Leven Gugu 24:16 - Madak

¹⁶ Kuren la a lolos amisik ti ke laxakapmek la ana nemen mokmokso at lemeren ne Moroa la limixin.

Leven Gugu 24:16 ပူးပေါင်းရင်းမြစ်များ

Leven Gugu 23:1

Pol ga sok katli ka luvuttadi silok la ga lok tidi, “Luvutnetak. Luruptuvuk tarak i lox avukat axap at lemeren ne Moroa, ise at na laaleng lingina.”

Lovoang At Ne Pol Ti Limixin Nunu to Rom 2:15

Loklok atnedi i lox asuusu i do levempanga Lenavolo i paase min, Moroa ga malagan i keneng at lebelen di. Levendoxoma nunuan atdi i lox asuusu box i dola na i ruturun, mila at leventaba levenaleng levendoxoma atnedi i lox akmokso di, la at lentaba levenaleng i su auru loklok atdi.

Lovoang At Ne Pol Ti Limixin Nunu to Rom 9:1

Nenia at ne Karisito la nenia axo xaxarang. Loroonan Kaala ik lok tatao lodoxoma avukat tarak la ik lok axasep box ia do nenia axo xaxarang.

1 Korin 10:32

La mina rooro mi luruptuvuk nunuan kusu limixin me Judaia la limixin kopmen me Judaia la limixin nuunu di noxo sak kikixin at lunuunu atdi.

1 Korin 4:4

Nenia axa aklen i do kopmen taxakapmek i nemen at lorooro rak, ketla anai xopmen na lox asuusu i do nenia laradi sep mus at ne Moroa; ketla Leeme Silok naba viila mumu lugugu rak.

2 Korin 1:12

Nema ma lok momo aleng, mila lodoxoma nunuan atnema i lox ase nema do, loklok atnema at na lavatbung menemen ngan maga ebibinat ka minemi, ga lok nunuan mene nga la kopmen taxakapmek teren ngan ne Moroa ga lok tooro nama min. Kuren mun maga mumu asu letaba nabalamu at ne Moroa la kopmen do at lakleklen maut at laradi at na laxangka.

2 Korin 4:2

La keneng at na lugugu ma lok kepe leventaangas kakapmek la leveloklok kaxarang. La maxo bala vukpuk bok limixin mi lakleklen atnama, la kopmen mana lox ekun levelinga at ne Moroa; ketla ma tong asu axasep aleng levelinga ruturun at ne Moroa la kerepmo ma lox aru nama ti limixin axap to at lemeren ne Moroa.

1 Tesalonia 2:10

Miga reven loklok atnama, la ne Moroa bok ga reven i, dola luruptuvuk atnama gak mokso la ga lox avukat aleng kantubu atnemi limixin nuunu la goxopmen taxakapmek gak lok atnama.

1 Timoti 1:19

la ubam tebeng lolos lunuunu la u noxo suma loklok mamangan at lorooro ram. Leventaba luvuttadi diga ronga xepe na levelinga, la diga lok kapmek pam lunuunu atdi.

1 Timoti 1:5

Lavasuun at nai levelinga rak, ti lox axatu labalamu xantubu at limixin nuunu; nom labalamu i ravasu boro xeneng at lorooro kopmen taxakapmek teren la boro bok at lodoxoma, kopmen tusumsuma xapmek teren la boro bok at lunuunu ruturun.

1 Timoti 3:9

dinam tebeng amisik leveloklox ase at luruturun keneng at lunuunu at ne Moroa la lodoxoma atdi nak lox avukat mun.

2 Timoti 1:3

Nenia a tong avukat ti ne Moroa, nia a gugu rin ngan lavalabat tarak diga gugu rin la kopmen taxapmek i nemen keneng tarak. Nia a emi asu amisik mi ne Moroa at levenaleng kangking la levenaleng kanimin keneng at levesingising tarak.

Taitas 1:15

Di lok do leventaba leveluxa i xaala; ketla i lox avukat do limixin nuunu dina anan leveluxa axap; nedi limixin kakapmek kopmen dina nuunu at ne Iesu Karisito la di ke xepe leventaba leveluxa mila lodoxoma atdi xopmen na lox avukat la loklok atdi i lok bilinga.

Ibru 10:22

Kuren la mina vosiga ne Moroa do lebelen nimi irak mokso vam la lunuunu atnimi irat matkun pam la lebelen nimi xopmen tusumsuma xapmek teren mila ne Moroa ga lox adadat pam nimi kerekngan di gos labantuxu atdik mi ladan i nunuan.

Ibru 13:18

Mina ngising amisik ne Moroa do neni na lok tooro nama. Nema xopmen mana ruuna tusumsuma xapmek mila maklen i do lebelen nama ip sepsen tino, la ma vara aleng i do mana ruuna luruptuvuk i nunuan axap.

Ibru 9:14

Ketla na loklok at lekabus migomgo kopmen na epovo mi mo lavanga ne Karisito ga lox i. At loklok tooro at Loroonan at ne Moroa neni ga raba xa i ri ne Moroa ngan laplavang avolo, goxopmen taxakapmek teren, kusu na lox adadat dik basinge laxakapmek mo ba lox asuusu lanmet. Kerepmo i epovo do ata mu asu lavavara at ne Moroa, mo i rooro.

1 Pita 2:19

Moroa naba lox anarong nemi do dina lox asongot nemi mumu mun loklox avukat atnemi na mu asu lodoxoma ren.

1 Pita 3:16

Ketla mina vaase ridi mi lumulus la loklok ngangao, la lorooro atnimi nak lok nunuan kusu do dina paase xapmek mumu lorooro avukat atnemi keneng at ne Karisito, dinaba mangan at levelinga kapmek nedi di paase i.

1 Pita 3:21

la ga lok ngan neni lampoovo at lesep susu, ana nga nemi bok mi roo suu ren. Ni xopmen do rit gos kepe laxakapmek at labantuxu, ketla neni laxakaape mi lox i ri ne Moroa mi lodoxoma avukat. La neni na i lox aroo nemi mumu mun lorooro xat amlong at ne Iesu Karisito,