Leven Gugu 24:14 - Madak

¹⁴ Ana tong i na ru. Nia a lotu saparap ne Moroa at lavalabat atnama keretna; a mumu asu mo langas di tong i do i xaxarang. Ketla a nuunu at levelinga diga malagan i at Lenavolo at ne Moses, la levenmamalagan at lavaeme vapaase alii.

Leven Gugu 24:14 ပူးပေါင်းရင်းမြစ်များ

Sam 119:46

Aba paase asu levempapaase matmatkun taram ti lavaorong silok, la nia a noxo mangan.

Metiu 10:32

La ne Iesu ga lok bok tidi, “Nege do i tong asu i do neni laradi mumu asu ia, ro melamgo at limixin axap; at laaleng ete, anaba tong asu bok neni ro melamgo at lemeren ne Moroa to vana at laxalibet do neni na vaxaru limixin at leete.

Metiu 22:40

Lenavolo eburu mi levenmamalagan at lavaeme vapaase alii i nemen maxopok at na levelinga.”

Metiu 7:12

Leveloklok axap mina lox i ri lentaba vetpes, na lok ngan mun leveloklok mi vara i do dina lox i rinimi. Anai ni lavasuun tinotno at Lenavolo at ne Moses la levelinga at lavaeme vapaase alii.”

Lagale Lavavang At Ne Iesu Karisito Luk Ga Malagan i 1:70

Gano migomgo at lavaeme vapaase alii ren, neni ga tong i na.

Lagale Lavavang At Ne Iesu Karisito Luk Ga Malagan i 16:16

Lenavolo at ne Moses la levenmamalagan at lavaeme vapaase alii ga nemen se at levenaleng at ne Jon laradi sep susu. Ga ru ka i go Lagale Lavavang mumu Linintoo at ne Moroa ga lok kun i min, la buaang nedi limixin getgesara di lolos do ukeneng di.

Lagale Lavavang At Ne Iesu Karisito Luk Ga Malagan i 16:29

Abaram ga lok tin keretna, ‘Luvutnetam di ruuna levelinga keneng at Lenavolo at ne Moses eburu mi levelinga at lavaeme vapaase alii xusu ri vaase aronga di; i epovo do luvutnetam dina ronga mo levelinga’.

Lagale Lavavang At Ne Iesu Karisito Luk Ga Malagan i 24:27

La ne Iesu ga soxomus levelinga at Lovoang Kaala ridu mumu i; ga ru ka i at levenbuk at ne Moses la levenmamalagan at lavaeme vapaase alii.

Lagale Lavavang At Ne Iesu Karisito Luk Ga Malagan i 24:44

La neni ga lok tidi, “Anai lempanga nia aga tong i rinimi ap mo levenaleng nenia aga nemen eburu minimi; lempanga axap diga malagan i mumu ia keneng at Lenavolo at ne Moses, la levenmamalagan at lavaeme vapaase alii, la levempikpixan mo ira sorun.”

Lagale Lavavang At Ne Iesu Karisito Jon Ga Malagan I 1:45

Pilip ga vot pasa ne Natanael la ga lok tin, “Mara long lenget ka vam laradi ne Moses ga malagan axasep mumu i ro xeneng at levenbuk at Lenavolo; la lavaeme vapaase alii bok diga malagan mumu i. Neni ne Iesu, lamdak at ne Josep, boro Nasaret.”

Leven Gugu 10:43

Nedi axap, lavaeme vapaase alii diga paase mumu vam i, diga tong alii i do tara i nuunu ren, nom laxakapmek teren, ne Moroa naba doxoma xepe i xeneng at laasen teren.”

Leven Gugu 13:15

Melemu at leexes at Lenavolo at ne Moses la levelinga at lavaeme vapaase alii, luvuttadi amgomgo at loogu singising diga lok tidu, “Lunetak, ma vara i do muna vaase ri limixin do nemu mu ruuna tevelinga loklox alolos tinedi.”

