Leven Gugu 24:24 - Madak

²⁴ Melemu at lentaba levenaleng Pelik ga rupot mi latkin teren ne Darusila, neni boro Judaia. Pelik ga tong mu ri ne Pol do neni na vubeles la ni ga ronga ne Pol ga paase mumu lunuunu at ne Iesu Karisito.

Leven Gugu 24:24 ပူးပေါင်းရင်းမြစ်များ

Leven Gugu 20:21

Ti leme Judaia la limixin kopmen di me Judaia bok aga vaase lolos tinedi do dina leeng basinge laxakapmek atnedi, la dina vot parap ne Moroa, la dina nuunu at Leeme Silok ne Iesu.

Galesia 2:16

Ketla nema leme Judaia maklen i do, laradi mun i nuunu at ne Iesu Karisito, neni mun i sepmus basinge loklok kakapmek, la kopmen do i mumu asu Lenavolo. La kerepmo bok ma nuunu at ne Iesu Karisito xusu manaba sepmus basinge loklok kakapmek, kopmen do ti mumu asu Lenavolo. Ana kopmen noxo ravasu at loklok ti mumu asu Lenavolo, atla kopmen teta naba sepmus basinge loklok kakapmek do neni na mumu asu mun Lenavolo.

Lisilimet 14:12

Na lavanga naba rupot, kuren la nedi limixin nuunu at ne Moroa mo ding tonga res at levelinga ren la di tu tuxuruxun at lunuunu atdi saparap ne Iesu, i epovo xusu dina nemen mulus mo do levenmumuat ba rupot.

Lovoang At Ne Jut 1:3

Larapen tangas orong tarak. Nia a vara aleng i xusu ana sok levelinga rinimi mumu mo langas ti lorooro avolo, ne Moroa im taba dik min. Ketla lara lavanga silok ira vot pam la a tong i rinimi do minam tebeng lolos levelinga at ne Moroa, ni ga raba avolo gesara mun i ri limixin teren.

1 Jon 5:1

Do tara i nuunu do ne Iesu neni Lanarong at ne Moroa, i lox asuusu i do i ruuna ka vam livipisik amaxat at lorooro ren keneng at ne Moroa; la do tara i balamu ne Temen, i balamu bok limixin at ne Moroa.

Galesia 3:2

La mina tong be i ria. Kereva, nemi miga ruuna xaka bok Loroonan at ne Moroa mumu lumumu asu atnemi at Lenavolo? Kopla, miga ruuna xaka Loroonan at ne Moroa mumu lorongtonga atnemi ri Lagale Lavavang la lunuunu atnemi saparav i?

Galesia 2:20

I lok ngan ta do diga vaxarem ia eburu mi ne Karisito ro at laxaba; la kopmen nenia xa na a rooro, ketla ne Karisito axa na i rooro xeneng tarak. La lorooro nenia ak lok keneng teren, ni lorooro mi lunuunu keneng at ne Nitna ne Moroa, la neni ga balamu ia la ga raba lorooro ren kusu na uu nop loklok tarak.

Leven Gugu 26:22

Moroa ga lok tooro aleng ia ise at na laaleng lingina; kuren la nia a ru na de, a tong asu levelinga ruturun tinemi axap, limixin gamasa la limixin silok. La na levelinga rak nia a tong asu i, i epovo mi levelinga at lavaeme vapaase alii la ne Moses, nedi diga tong i do na lempanga naba vot.

Leven Gugu 16:31

Duga lok, “Una nuunu at Leeme Silok ne Iesu, la nenu ba lok ka lorooro maxat, la nedi axap nom di nemen at loogu ram diba lok ka lorooro maxat.”

Lagale Lavavang At Ne Iesu Karisito Luk Ga Malagan i 23:8

Se ne Erodes ga ven ne Iesu, neni ga lok momo aleng; neni gang tonga mene levelinga mumu i, la buaang levenaleng neni ga vara i xusu na ven be ne Iesu. Ni ga vara aleng i xusu naba ven ne Iesu na lok tempanga sangsangu.

Lagale Lavavang At Ne Iesu Karisito Luk Ga Malagan i 19:3

Neni gak lok tong pen i kusu ni na ven ne Iesu, do neni nege; ketla neni laradi mutmut mun la ni goxo epovo kusu na ven ne Iesu mila buaang nedi limixin diga ru pe i.

Lagale Lavavang At Ne Iesu Karisito Mak Ga Malagan I 6:20

mila ne Erodes ga marat at ne Jon la ga lok tata i. Erodes gaklen i do ne Jon lagale laradi mokmokso la gang tonga levelinga ren. Neni ga doma solo mumu i nom levelinga at ne Jon, ketla ni ga lok momo ring tonga i.

Leven Gugu 24:25

Ketla ne Pol ga paase mumu luruptuvuk avukat, la loklok ti lok tatao avukat lodoxoma, la laaleng at ne Moroa naba lok li limixin at lavapaase, la ne Pelik ga marat aleng tinotno la ga lok, “I epovo nga. Aba ro xaka bok ba u do nia ana ruuna bok ba taaleng.”