Leven Gugu 23:11 - Madak

¹¹ Ap mo laxanimin Leeme Silok ga ru saparap ne Pol la ga lok, “Una lolos! Ura tong asu vam levelinga rak na de Jerusalem, la unaba tong asu box i to Rom.”

Leven Gugu 23:11 ပူးပေါင်းရင်းမြစ်များ

Sam 109:31

Mila Leeme Silok i gagas amisik ti lok tooro limixin pakpakes; la ik lox asepsu nedi basinge limixin sepsep amet.

Metiu 14:27

La soso mun ne Iesu ga lok tidi, “Nemen gat mita marat; mina lolos. Nenia mun na.”

Metiu 28:20

La mina lox ase di xusu dinang tonga res at levelinga axap nenia agara tong pam i rinimi. La nenia anabak lox eburu amisik minemi naba se at laxavaxap at na lavatbung menemen.”

Metiu 9:2

Lentaba luvuttadi digap kip lara laradi mi loora, labantuxu ren ga molo axap la diga vosiga ne Iesu. Se ne Iesu ga ven kibis lunuunu atdi, ni ga lok ti mo laradi mekmeres keretna, “Nuruk, una lolos. Leveloklok kakapmek axap taram, a doxoma xepe i.”

Lagale Lavavang At Ne Iesu Karisito Luk Ga Malagan i 16:28

kusu neni nabat pas la na vaase aronga bok lavalimo luvutnetak la di noxot pas bok ti na lemenemen songsongot.’

Lagale Lavavang At Ne Iesu Karisito Jon Ga Malagan I 14:18

Dola ana onon, anoxo ke xepe nimi ngan lubungkarun, ketla anabamlong bok ude saparap nimi.

Lagale Lavavang At Ne Iesu Karisito Jon Ga Malagan I 16:33

Agara tong pam i na rinimi xusu miba ruuna ka limila. Nemi minaba suma losongsongot boro at limixin at na lavatbung menemen. Ketla mina tu tuxuruxun. Ara los kimit pam laxakapmek at na lavatbung menemen.”

Leven Gugu 18:9

At lara laxanimin Pol ga ven lisilimet, la Leeme Silok ga lok tin, “Nemen utak marat, ketla una vavang amisik la nemen uta doxoma abulubun la una ke xepe na lugugu rak,

Leven Gugu 19:21

Melemu at na lempanga ga ravasu, Pol ga doma li be i do ni nat pas uto Jerusalem la na mu langas kantubu at lenep Masadonia la at lenep Grik. Ni ga lok, “Melemu at lavatpas tarak uto Jerusalem, abat pas uto Rom.”

Leven Gugu 2:25

I lok ngan ne Devit ga paase mumu i xeretna, ‘Nia a reven Leeme Silok to melamgo rak at levenaleng axap. Ni mo ik lok at lakngak tino, kusu nia noxo marat at levenmumuat limixin di lok li i rak.

Leven Gugu 20:22

La ananga nia a ronga res at Loroonan Kaala, kusu anat pas uto Jerusalem; la nia axoklen i do lavanga salai naba rupot saparav ia go.

Leven Gugu 22:15

La nenu uba tong asu levelinga ri limixin axap mumu mo lempanga nenu uga ven i la ugang tonga i.

Leven Gugu 22:18

Keneng at na lisilimet nia aga ven Leeme Silok ga lok tia, ‘Soso u la una vas kaxat basinge lemenemen Jerusalem, mila limixin me de di noxo siam ka levelinga ram mumu ia.’

1 Korin 9:1

Kereva, nenia laradi sepmus la nenia laradi vavang at ne Moroa? Kereva, nenia aga ven ne Iesu, Leeme Silok atdik? La kereva, nemi livipisik at lugugu rak ngan laradi vavang at Leeme Silok?

Pilipai 1:13

Kuren la mo luvuttadi esep at loorong silok eburu mi luvuttadi di nemen de, diklen i do nia ak lok at loxokoxo mila nenia lasaxaruki at ne Karisito.

2 Timoti 4:17

Ketla Leeme Silok ga nemen eburu minia la ni ga lox alolos ia, kusu nia aga epovo xusu ana tong asu Lagale Lavavang tinedi limixin kopmen di me Judaia la diga ronga i. La Leeme Silok ga lox aroo ia basinge lanmet.