Leven Gugu 28:15 - Madak

¹⁵ Luvuttadi nuunu ro Rom diga ronga i do nema maga vot la digat pas epolo uto at lenep etang at ne Apias la uto at lemenemen laasen teren Lavantun Laraugu kusu ri ekip tangarang minama. Pol ga ven di la ga tong avukat ti ne Moroa la lodoxoma ren ga lolos ba.

Leven Gugu 28:15 ပူးပေါင်းရင်းမြစ်များ

Sam 27:14

Kuren la minam doma ngangais ti Leeme Silok, la mina lolos, nemen gat mita doma abulubun kepe i, mina nuunu saga at Leeme Silok.

Lagale Lavavang At Ne Iesu Karisito Jon Ga Malagan I 12:13

Kuren la diga ra ka laxangkakan bisi la diga vas su xusu ri ekip tangarang min. La diga lok, “Ata emi asu mi ne Moroa. Luvukat ti mo laradi it pas mi laasen at Leeme Silok. Luvukat ti Loorong Silok boro Israel.” Sam 118:25-26

Leven Gugu 1:15

At lara laaleng Pita ga xatu kaxat kantubu atnedi legesa sangaun kobot mi legepu sangaun (120) luvuttadi nuunu;

Leven Gugu 10:23

Pita ga xup abeles di ukeneng la ga tong i rinedi do dina nemen be go ap mo laxanimin. Ap mo laaleng melemu Pita ga gagas, la ni ga emu minedi; la lentaba luvuttadi nuunu bok boro Jopa diga emu eburu min.

Leven Gugu 10:25

At loxonaleng ne Pita ga lok do na beles ukeneng at loogu at ne Konilias, Konilias ga vas tangarang i, la ga xis tiktikbu mi luvatgulom teren to melamgo at ne Pita.

Leven Gugu 11:1

Luvuttadi vavang la luvuttadi nuunu at lengkot axap Judaia diga ronga i do limixin kopmen di me Judaia bok mo diga siam ka vam levelinga at ne Moroa.

Leven Gugu 11:12

La Loroonan Kaala ga tong i ria xusu anat pas eburu midi uto Sisaria la nemen nia ta doma solo i. La nedi na lavanna luvuttadi nuunu boro Jopa, nedi diga emu eburu minia uto Sisaria; la nema axap maga beles ukeneng at loogu at ne Konilias.

Leven Gugu 12:17

Ni ga sep makmak nedi xusu dinak lok pilo, la ni ga soxomus ba i ridi do ne Moroa ga lox asu i boro at loogu xokoxo kereva. Ni ga lok, “Mina tong i na ri ne Jems la luvuttadi nuunu. La ni ga on basinge nedi la gat pas uto at lemenemen petpes.”

Leven Gugu 21:5

Ketla levenaleng atnama ri nemen go ga xap, la maga on basinge mo lemenemen silok. Nedi axap, eburu mi lavakin atnedi la laxaalik kakalik atdi, diga vas kaxat eburu minema uto loxon. Maga xis tiktikbu mi lempatgulom atnama ro loxon la maga lok lising.

Leven Gugu 28:14

Maga long lenget lentaba luvuttadi nuunu mo go la diga sue nama xusu mana nemen eburu minedi at lavanuti aleng. La magak lox amisix i xuren at lavatpas atnama uto Rom.

Lovoang At Ne Pol Ti Limixin Nunu to Rom 15:24

La a doma i do anaba lox epovo ba i mo. A vara i do anaba ven nemi at loxonaleng nenia ana lok lavatpas tarak uto Spein, la minaba lok tooro box ia rit pas ugo melemu at loklok tarak eburu minemi at lentaba levenaleng.

2 Korin 2:14

Ketla ata tong avukat ti ne Moroa, mo im gomgo amisik tinama at lugugu atnama; anai i lok ngan at lavatpas momo atnema xeneng at ne Karisito ik sak tup mi lavamunepen atnama; la at lekngen nama neni i paase asu Lagale Lavavang at lengkot axap la neni i so misigisigis tinedi dikleklen i.

Galesia 4:14

Keke i do mo lanmeres tarak megano ga lox angtang nemi, ketla nemi mi goxo sok tixirixes ia la mi goxo raba arulu ia. Ketla miga seega rangarang kaka ia ngan nemi giba lox i ri laangelo boro vana at laxalibet kopla ne Iesu Karisito axa.

1 Tesalonia 3:7

Luvutnetak mi luvurinuk, map kip levesongsongot mi levenmumuat, ketla ma lok momo mila lunuunu atnimi i tu lolos.

Ibru 13:3

Mina lox asuusu labalamu atnimi rinedi limixin nuunu di nemen at loxokoxo, i lok ngan ta do nemi bok mik lox eburu midi at loxokoxo; la mina lok tooro limixin nuunu mo dip kip losongsongot mumu lunuunu atdi, mila nemi bok migap kip levenmumuat kerepmo.