Leven Gugu 26:20 - Madak

²⁰ Aga vavang avot to Damasko la to bok Jerusalem, la melemu bok to at lengkot axap Judaia, la kantubu bok at limixin kopmen di me Judaia; aga vavang do dina leeng basinge laxakapmek atnedi la dina mumu asu ne Moroa la dina lok lempanga ri lox asuusu i do dira leeng pam.

Leven Gugu 26:20 ပူးပေါင်းရင်းမြစ်များ

Sam 22:27

Limixin boro at larabung mixin axap dinabam domasu amisik at Leeme Silok. Boro at lengkot axap at lavatbung menemen, dinaba repukus taba i, la levenasen bantuxu axap dinaba lotu saparav i.

Metiu 3:2

Neni ga vavang keretna, “Mina leeng basinge leveloklok kakapmek atnimi, mila langas ti Linintoo no vana at laxalibet mo nga ira auret!”

Metiu 3:8

Minak lok lempanga i nunuan kusu naba lox asuusu i do mira leeng basinge vam leveloklok kakapmek atnimi.

Metiu 4:17

Ga ru ka i ap mo levenaleng ne Iesu ga vavang ti limixin keretna, “Mina leeng basinge leveloklok kakapmek atnimi, mila langas ti Linintoo no vana at laxalibet mo nga ira auret!”

Metiu 9:13

La minat pas la minaklen ka lavasuun at na levelinga keneng at Lovoang Kaala i lok keretna, ‘Nia axopara levelaplavang, a vara i xusu mina lox asuusu lebelemumu.’ Ose 6:6 Nia aga rupot kusu ri ro xaka limixin bilinga kusu dina leeng, la kopmen nia a goxo rupot kusu rinedi limixin mokmokso.”

Lagale Lavavang At Ne Iesu Karisito Mak Ga Malagan I 6:12

La luvuttadi loklok ka anasa ren diga vas kaxat uto at levenmenemen la diga vavang do limixin dina leeng.

Lagale Lavavang At Ne Iesu Karisito Luk Ga Malagan i 1:16

Neni naba sat ka amlong buaang nedi limixin me Israel saparap ne Moroa, Leeme Silok atdi.

Lagale Lavavang At Ne Iesu Karisito Luk Ga Malagan i 13:3

Kopmen tinotno! Ketla a tong i rinimi do, mo do mi noxo leeng basinge laxakapmek atnimi, nemi bok miba seeve.

Lagale Lavavang At Ne Iesu Karisito Luk Ga Malagan i 13:5

Kopmen tinotno! Ketla a tong i rinimi do, mo do mi noxo leeng basinge laxakapmek atnimi, nemi bok miba seeve.”

Lagale Lavavang At Ne Iesu Karisito Luk Ga Malagan i 15:10

A tong i rinimi do, kerepmo lubung angelo at ne Moroa diba momo aleng do tegesaradi xapmek neni i leeng basinge laxakapmek teren.”

Lagale Lavavang At Ne Iesu Karisito Luk Ga Malagan i 15:7

Kuren mun, la a tong i rinimi, do langsangan lomomo aleng kantubu atnedi di nemen to vana at laxalibet mila tegesa radi xapmek neni i leeng basinge laxakapmek teren; ketla ti lavasik sangaun mi lavasik, lomomo lixilik mun tinedi ro vana at laxalibet; mila nedi dirak mokso vam la dixok pakes ti leeng.

Leven Gugu 11:18

Diga ronga i na la lodoxoma atdi ga lok mulus la diga emi asu mi ne Moroa. Diga lok, “Moroa ira suang pam langas ti lorooro xusu limixin kopmen di me Judaia, dina leeng basinge laxakapmek atnedi la dina ruuna ka lorooro maxat.”

Leven Gugu 15:19

Jems ga lok bok keretna, “At lodoxoma rak do nemen dik ta lox asoogong nedi limixin kopmen me Judaia mo dit pas saparap ne Moroa.

Leven Gugu 17:30

Gano ne Moroa goxo doma solo laxakapmek at limixin ap mo levenaleng limixin kopmen di goxokleklen i; ketla lingina i tong lolos i ri limixin at lengkot axap do dina leeng basinge laxakapmek atdi.