Leven Gugu 15:5

Ketla lentaba luvuttadi nuunu, nedi lubung Parisi diga xatu kaxat la diga vaase lolos keretna, “Nedi mo limixin kopmen di me Judaia dina rivit kepe lengkontuxu atnedi la ata tong box i ridi do dina mumu asu Lenavolo at ne Moses.”

Leven Gugu 19:23

Ap mo levenaleng langsangan lekarakat ga nemen go Epesas mumu langas at Leeme Silok.

Leven Gugu 19:9

Ketla lentaba atdi di goxopara levelinga ren la di goxo nuunu, la diga vaase kapmek ti langas at Leeme Silok to melamgo at limixin axap. Kuren la ne Pol ga on basinge di la ga lam ka luvuttadi nuunu eburu min; la at levenaleng axap ni ga paase ro at loogu vapaase at ne Tirinas.

Leven Gugu 22:14

Ni ga lok, ‘Moroa at lavalabat atdik ga soxolik ka vam u do unaklen lodoxoma ren, la uba ven kibis Lanarong teren, luruptuvuk teren ik mokso; la unang tonga levelinga ren.

Leven Gugu 24:22

Kuren la ne Pelik, gakleklen tinotno mo langas at Leeme Silok ga lox axap mo lavapaase. Ni ga lok tidi, “Aba ronga bok ba na levelinga melemu, la aba lok axav i, mo do leeme gomgo at limixin esep ne Lisias na rupot.”

Leven Gugu 24:5

Maga ronga i do na laradi i lox araut lekarakat; ni ik paxaru kaxat levenesep to xantubu at leme Judaia no di nemen at lengkot axap at na lavatbung menemen; la neni lamgomgo at loxonbinam tadi laasen teren Nasarin.

Leven Gugu 25:8

La ne Pol ga lok keretna, “Axo lok kapmek tempanga mumu Lenavolo at leme Judaia, kopla loogu laplavang kopla at ne Kaisar.”

Leven Gugu 26:22

Moroa ga lok tooro aleng ia ise at na laaleng lingina; kuren la nia a ru na de, a tong asu levelinga ruturun tinemi axap, limixin gamasa la limixin silok. La na levelinga rak nia a tong asu i, i epovo mi levelinga at lavaeme vapaase alii la ne Moses, nedi diga tong i do na lempanga naba vot.

Leven Gugu 26:27

Kereva, u nuunu at levelinga at lavaeme vapaase alii? Aklen i do nenu u nuunu xuren!”

Leven Gugu 26:4

Buaang atnedi leme Judaia diklen avukat lorooro rak ga vaxaru xaka i at laau rak. Diklen avukat luruptuvuk tarak ga lok kereva to at lemenemen tarak la to bok Jerusalem.

Leven Gugu 26:6

La na a tu nade at lavapaase atla a ngangais ne Moroa do ni ba lox empana laxakaape ren ga lox i ri lavalabat atdik. Na laxakaape ri lox axatu limixin basinge lanmet la diba vubeles at Linintoo at ne Moroa.

Leven Gugu 28:22

Ketla ma vara i do mana ronga levelinga ram, mila ma ronga i do at lengkot axap limixin di paase mumu nom libinam tadi nenu uk lok teren.”

Leven Gugu 28:23

Kuren la diga lok katling lara laaleng eburu mi ne Pol, la buaang limixin diga vot ap mo laaleng to ap mo loogu ne Pol ga nemen teren. Ga maxantamak suubu se at laxanimin neni ga soxomus lavasuun at levelinga at Linintoo at ne Moroa rinedi. Ni ga lok tong pen i do na sat ka lodoxoma atdi mi levelinga ma xeneng at Lenavolo at ne Moses la levenmamalagan at lavaeme vapaase alii xusu diba nuunu at ne Iesu.

