Leven Gugu 21:39 - Madak

³⁹ Pol ga lok keretna, “Nenia lara at limixin me Judaia, boro at lemenemen Tasas at lenep Silisia; nenia me go ap mo lemenemen silok doxodok. A sing u do i epovo ana vaase ri limixin.”

Leven Gugu 21:39 ပူးပေါင်းရင်းမြစ်များ

Leven Gugu 15:23

Diga raba nedu mi mo lovoang ga lok keretna; “Nema na luvuttadi vavang la loxongkulao silok, luvutneton nimi; ma lox aonon lomomo atnama rinemi limixin kopmen nemi me Judaia mo mi nemen to Antiok, Siria, la Silisia.

Leven Gugu 15:41

Dugat pas maxeneng at lunep silok Siria la Silisia, la duga lox alolos luvuttadi nuunu.

Leven Gugu 16:37

Ketla Pol ga lok ti mo lavasaxaruki xeretna, “Di goxo vuse ka taxakapmek maxeneng atnama’; diga vixis nema’ at lemeren limixin, la kopmen nak mokso, mila nema’ na lunat boro Rom. Melemu diga lok li nama’ at loogu xokoxo. La at na dia lok do dina lox aonon nemnem nama’. Kopmen tinotno! I epovo do luvuttadi amgomgo axa dibat pas ude la dina soxomus asu nama’.”

Leven Gugu 21:37

Mo limixin esep diga lok do na lok ka ne Pol uto at loogu lolos la ni ga lok ti leeme gomgo mi lavapaase Grik, “I epovo bok do ana tong tevelinga ru?” Mo leeme gomgo ga rakdu la ga sue i,

Leven Gugu 22:3

“Nenia lara at limixin me Judaia, boro at lemenemen Tasas at lenep Silisia, ketla diga lok ka ia ude Jerusalem i ngan laradi loklok ka anasa at ne Gamaliel. Aga lox ase avukat keneng at Lenavolo at lavalabat atdik, la aga lolos tinotno ri mumu asu ne Moroa kerekngan nemi axap na lingina.

Leven Gugu 23:27

Leme Judaia diga ranga alis na laradi la diga lok do dina sev amer i. Agaklen ka ba i do na laradi neni lanat boro Rom. Kuren la nenia atat pas itinongo eburu mi luvuttadi esep tarak la mata lok ka i basinge di.

Leven Gugu 23:34

Laradi gomgo ga exes mo levelinga la ga sue ne Pol do ni meva. La ni ga ronga i do neni boro Silisia.

Leven Gugu 6:9

Ketla lentaba luvuttadi di goxopara rin, nedi luvuttadi boro at lumenemen Sairini la Aleksandria; diga lotu at lara loogu singising, laasen teren, ‘Loogu Singising at Luvuttadi Sepsen.’ La lentaba limixin bok me Judaia boro Silisia la Asia di goxopara ne Stiven; nedi axap eburu mi ne Stiven diga etep mi levelinga.

Leven Gugu 9:11

Leeme Silok ga lok tin, “Una gagas la unat pas uto at langas, laasen teren, Langas Mokmokso, la mo go at loogu at ne Judas, una sue ri laradi boro Tasas laasen teren ne Sol. Neni mo i ngising;

Leven Gugu 9:30

Ketla limixin nuunu diga ronga i mo la diga lam ka ne Sol uto loxon at lemenemen Sisaria la diga lox aonon i uto Tasas.

1 Pita 3:15

Ketla keneng at lorooro atnemi mina lok ngangao at ne Karisito, atla neni Leeme Silok. Mina gagas at levenaleng axap ti porang levesusue at limixin at levenaleng dina susue nemi mi levendoxoma lolos atnimi saparap ne Karisito.