Leven Gugu 22:30 - Madak

³⁰ Leeme gomgo ga vara i do naklen ua lavasuun teren la leme Judaia diga lok li ne Pol at lavapaase; kuren la ap mo lara laaleng melemu, ni ga soxomus asu ne Pol; la ga tong i ri lavamaasa silok la nedi luvuttadi amgomgo at leme Israel kusu dina rupot buru min. La ni ga lam ka ne Pol, la ga vaxaru i ro melamgo atdi.

Leven Gugu 22:30 ပူးပေါင်းရင်းမြစ်များ

Metiu 10:17

Mina reven avukat, mila lentaba luvuttadi mo diba ranga alis nimi la dina lok ka nimi ri lavapaase; la dibak pixis nimi ro xeneng at laraugu singising atdi.

Metiu 27:2

Diga xoxo alis lukngen la diga sat ka i uto at ne Paelat, ni laradi gomgo boro Rom.

Metiu 5:22

Ketla mo nga ana tong i rinimi do, nege i musak mene neton, neni naba tu at lavapaase ro melamgo at laradi rongtonga linga; la do nege i tong i ri neton do ‘Nenu laradi pis,’ neni naba tu at lavapaase ro melamgo at lixitkis buru at lavanuti sangaun nedi loxongkulao silok at limixin me Israel; la do nege i lok ti neton do ‘nenu lavanga baulang’, i auret do ne Moroa naba riki i uto xeneng at laxao at lemenemen songsongot.

Leven Gugu 21:11

Ni ga vosiga nama, la ga lok ka labaane at ne Pol, la ni ga xoxo ka lukngen ne Pol mi luxangkedek teren la ga lok, “Loroonan Kaala i tong i do laradi at na labaane, limixin me Judaia diba xoxo i; diba lox i na ro Jerusalem, la diba song araba i ri limixin kopmen di me Judaia.

Leven Gugu 21:33

Leeme gomgo ga vas saparap ne Pol, la ga ranga alis i, la ga tong i ri limixin esep do dina xoxo i mi luvaroos sen. La ni ga sue, “Nege i na laradi, la lavanga salai mo ni i lox i?”

Leven Gugu 22:5

Lamaasa gomgo at luvuttadi laplavang la nedi bok luvuttadi amgomgo dikleklen i do nia a paase ruturun. Aga lok ka levelinga loklox axasep boro atdi luvuttadi amgomgo rinedi leme Judaia ro Damasko. Kuren la nia agat pas ugo xusu ana xoxo ka mo limixin la ana lok ka amlong di uto Jerusalem kusu dina xip lumumuat.

Leven Gugu 23:1

Pol ga sok katli ka luvuttadi silok la ga lok tidi, “Luvutnetak. Luruptuvuk tarak i lox avukat axap at lemeren ne Moroa, ise at na laaleng lingina.”

Leven Gugu 23:15

Monga nemi eburu mi luvuttadi amgomgo mina lox aonon tevelinga ri leeme gomgo at limixin esep boro Rom kusu na lok taba nimi mi ne Pol; mina xarang i dola mi vara i xusu mina ronga levelinga ruturun mumu i. Ketla nema maba nemen gagas go mun auret ti sev amer i, mo neni xovisi noxo rupot nade.”

Leven Gugu 23:20

La ni ga lok, “Leme Judaia di siam do diba sue u kantamak kusu una lok ka ne Pol uto saparap nedi axap luvuttadi amgomgo, diba xarang i dola luvuttadi amgomgo di vara i do dina ronga levelinga ruturun mumu i.

Leven Gugu 23:28

Ata vara i do anaklen tinotno ua lavasuun at lumukmusak atdi rin, kuren la nia ata lam ka i uto saparap luvuttadi amgomgo axap atdi.

Leven Gugu 23:6

La ne Pol ga ven i do lentaba atdi na limixin nedi lubung Sadiusi la lentaba bok atdi nedi lubung Parisi, la ni ga vaase silok tinedi luvuttadi, “Luvutnetak, nenia la Parisi, la ne tamak bok, neni la Parisi. A tu at lavapaase mila nia aklen i do ne Moroa naba lox arooro amlong nedi diga met pam diba roo xat amlong.”

Leven Gugu 26:29

Pol ga lok, “At na loxonaleng kopla loxonaleng melemu, lisingising tarak ti ne Moroa do nenu la nedi axap nom ding tonga ia mo lingina, diba nuunu at ne Iesu xerekngan ia, ketla di noxo nemen at loxokoxo ngan ia.”

Leven Gugu 5:21

Luvuttadi vavang diga ronga res la ga maxantamak suubu diga beles to at loogu laplavang la diga vaxaru ka i xusu dina anasa limixin. Lamaasa gomgo eburu mi limixin teren, diga ro bubua ka lubung amgomgo at lubungmixin me Judaia kusu nedi axap dina lok lavapaase silok; la diga lox aonon levelinga uto at loogu xokoxo xusu dina lok taba nedi mi luvuttadi vavang.