Leven Gugu 21:8 - Madak

⁸ Ap mo lara laaleng melemu maga on basinge di la maga rupot to Sisaria. Mo go magat pas uto at loogu at laradi vapaase asu Lagale Lavavang, laasen teren ne Pilip, la maga nemen eburu min. Neni lara atnedi lavanuti luvuttadi no diga soxolik ka di ro Jerusalem.

Leven Gugu 21:8 ပူးပေါင်းရင်းမြစ်များ

Leven Gugu 10:1

Lara laradi ga nemen to Sisaria laasen teren ne Konilias, neni laasesep at limixin esep boro Rom diga tong nedi do, “Limixin esep me Itali.”

Leven Gugu 16:10

Melemu at ne Pol ga ven na lisilimet, soso mun nema maga gagas kusu manat pas uto Masadonia, mila magaklen i do Moroa ga ro ka vam nama kusu mana vaase asu Lagale Lavavang ti limixin me go.

Leven Gugu 16:13

At laaleng kaala maga vas kaxat basinge lemenemen silok uto at lisigege at ladan; maga nua i do toxot mo go at limixin me Judaia digat pot buru e la diga ngising. Maga xis kopok la maga paase ri lavakin mo diga rupot eburu go.

Leven Gugu 16:16

At lara laaleng magat pas uto at loxot singising, maga ekip tangarang mi lara loolik, ni lasaxaruki la lagas ga nemen teren la ga lox epovo i do na paase alii umelamgo. La kerepmo ni ga lox asuusu laxampilas solo ri lamgomgo ren; mila ni ga tong levempanga salai naba rupot at levenaleng mo i tu migo ridi.

Leven Gugu 18:22

La ni ga rupot to Sisaria la gat pas uto Jerusalem la ga vot pasa mene limixin nuunu me go; melemu ni gat pas uto Antiok.

Leven Gugu 20:13

La nema maga vas kaxat me go uto at lavattaaxup la maga sen kaxat uto Asos kusu manaba xas ka ne Pol upana ri lavattaaxup. Ni ga tong i rinama do manabak lok ngais i go, mila ni gat pas mene ugo.

Leven Gugu 20:6

Maga sen kaxat boro Pilipai melemu at lara leluxa laasen teren Lovovolo Pe; la melemu at lavalimo aleng maga vosiga di ro Troas, mo go maga nemen eburu midi at lavanuti aleng.

Leven Gugu 21:16

Lentaba luvuttadi nuunu boro Sisaria bok mo digat pas eburu minema, la diga lok ka nama uto at loogu at lara laradi, laasen teren ne Nason boro Saipras, neni lara atnedi diga lok ka avot lunuunu saparap Leeme Silok.

Leven Gugu 23:23

Leeme gomgo at luvuttadi esep ga ro xaka luasesep teren la ga lok tidu, “Muna lox agagas li tegepu sangaun kobot (200) luvuttadi esep la minat pas uto Sisaria, eburu mi lavanuti sangaun luvuttadi esep no dit kis at lemparos, la legepu sangaun kobot (200) luvuttadi esep mi levesoso, la mina gagas ti vas kaxat at lavasik konaleng at laxanimin.

Leven Gugu 27:1

Lavaeme silok diga tong li levelinga rinama xusu maba sen kaxat mi lavattaaxup uto Itali at lemenemen silok Rom, la diga lok ka ne Pol la lentaba limixin kokoxo bok uto saparap ne Julias, neni laasesep at limixin esep boro Rom diga tong nedi do, “Limixin esep at ne Kaisar.”

Leven Gugu 28:11

Maga nemen go at lavantun gaaling la maga sen kaxat mi lavattaaxup boro Aleksandria, laasen teren, “Luxalaisang Moroa.” Mo lavattaaxup ga nemen go ap mo losoxan at leven gaaling at lamanman.

Leven Gugu 28:16

Maga rupot to Rom, la diga siam do ne Pol na nemen kusuk la lara laradi esep na lok tatao i.

Leven Gugu 6:5

Nedi axap diga lok momo ap mo levelinga at luvuttadi vavang; kuren la diga soxolik ka ne Stiven, laradi ga umsu mi lunuunu la Loroonan Kaala; la ne Pilip, Porokaras, Nakano, Timon, Pamenas; la ne Nikolaus neni boro Antiok, la goxopmen neni laradi me Judaia, ketla neni gam tebeng lunuunu ngan leme Judaia.

Leven Gugu 9:30

Ketla limixin nuunu diga ronga i mo la diga lam ka ne Sol uto loxon at lemenemen Sisaria la diga lox aonon i uto Tasas.

Epesas 4:11

Neni vam ga raba leventamtaba ri limixin teren. Ni ga soxolik ka lentaba ri gugu ngan luvuttadi vavang la lentaba ri gugu ngan luvuttadi vapaase alii. Lentaba diga lok ka lugugu ngan luvuttadi vapaase asu levelinga at ne Moroa, la lentaba ri gugu ngan luvuttadi loklok tatao lotu la lentaba ti lox ase limixin mi levelinga at ne Moroa.

2 Timoti 4:5

Ketla nenu ne Timoti, una lok tatao avukat lorooro ram at levenaleng axap; una tu lolos at lixipkip levesongsongot; una lok lugugu at laradi i vavang mi Lagale Lavavang, la una lox epovo leven gugu axap taram.