Leven Gugu 25:11 - Madak

¹¹ Dola nia agara los polo vam Lenavolo la agara lok pam tavanga xusu nia anaba met nov i, i lox avukat mene; a noxo sing do aba sixiro basinge i. Ket do na levelinga di lok li i rak kopmen na ruturun, ixo epovo do tara na song araba ia uto atdi; a vara i do una lox aonon ia uto at ne Kaisar.”

Leven Gugu 25:11 ပူးပေါင်းရင်းမြစ်များ

Leven Gugu 16:37

Ketla Pol ga lok ti mo lavasaxaruki xeretna, “Di goxo vuse ka taxakapmek maxeneng atnama’; diga vixis nema’ at lemeren limixin, la kopmen nak mokso, mila nema’ na lunat boro Rom. Melemu diga lok li nama’ at loogu xokoxo. La at na dia lok do dina lox aonon nemnem nama’. Kopmen tinotno! I epovo do luvuttadi amgomgo axa dibat pas ude la dina soxomus asu nama’.”

Leven Gugu 18:14

Pol ga lok do na vaase, la ne Galio ga lok ti limixin me Judaia, “Do ni ga lok laxakapmek, i epovo do nia ana ronga levelinga atnemi limixin me Judaia.

Leven Gugu 22:25

Se diga xoxo ka i do dinak pixis i, Pol ga lok ti laasesep mo ga tu go, “Kereva, ik mokso at leventaangas atnimi do minap sep lanat boro Rom, no xopmen di goxo ronga levelinga ren at lavapaase?”

Leven Gugu 25:10

Pol ga lok, “A tu na de melamgo at loxot tongtonga linga at ne Kaisar; at na loxot mun miba ronga linga rak. A goxo lok kapmek tempanga at leme Judaia; kerekngan nenu ukleklen avukat tinotno i.

Leven Gugu 25:12

Pestas ga epaase eburu mi limixin papaase ren la ni ga lok, “Ura sing pam do ubat pas uto at ne Kaisar, kuren la nenu uba vot posiga i.”

Leven Gugu 25:21

Ketla ne Pol ga sing do ni na nemen maxopok at loklok tatao rak na de Sisaria, la ne Kaisar axa naba ronga linga ren. Kuren la aga tong i ri luvuttadi esep kusu dina lok tatao avukar i se nia aba lox aonon i uto at ne Kaisar.”

Leven Gugu 25:25

Ketla a goxo vuse ka tempanga do ni ga lok kapmex i xusu ni ba met nov i. Ketla neni xa ga sing ti ne Kaisar; kuren la nia a doma li vam i xusu ana sak tiki ne Pol uto saparav i.

Leven Gugu 26:32

La ne Agripa ga lok ti ne Pestas, “I epovo xusu ata lox asu na laradi mo do ni xopmen goxo sing ti ne Kaisar kusu na ronga linga ren.”

Leven Gugu 28:19

Ketla leme Judaia di goxopara i do dina soxomus asu ia la nia aga sing kusu uto ia at ne Kaisar kusu na ronga linga rak. Nia aga lox i nom ketla nia a goxo lok li tevempapaase mumu rinedi mo limixin me Judaia.

1 Tesalonia 2:15

La mo limixin me Judaia diga sev amet Leeme Silok ne Iesu; ganoxa lavalabat atdi diga sev amet lavaeme vapaase alii at ne Moroa. La nedi diga riki xepe nama boro at lenep silok Judaia. Moroa i xopara ri mo loklok atdi. La di lok kapmek lixitkis at limixin axap keretna;