Leven Gugu 3:13

Moroa at ne Abaram, Aisak, la ne Jakop, Moroa at lavalabat atdik, neni ga lox asilok laasen at ne Iesu, lasaxaruki ren. Nemi miga song araba limixin kapmek min kusu dina sev amer i; la miga sok tixirixes i ro melamgo at ne Paelat, ap mo loxonaleng ne Paelat ga lok do na soxomus asu i.

Leven Gugu 5:30

Moroa, neni lomoroa at lavalabat atnedik, neni ga lox axatu ne Iesu basinge lanmet, melemu atnemi miga vaxarem i ro at laxaba.

Leven Gugu 7:32

‘Nenia ne Moroa at lavalabat atnemi, Moroa at ne Abaram, Aisak la ne Jakop.’ Moses ga dede mi lanmarat la ni goxo lok do na ven bok ba i.

Leven Gugu 9:2

la ga sue i do ni na lok ka lavapaase axasep ti lox ase nedi limixin me Judaia diga nemen to Damasko. Neni ga vara i xusu na vuse ka nedi diga mumu asu langas at Leeme Silok go, la ni naba ranga alis di, lavatlok eburu mi lavakin la na sat ka di uto Jerusalem.

Lovoang At Ne Pol Ti Limixin Nunu to Rom 1:9

Moroa nia a gugu rin mi lorooro axap tarak, la nia a vavang mi Lagale Lavavang at ne Nitna, neni iklen i do na levelinga rak i ruturun aleng do nia am doma amisik nimi,

Lovoang At Ne Pol Ti Limixin Nunu to Rom 3:21

Ketla amo nga, langas ti lok limixin ngan limixin mokmokso at lemeren ne Moroa ira ravasu vam, la kopmen tekot at Lenavolo nak lok teren. Lenavolo eburu mi levelinga at lavaeme vapaase alii di su auru i na.

1 Korin 11:19

Lixitkis epeseves ik lok kantubu atnimi, la kerepmo i lox asuusu i do leventaba mene atnimi di mumu asu ruturun ne Moroa.

Galesia 5:20

loklok ti lotu saparap laxampoovo vanga la lasangsanga xapmek. La limixin ua di munepen la dira vesep; la levereven peves eburu mi lebelemamao la laradi itlasi polo limixin axap. La levenekarakat la loklok ti vepeseves ti lara nep binam axap;

2 Timoti 1:3

Nenia a tong avukat ti ne Moroa, nia a gugu rin ngan lavalabat tarak diga gugu rin la kopmen taxapmek i nemen keneng tarak. Nia a emi asu amisik mi ne Moroa at levenaleng kangking la levenaleng kanimin keneng at levesingising tarak.

Taitas 3:10

Una vaase sok nege taradi i lok leven ekarakat. Do neni move na lox axis epeseves limixin, una vaase sok box i. Dola neni noxo ronga res at levelinga ram, una ke xepe i.

1 Pita 1:11

Diga puse i xusu dinaklen kaka rinotno loxonaleng at lovotpot at ne Karisito la naba vot kereva. La digam doma vupuse do Loroonan at ne Karisito no gak lok keneng atnedi, ga paase alii mi levesongsongot ne Karisito naba ekip tangarang min la neni naba ru pavaa mo levesongsongot, la melemu ren neni naba lok kaka langsangan lisisixam.

Lisilimet 19:10

Nia aga ronga i na la aga xis tiktikbu mi luvatgulom tarak to saparap luxangkedek teren kusu ana lotu parav i, ketla ni ga lok tia, “Nemen gat uta lotu parav ia. Nenia lasaxaruki mun at ne Moroa kerekngan nenu eburu mi luvutnetam, mo mim tebeng levelinga ruturun at ne Iesu. Una lotu parap ne Moroa. Mo levelinga ruturun ne Iesu ga tong asu i, ni lavasuun at levempavang at luvuttadi vapaase asu levelinga.”