Leven Gugu 23:6 - Madak

⁶ La ne Pol ga ven i do lentaba atdi na limixin nedi lubung Sadiusi la lentaba bok atdi nedi lubung Parisi, la ni ga vaase silok tinedi luvuttadi, “Luvutnetak, nenia la Parisi, la ne tamak bok, neni la Parisi. A tu at lavapaase mila nia aklen i do ne Moroa naba lox arooro amlong nedi diga met pam diba roo xat amlong.”

Leven Gugu 23:6 ပူးပေါင်းရင်းမြစ်များ

Metiu 10:16

La ne Iesu ga lok tidi, “Mina ronga i na! Ana riki aonon nimi ngan laxasipsip kantubu at laxanman sio. Mina lok tatao avukat nimi i ngan lisii neni ikleklen solo la minak lox atnaasan ngan levenamno.

Metiu 22:23

Ap mo mun laaleng lentaba at lubung Sadiusi diga vosiga ne Iesu, diga lok do limixin diga met pam, di noxo roo xat amlong. Diga lok tong pen ne Iesu xeretna,

Metiu 3:7

At loxonaleng ne Jon ga ven buaang nedi lubung Parisi mi lubung Sadiusi diga vosiga i kusu neni na sep susu nedi, neni ga lok tidi xeretna, “Nemi laxamdak at lempasii. Kereva, mi lok do mina sixiro at lebelemamao at ne Moroa mo naba vot saparap limixin kakapmek?

Leven Gugu 22:3

“Nenia lara at limixin me Judaia, boro at lemenemen Tasas at lenep Silisia, ketla diga lok ka ia ude Jerusalem i ngan laradi loklok ka anasa at ne Gamaliel. Aga lox ase avukat keneng at Lenavolo at lavalabat atdik, la aga lolos tinotno ri mumu asu ne Moroa kerekngan nemi axap na lingina.

Leven Gugu 22:30

Leeme gomgo ga vara i do naklen ua lavasuun teren la leme Judaia diga lok li ne Pol at lavapaase; kuren la ap mo lara laaleng melemu, ni ga soxomus asu ne Pol; la ga tong i ri lavamaasa silok la nedi luvuttadi amgomgo at leme Israel kusu dina rupot buru min. La ni ga lam ka ne Pol, la ga vaxaru i ro melamgo atdi.

Leven Gugu 22:5

Lamaasa gomgo at luvuttadi laplavang la nedi bok luvuttadi amgomgo dikleklen i do nia a paase ruturun. Aga lok ka levelinga loklox axasep boro atdi luvuttadi amgomgo rinedi leme Judaia ro Damasko. Kuren la nia agat pas ugo xusu ana xoxo ka mo limixin la ana lok ka amlong di uto Jerusalem kusu dina xip lumumuat.

Leven Gugu 23:1

Pol ga sok katli ka luvuttadi silok la ga lok tidi, “Luvutnetak. Luruptuvuk tarak i lox avukat axap at lemeren ne Moroa, ise at na laaleng lingina.”

Leven Gugu 23:15

Monga nemi eburu mi luvuttadi amgomgo mina lox aonon tevelinga ri leeme gomgo at limixin esep boro Rom kusu na lok taba nimi mi ne Pol; mina xarang i dola mi vara i xusu mina ronga levelinga ruturun mumu i. Ketla nema maba nemen gagas go mun auret ti sev amer i, mo neni xovisi noxo rupot nade.”

Leven Gugu 23:20

La ni ga lok, “Leme Judaia di siam do diba sue u kantamak kusu una lok ka ne Pol uto saparap nedi axap luvuttadi amgomgo, diba xarang i dola luvuttadi amgomgo di vara i do dina ronga levelinga ruturun mumu i.

Leven Gugu 23:7

Diga ronga i na, la lubung Parisi mi lubung Sadiusi diga edak kaxat, la diga epeseves ti legepu binam tadi.

Leven Gugu 24:15

Nia a doxoma voovo ri ne Moroa xerekngan bok di, di nuunu do limixin axap, limixin avukat la limixin kapmek, diba roo xat amlong basinge lanmet.

Leven Gugu 24:21

Nia aga tu mun at legesa vanga. Nia aga xup lolos ap mo laaleng nia aga tu ro melamgo atdi xeretna, ‘Mi vaxaru ia at lavapaase mo lingina mila a nuunu do limixin no diga met pam diba roo xat amlong ti lorooro.”

Leven Gugu 28:20

Kuren la aga sing kusu ana ven nimi la ana epaase eburu minimi; nia a nemen at loxokoxo mila a nuunu at Lanarong, mo nedik limixin me Judaia ta nemen tangais i.”

Pilipai 3:5

Diga vit kepe loxontuxu rak melemu at lavanuti aleng ne naga ga visix ia; nenia lanat me Israel at libibinat at ne Beniamin, la nia laradi ruturun me Ibru. Nenia ga lok ngan la Parisi, la aga mumu asu Lenavolo me Judaia i ngan la Parisi.

Kolosi 1:5

Na lunuunu la labalamu atnimi i nemen lolos at lorooro atnimi, mila mi ngangais mi lomomo ri mo leveloklox anarong i nemen tangais nimi ro vana at laxalibet; mo leveloklox anarong miga ronga vam i ap mo levenaleng diga vavang mi levelinga ruturun tinimi, mo levelinga ni Lagale Lavavang.

Ibru 6:19

Nedik takleklen i do ne Moroa naba lox asorun levempapaase alii ren, kuren la lebelen dik it kis aulis ngan lesepang it kis aulis do di sepkaa alis i ro xopok at lavaruat. La kerepmo bok i epovo do nedik tana xis esogo mi ne Moroa no vana at laxalibet; i lok ngan gano lamaasa ga vubeles at loxot i xaala aleng, mo loxot gak lok to melemu at lavatbantamon silok to xeneng at loogu laplavang.