Leven Gugu 25:6 - Madak

⁶ Pestas ga nemen eburu minedi at lavanuan aleng kopla i sangaun aleng, la neni gamlong uto Sisaria. Ap mo lara laaleng melemu ni gat kis to at loxot tongtonga linga; la ga tong mu ri ne Pol kusu na beles uto xeneng saparav i.

Leven Gugu 25:6 ပူးပေါင်းရင်းမြစ်များ

Metiu 27:19

Ap mo loxonaleng Paelat gat kis at loxot kitkis at laradi rongtonga linga; la latkin teren ga lox aonon na levelinga rin, ga lok keretna, “Nemen gat uta lok tavanga ri na laradi kopmen taxakapmek teren, mila itinongo at laxanimin nia ata robo i la labalak ixo xis aulis tino.”

Lagale Lavavang At Ne Iesu Karisito Jon Ga Malagan I 19:13

Se ne Paelat ga ronga na levelinga, neni ga lam asu ne Iesu ukamang la ni ga xis kopok to at loxot kitkis ting tonga linga, laasen teren do, ‘Langas Uat.’ At lavapaase Ibru diga tong i do ‘Gabata.’

Leven Gugu 25:1

Pestas ga rupot go Sisaria, la melemu at lavantun aleng ga volo i, neni ga vas kaxat me go Sisaria la ga rupot to Jerusalem.

Leven Gugu 25:10

Pol ga lok, “A tu na de melamgo at loxot tongtonga linga at ne Kaisar; at na loxot mun miba ronga linga rak. A goxo lok kapmek tempanga at leme Judaia; kerekngan nenu ukleklen avukat tinotno i.

Leven Gugu 25:17

Mo luvuttadi silok diga rupot de, la nia xopmen a goxok lok sila; ap mo mun lara laaleng melemu aga xis to at loxot tongtonga linga la aga tong i ri laradi esep kusu na lox abeles ne Pol ukeneng.

Leven Gugu 25:4

Pestas ga vorang i xeretna, “Pol mo i nemen at loxokoxo to Sisaria, la nenia axa abamlong soso bok ugo.

Leven Gugu 25:5

Mina riki tentaba at luvuttadi amgomgo atnimi xusu dinat pas uto Sisaria eburu minia la dina lok li lavapaase mumu mo laradi go, mo do neni gara lok pam tavanga xapmek.”

Leven Gugu 8:40

Pilip ga ven kibis i do ni mo ga nemen ta ro Asotas, la ni ga vas kaxat la gat pas kantubu ap mo levenmenemen, la ni ga vavang mi Lagale Lavavang se neni ga rupot to Sisaria.

2 Korin 5:10

mila nedik getgesara ataba ru asuvos to melamgo at lenep tongtonga linga at ne Karisito; kusu nedik getgesara ataba lok ka luunun, i nunuan kopla i lok kapmek; la neni ba raba i na i epovo at loklok atnedik at na lorooro at labantuxu.

Jems 2:6

Ketla nemi mi lox abulubun kepe limixin banbalo. Nemi miklen i do, limixin nopnovos di lox abulu nimi la di lok kaka lempilas atnimi. Nedi vam nom di lok li nimi at lavapaase.