Leven Gugu 24:25 - Madak

²⁵ Ketla ne Pol ga paase mumu luruptuvuk avukat, la loklok ti lok tatao avukat lodoxoma, la laaleng at ne Moroa naba lok li limixin at lavapaase, la ne Pelik ga marat aleng tinotno la ga lok, “I epovo nga. Aba ro xaka bok ba u do nia ana ruuna bok ba taaleng.”

Leven Gugu 24:25 ပူးပေါင်းရင်းမြစ်များ

Sam 11:7

Loklok at Leeme Silok in manton la i vara mun leven gugu nunuan; nege ik lok lempanga avukat nabat kis esogo eburu min to at lemenemen teren.

Sam 119:120

Nenia a dede aleng atla a marat taram, la a lingun aleng mumu leventaangas taram.

Sam 45:7

Uk lok momo mun mi leveloklok ik mokso la uk lox angtungun ti leveloklok ik lok kapmek. Ni lavasuun teren la ne Moroa, ni ne Moroa ram, ga soxolik ka u ngan loorong la ga raba u mi langsangan lomomo i volo lomomo atnedi lentaba lavaorong.

Sam 72:2

kusu neni naba viila mumu avukat limixin taram at levenaleng neni naba nemen ngan lamgomgo atnedi; la neni nabam gomgonga nedi luvuttadi ua di baava. Neni naba lox i na mi levelinga mokmokso.

Sam 99:1

Leeme Silok, neni Loorong Silok; la limixin di deede. Neni it kis at linin orong teren mavana at lempanga raptava (cherubim) la lavatbung menemen ing nengne.

Metiu 22:5

Ketla nedi diga ronga xape mo levelinga la digak lox angtang mene at leven gugu atdi xa. Lara avot ga vas kaxat uto at laraamang teren. Lara bok ga lok lugugu ti sesep mi lempanga.

Lagale Lavavang At Ne Iesu Karisito Jon Ga Malagan I 16:8

La do neni na vot, neni naba lox ase limixin at na lavatbung menemen do nedi di umsu mi laxakapmek la kopmen tomokmokso na nemen keneng atdi, la at laaleng ete, ne Moroa naba ronga linga at limixin axap.

Leven Gugu 10:42

La ni ga tong alolos i rinama do mana paase asu Lagale Lavavang tinedi limixin la mana tong asu i do neni mun laradi ne Moroa ga soxolik ka i xusu neni naba ronga linga atnedi di rooro la nedi digara met pam.

Leven Gugu 17:13

Ketla lentaba limixin me Judaia boro Tesalonia diga ronga i do ne Pol mo ga vavang mi levelinga at ne Moroa ro Beria; diga vas kaxat ugo la diga lox axatu lodoxoma at limixin.

Leven Gugu 17:2

Pol ga beles at loogu singising kerekngan ni gak lok amisix i. Mo go ni ga paase eburu mi limixin, la ga tong asu levelinga at Lovoang Kaala, at lavantun levenaleng kaala.

Leven Gugu 17:32

Diga ronga ne Pol ga vaase mumu laxakatu kaxat amlong at lanmet la lentaba atnedi diga lok kalise i; ketla lentaba diga lok, “Ma vara i do mana ronga box u, una vaase amu box i.”

Leven Gugu 2:37

Mo limixin diga ronga i na, diga bulu aleng la diga lok ti ne Pita eburu mi luvuttadi vavang, “Luvutneton nama, maba lok lavanga salai?”

Leven Gugu 24:15

Nia a doxoma voovo ri ne Moroa xerekngan bok di, di nuunu do limixin axap, limixin avukat la limixin kapmek, diba roo xat amlong basinge lanmet.

Leven Gugu 24:26

Pelik ga vara ri tempilas boro at ne Pol la ni ga tong i rin do ni naba soxomus asu ne Pol mo do neni na raba i mi tuunun; kuren la ni gap kup kaka amisik ne Pol la ga paase mumu mo luunun ti un asu i.

Leven Gugu 26:28

Agripa ga lok ti ne Pol, “Kereva, at na mun loxonaleng la u lok do una lox ia ngan laradi nuunu?”

Leven Gugu 9:6

Ketla una xatu la unat pas uto at lemenemen silok la mo go tara ba tong tempanga salai nenu uba lox i.”

Lovoang At Ne Pol Ti Limixin Nunu to Rom 12:1

Luvutnetak mi luvurinuk. I vasuun mun at lebelemumu silok at ne Moroa rinedik, kuren la a sing nemi xeretna; mina raba axap nemi ngan laramtaba i rooro ri ne Moroa ri lok lugugu ren la ti lox amomo i. Neni na langas i lox asuusu lotu ruturun, mina raba i min.

Lovoang At Ne Pol Ti Limixin Nunu to Rom 14:12

Kuren la nedik axap ataba raba lavapaase axasep ti ne Moroa mumu lorooro atdik.

