Leven Gugu 21:4 - Madak

⁴ Maga long lenger i do lentaba luvuttadi nuunu mo diga nemen go, la maga nemen eburu minedi at lavanuti aleng. Mi lololos at Loroonan Kaala diga tong i ri ne Pol do ni noxot pas uto Jerusalem.

Leven Gugu 21:4 ပူးပေါင်းရင်းမြစ်များ

Metiu 10:11

La ne Iesu ga lok bok tidi xeretna, “La do mina vas pot at temenemen silok kopla temenemen lixilik, mina puse ri taradi avukat la mina nemen eburu min se mina vas kaxat basinge mo lemenemen.

Leven Gugu 11:26

La ne Banabas ga vosiga i la ni ga lam kaka i uto Antiok. At legesa maares kudun nedu dugat pot eburu minedi buaang limixin ap mo loxot la duga anasa di. Mo go mun Antiok limixin nuunu diga lok ka avot na laasen Kristen.

Leven Gugu 19:1

Ap mo levenaleng ne Apolos ga nemen to Grik at lemenemen Korin, la ne Pol gat pas at langas babaalom maxeneng ap mo lunep silok Galesia la Pirigia la ni ga rupot to Epesas. Mo go ni ga vosiga lentaba luvuttadi nuunu.

Leven Gugu 21:16

Lentaba luvuttadi nuunu boro Sisaria bok mo digat pas eburu minema, la diga lok ka nama uto at loogu at lara laradi, laasen teren ne Nason boro Saipras, neni lara atnedi diga lok ka avot lunuunu saparap Leeme Silok.

Leven Gugu 28:14

Maga long lenget lentaba luvuttadi nuunu mo go la diga sue nama xusu mana nemen eburu minedi at lavanuti aleng. La magak lox amisix i xuren at lavatpas atnama uto Rom.

Leven Gugu 9:16

La nia aba lox ase i mi mo lempanga ni naba songot teren mumu lunuunu ren saparav ia.”

2 Timoti 1:17

Se neni ga rupot de Rom, neni ga puse ria se ni ga vuse ka ia.

Lisilimet 1:10

At lara laaleng, ni laaleng at Leeme Silok, Loroonan at ne Moroa ga suxuna ia, la aga silimet tang ka ne Iesu. La keneng at na lisilimet, aga ronga laxaka linga silok to melemu rak, gang teng ngan luru.