Leven Gugu 2:38

Pita ga lok tidi, “Nemi getgesara mina leeng basinge leveloklok kakapmek atnimi, la mina lok kaka lesep susu at laasen at ne Iesu Karisito kusu ne Moroa naba doxoma xepe leveloklok kakapmek atnimi la nemi minaba ruuna ka na laramtaba at Loroonan Kaala.

Leven Gugu 20:21

Ti leme Judaia la limixin kopmen di me Judaia bok aga vaase lolos tinedi do dina leeng basinge laxakapmek atnedi, la dina vot parap ne Moroa, la dina nuunu at Leeme Silok ne Iesu.

Leven Gugu 26:17

Aba lox arooro u basinge limixin me Judaia la basinge bok limixin kopmen di me Judaia, nia aba riki u saparap di.

Leven Gugu 26:19

Kuren la laradi silok ne Agripa, a goxo ronga xepe mo lisilimet aga ven i boro vana at laxalibet.

Leven Gugu 3:19

Kuren la mina leeng basinge laxakapmek atnimi xusu ne Moroa naba doxoma xepe laxakapmek atnimi,

Leven Gugu 9:15

Leeme Silok ga lok tin, “Una vot pasa i, mila nia ara soxolik ka vam i xusu ni na mumu asu ia, la ni naba lox axasep laasen tarak tinedi limixin kopmen di me Judaia la ti lavaorong silok la ti limixin me Israel.

Leven Gugu 9:35

Mo limixin diga nemen go Lida la Seron diga ven mo laradi ga lox avukat nga la buaang atnedi diga nuunu at Leeme Silok.

Lovoang At Ne Pol Ti Limixin Nunu to Rom 2:4

Kopla mi doma abalalak mene nom langsangan labalamu ren, mi loklok mulus teren la kopmen ni noxo ila mumu soso loklok atnimi. Tuturun miklen i do ne Moroa i lox avukat, atla ni i vara i do mina ven kisiv i nom la mina leeng.

2 Korin 3:16

Ket do laradi i repukus uto saparap Leeme Silok, loxontata i repes.

2 Korin 7:10

Lainbulu ne Moroa i lok kaxar i, ni ik lok leretepukus keneng at leveve at laradi la im gomgo nga i at langas ti lorooro, la neni noxo bulu mu mo lainbulu. Ketla lainbulu mede at lavatbung menemen im taba lanmet.

Epesas 4:17

Nia a sing lolos nemi keneng at laasen at Leeme Silok do mina ronga res at na levelinga. Mina xap ti mu asu leveloklok kakapmek at limixin kopmen di me Judaia. Mo levendoxoma atdi noxo lok tooro di.

1 Tesalonia 1:9

Nedi xa di tong i rinama do miga siam abeles kaka nama mi lomomo, la miga lok kepe laxampoovo moroa la miga lok kaka lunuunu maxat saparap ne Moroa, mo i umsu mi lorooro la neni ne Moroa ruturun.

Lisilimet 16:11

La diga paase aksaksa ri ne Moroa no vana at laxalibet mumu losongsongot la laxanabi atdi, ketla di goxo para rinotno xusu dina leeng basinge mo laxapmek diga lox i.

Lisilimet 2:21

Ara tong taba vam nom latkin mi levenaleng kusu ni na leeng basinge nom loklok kakapmek, ketla i xopara.

Lisilimet 2:5

Mina doma bilong ti mo labalamu avot atnimi ria, kusu miba ven kibis i do mira subu vam basinge ia. La mina leeng tinotno la minamlong ti mo leveloklok nunuan nemi miga lox avor i. Mo do mi noxo leeng, aba vot saparap nimi la ana lok kepe nom lababao atnimi.

Lisilimet 3:3

Mina doxoma bilong ti mo levenanasa miga ronga ka vam i, la mina mu asu i. La mina leeng tinotno basinge mo leveloklok kakapmek atnimi. Mo do mi noxo xatu kaxat basinge mo lanmet, aba vot pasa nimi ngan laradi xipkip pilo, la nemi xa mi noxoklen loxonaleng potpot tarak.