Lovoang At Ne Pol Ti Limixin Nunu to Rom 2:16

Lagale Lavavang nia a vavang min, i tong asu i do ne Moroa naba ila mumu loklok at limixin at laaleng ete la keneng at ne Iesu Karisito neni naba ila mumu bok levendoxoma alipe xapmek at limixin.

1 Korin 4:5

Kuren la nemen mita ila mumu avot tara ri mo laaleng do naba vot. Laaleng ti ila mumu loklok at limixin noxo vot se Leeme Silok nabamlong; la neni naba lok li lempanga mo nga ik lok at lamain bonot ti laxasep, la naba lox asaxaven levendoxoma i nemen alipe ro xeneng at lorooro at limixin. Ap mo laaleng Moroa naba lox asuusu leemi asu ri limixin.

2 Korin 5:10

mila nedik getgesara ataba ru asuvos to melamgo at lenep tongtonga linga at ne Karisito; kusu nedik getgesara ataba lok ka luunun, i nunuan kopla i lok kapmek; la neni ba raba i na i epovo at loklok atnedik at na lorooro at labantuxu.

2 Korin 6:2

Mina ronga na levelinga ne Moroa ga tong i. “Aga ronga nemi at loxonaleng mokmokso kusu ana lox asuusu letaba nabalamu rak. Aga lok tooro nimi at laaleng ti lox arooro.” Ais 49:8 Mina ronga i na. Ana ni laaleng kusu mina siam ka mo letaba nabalamu at ne Moroa. Ana ni laaleng kusu miba lok ka loklox arooro.

Galesia 3:22

Ketla Lovoang Kaala i vaase i xeretna do, limixin axap at na lavatbung menemen, dik lok maxopok at lololos at laxapmek; kuren la na laramtaba ne Moroa ga xaape min ti limixin, it pot mumu mun lunuunu saparap ne Iesu Karisito, la ne Moroa im taba i rinedi di nuunu.

Galesia 5:23

loklok mulus, la lodoxoma avukat ti sasar i. Kopmen bok ba tevelinga go i ru pepe nedi na levempanga.

2 Timoti 4:1

At lemeren ne Moroa la at lemeren ne Iesu Karisito, mo naba ila mumu lorooro at limixin di rooro la at limixin diga met pam; la neni nabamlong la naba nemen ngan Loorong Silok. Kuren la a sing alolos u xeretna.

Taitas 1:8

Ketla nedi dina lok maraose mi limixin boro vetpes; dina mumu asu loklok i nunuan ti lok tooro limixin; lodoxoma atdi na lox avukat mun; dina mumu asu loklok i nunuan; loklok atdi xopmen taxakapmek teren; la di epovo ri lok tatao avukat luruptuvuk atdi at lempanga ua xopmen na lox avukat.

Ibru 12:21

Diga ven i mo lavanga la diga umsu mi lanmarat, kuren la ne Moses ga lok, “Nia a marat aleng, kuren la a dede.”

Ibru 3:13

Ketla at na levenaleng nemi move mi rooro ren, mina epang aru xusu laxakapmek noxo solo arup tara atnimi la lebelen na repe ri levelinga at ne Moroa.

Ibru 4:1

Lumusaragu move i rem suang kusu ri pubeles ti mo loxot loklok mamas teren; kuren la mina lok tatao avukat nimi xusu teventaba atnimi di noxo subu kot ti mo loklok mamas.

Ibru 6:2

laanasa ri lesep susu; laanasa ri loklok ti sa li levengkikngen mavana at teventaba rik lox anarong di; laanasa ri laxakatu kaxat basinge lanmet; la laanasa ri lugugu at ne Moroa ngan laradi rongtonga linga at laaleng ete.

Ibru 9:27

Limixin axap dinaba met la melemu at na, Moroa ba lok li di at lavapaase.

Jems 2:19

I lox avukat do una nuunu do legesa Moroa xusuk mun. I ruturun, ketla lubunggas bok di nuunu xuren la dik marat aleng.

1 Pita 3:15

Ketla keneng at lorooro atnemi mina lok ngangao at ne Karisito, atla neni Leeme Silok. Mina gagas at levenaleng axap ti porang levesusue at limixin at levenaleng dina susue nemi mi levendoxoma lolos atnimi saparap ne Karisito.

2 Pita 1:6

la minak lox epasum lavatpas adoxoma at luruptuvuk atnemi ukeneng at lakleklen atnemi; la minak lox epasum lurutu lolos ukeneng at lavatpas adoxoma atnemi; la minak lok epasum lomokmokso ukeneng at lurutu lolos atnemi;

1 Jon 3:10

Anai i lox axasep dik do nege di luvutnitna ne Moroa, la nege bok di luvutnitna ne Satan. Lara do i lok tavanga kopmen nak mokso, kopla kopmen na balamu neton, neni xopmen ne nitna ne Moroa, ketla neni ne nitna ne Satan.

1 Jon 3:7

Luvutnuruk orong. Mina lok tatao avukat nemi kusu tara noxo sar asoogong nimi. Do tara ik lox amisik lempanga ik mokso, neni laradi mokmokso, kerekngan ne Iesu ik mokso aleng.