Leven Gugu 27:1 - Madak

¹ Lavaeme silok diga tong li levelinga rinama xusu maba sen kaxat mi lavattaaxup uto Itali at lemenemen silok Rom, la diga lok ka ne Pol la lentaba limixin kokoxo bok uto saparap ne Julias, neni laasesep at limixin esep boro Rom diga tong nedi do, “Limixin esep at ne Kaisar.”

Leven Gugu 27:1 ပူးပေါင်းရင်းမြစ်များ

Sam 33:11

Ketla leven doxoma agagas teren i nemen amisik, la mo do ni i doma i xusu na lok tavanga, ni nabak lox epovo amisik axa i.

Sam 76:10

Lebelemamao at limixin at lavatbung menemen ik lox asuusu mun leemi asu silok tu. Nedi di roo su at levenesep, dik lok katling amisik levenaleng silok taram.

Metiu 27:54

Ap mo loxonaleng laasesep at luvuttadi esep eburu mi limixin esep teren diga tu la diga suma langne la levempanga axap ga vot ap mo loxonaleng, diga marat aleng la diga lok, “Neni lamdak tuturun pam at ne Moroa.”

Lagale Lavavang At Ne Iesu Karisito Luk Ga Malagan i 23:47

La laasesep ga ven i na la ni ga emi asu mi ne Moroa la ga lok, “I ruturun tinotno, neni laradi mokmokso.”

Lagale Lavavang At Ne Iesu Karisito Luk Ga Malagan i 7:2

Lara laasesep at limixin esep boro Rom mo gak lok, neni ga ruuna lasaxaruki, la neni ga vavara aleng tinotno i; mo lasaxaruki gak meres la ma lixilik neni ga lok do na met.

Leven Gugu 10:1

Lara laradi ga nemen to Sisaria laasen teren ne Konilias, neni laasesep at limixin esep boro Rom diga tong nedi do, “Limixin esep me Itali.”

Leven Gugu 10:22

Diga lok tin, “Laasesep at luvuttadi esep, ne Konilias i riki nema. Neni lagale laradi la ni i lotu saparap ne Moroa la limixin me Judaia di lok ngangao aleng teren. Laangelo at ne Moroa ga tong i rin do ni ba lam ka u uto at loogu ren, kusu neni naba ronga levelinga nu ba vaase i min.”

Leven Gugu 16:10

Melemu at ne Pol ga ven na lisilimet, soso mun nema maga gagas kusu manat pas uto Masadonia, mila magaklen i do Moroa ga ro ka vam nama kusu mana vaase asu Lagale Lavavang ti limixin me go.

Leven Gugu 18:2

Mo go ni ga ekip tangarang mi laradi me Judaia laasen teren ne Akuila; lemenemen aulis teren Pontas. Ni ga nemen to Itali at lemenemen Rom eburu mi latkin teren ne Pirikila; ketla diga on basinge mo lemenemen, mila lakaisar ne Kolodias ga tong i ri limixin me Judaia xusu nedi axap dina vas kaxat basinge lemenemen Rom. Pol gat pas kusu na ven tidu,

Leven Gugu 19:21

Melemu at na lempanga ga ravasu, Pol ga doma li be i do ni nat pas uto Jerusalem la na mu langas kantubu at lenep Masadonia la at lenep Grik. Ni ga lok, “Melemu at lavatpas tarak uto Jerusalem, abat pas uto Rom.”

Leven Gugu 21:32

La soso mun mo leeme gomgo ga lok ka lentaba digak lok mu ren la lentaba limixin esep la diga sixit uto saparap mo limixin. Mo limixin diga ven mo leeme gomgo eburu mi limixin esep, la diga xap ta lesepsep ne Pol.

Leven Gugu 22:26

Mo laasesep ga ronga i na la ni gat pas uto at leeme gomgo la ga sue i xeretna, “U lok do una lok lavanga salai? Ana laradi neni lanat boro Rom!”

Leven Gugu 23:11

Ap mo laxanimin Leeme Silok ga ru saparap ne Pol la ga lok, “Una lolos! Ura tong asu vam levelinga rak na de Jerusalem, la unaba tong asu box i to Rom.”

Leven Gugu 23:17

Kuren la ne Pol ga ro xaka lara laasesep la ga lok tin, “Una lok ka na laau radi uto at leeme gomgo at limixin esep; neni i ruuna levelinga xusu na tong i rin.”

Leven Gugu 24:23

Ni ga tong i ri laradi loklok tatao at ne Pol do ni nak lok maxopok at loklok tatao at luvuttadi rutu mu, ketla dina raba i mi tevengkonaleng tin kusu na vas tangtagap la dina siam abeles larapen tangas teren kusu dina raba i mi tempanga i epovo at lavakpakes teren.

Leven Gugu 25:12

Pestas ga epaase eburu mi limixin papaase ren la ni ga lok, “Ura sing pam do ubat pas uto at ne Kaisar, kuren la nenu uba vot posiga i.”

Leven Gugu 25:25

Ketla a goxo vuse ka tempanga do ni ga lok kapmex i xusu ni ba met nov i. Ketla neni xa ga sing ti ne Kaisar; kuren la nia a doma li vam i xusu ana sak tiki ne Pol uto saparav i.

Leven Gugu 27:11

Ketla laasesep ga mumu asu levelinga at laradi gang tanga lisitia ap mo lavattaaxup la at laradi gam gomgo ap mo lavattaaxup, la kopmen ni goxo nuunu at levelinga at ne Pol.

Leven Gugu 27:43

Ketla laasesep ga vara i xusu na lox arooro ne Pol, kuren la ni ga vaase vepe di do nemen di guta lox i mo. Ni ga tong i rinedi digakleklen ti xobok kusu dina los su boro at lavattaaxup la ukopok la dina bok oso uto loxon.

Leven Gugu 27:6

Mo go laasesep ga ronga i do lara lavattaaxup boro Aleksandria mo ga lok do na sen kaxat uto Itali; kuren la ni ga lox aurut nema uto vana ren.

Leven Gugu 28:1

Maga rupot avukat go loxon, la maga long lenger i do mo losoxan laasen teren Malta.

Leven Gugu 28:16

Maga rupot to Rom, la diga siam do ne Pol na nemen kusuk la lara laradi esep na lok tatao i.

Ibru 13:24

A lox aonon lavapaase momo rak ti luvuttadi amgomgo atnimi la ti limixin axap at ne Moroa. La nedi bok limixin nuunu boro Itali di lox aonon lavapaase momo rinimi.