngising panga, avot be ri na lavanga sangsangu, la diga esue xeretna, “Kereva, neni vam na laradi no gat kis la ga ngising panga?”

Leven Gugu 2:12

Diga lingun la diga esue minedi getgesara, “Ua lavasuun at na?”

Leven Gugu 2:7

Diga sangu aleng la diga lok, “Na luvuttadi di paase xeretna nedi boro Galili.

Leven Gugu 3:2

At lara langas povolo, laasen teren do Lumusaragu Maraanu, lara laradi mo gat kis, luxangkedek teren ga molo axap; nenen ga visik axa i xuren. At levenaleng axap limixin digap kip kaka i uto ap mo langas povolo xusu na ngising panga rin ap mo limixin digat pas uto at loogu laplavang.