Leven Gugu 21:27 - Madak

²⁷ Levenaleng ap mo loklok ga lok do na xap ta, lentaba leme Judaia boro at lenep Asia diga ven ne Pol to xeneng at loogu laplavang. Diga lox axatu kaxat levendoxoma at limixin axap me go, la diga ranga alis i.

Leven Gugu 21:27 ပူးပေါင်းရင်းမြစ်များ

Leven Gugu 26:21

Lavasuun mun at nai la leme Judaia diga ranga alis ia ro at loogu laplavang, la diga lok do dina sev amer ia.

Leven Gugu 24:18

Aga lox i na la aga lox epovo loklok tik lox adadat; la nedi na diga vosiga ia ro at loogu laplavang. Goxopmen bok timixin solo diga nemen eburu minia la goxopmen bok tekarakat ap mo loxot.

Leven Gugu 13:50

Ketla limixin me Judaia diga lox axatu kaxat lodoxoma at luvuttadi amgomgo ap mo lemenemen silok la diga lox axatu lodoxoma at lavakin diga ruuna levenasen silok la diga lotu saparap ne Moroa. Diga vaxaru kaxat leedak ti ne Pol mi ne Banabas, la diga lok kepe du basinge lenep silok atdi.

Leven Gugu 18:12

At lara laaleng ne Galio ga nemen ngan lamgomgo at limixin to Grik, la limixin me Judaia, diga vot eburu la diga ranga alis ne Pol la diga lok ka i uto at lavapaase.

Leven Gugu 17:13

Ketla lentaba limixin me Judaia boro Tesalonia diga ronga i do ne Pol mo ga vavang mi levelinga at ne Moroa ro Beria; diga vas kaxat ugo la diga lox axatu lodoxoma at limixin.

Leven Gugu 14:19

Lentaba limixin me Judaia diga la boro Antiok at lenep Pisidia la boro bok Aikoniam. La diga lox axatu kaxat lodoxoma at limixin me go Listra la diga lu ne Pol mi laxanuat, la diga sar asu i basinge mo lemenemen; diga nua i do ni mo ga met.

Leven Gugu 14:5

Melemu mo limixin kopmen di me Judaia la limixin me Judaia eburu mi luvuttadi amgomgo atdi, diga vaxaru kaxat kaka i xusu dina lok kapmek luradi vavang la dina lu amet du mi laxanuat.

Leven Gugu 14:2

Ketla lentaba limixin me Judaia no di goxo nuunu, diga lox axatu lodoxoma at lentaba limixin kopmen di me Judaia la diga vaase pe lusumsuma atnedi basinge luradi nuunu.

Leven Gugu 6:12

Kerepmo diga lox axatu lodoxoma at limixin, loxongkulao silok la luvuttadi loklox ase at Lenavolo. Diga vosiga ne Stiven, la diga ranga alis i; la diga lam kaka i uto melamgo at luvuttadi amgomgo.

Leven Gugu 5:18

Diga ranga alis ka luvuttadi vavang la diga lok li nedi at loogu xokoxo.

Leven Gugu 4:3

Kuren la diga ranga alis du, la diga lok li du at loogu xokoxo se ap mo laaleng melemu, mila laxangking mo ga lok do na lotup ta.

Lagale Lavavang At Ne Iesu Karisito Luk Ga Malagan i 21:12

Avot ti na lempanga naba vot, diba ranga alis nimi la dina lox asongot nimi; diba song araba nimi ri lavapaase ro xeneng at laraugu singising la dina lok li nimi at loxokoxo; la diba lok kaka nimi uto melamgo at lavaorong silok la luvuttadi amgomgo xusu dina lok li nimi at lavapaase mila nemi mi nuunu rak.

Leven Gugu 2:9

Nedik na boro Patia, Midia, la Ilam; boro bok Mesopotemia, Judaia la Kapadosia, Pontas la Asia;

Leven Gugu 6:9

Ketla lentaba luvuttadi di goxopara rin, nedi luvuttadi boro at lumenemen Sairini la Aleksandria; diga lotu at lara loogu singising, laasen teren, ‘Loogu Singising at Luvuttadi Sepsen.’ La lentaba limixin bok me Judaia boro Silisia la Asia di goxopara ne Stiven; nedi axap eburu mi ne Stiven diga etep mi levelinga.

Leven Gugu 16:6

Pol mi larapen tangas teren digat pas epolo maxeneng at lunep silok Pirigia la Galesia, mila Loroonan Kaala goxo siam do dina vaase asu Lagale Lavavang ap mo lenep Asia.

Leven Gugu 20:19

Mi langsangan loklok ngangao la lanteng; aga lok leven gugu rak kerekngan lasaxaruki at ne Moroa, la aga ekip tangarang mi levenmumuat at leme Judaia diga lok li i rak.

Leven Gugu 24:11

Nenu xa uba long lenget ka i atdi do una sue di, do gat lasangaun mi legepura levenaleng ga xap pam, nia agat pas uto Jerusalem ti lotu saparap ne Moroa.

2 Korin 11:26

Buaang levempatpas tarak aga nemen keneng at levenmumuat to at laradanut la boro bok at luvuttadi xipkip pilo; la aga nemen bok keneng at levenmumuat boro atnedi limixin axa rak me Judaia la boro bok atnedi limixin kopmen di me Judaia. Aga nemen bok keneng at levenmumuat to at laramenemen silok, la aga nemen bok at levenmumuat to at lamatbin, la to bok at laras, la boro bok atnedi diga voovo ngan limixin nuunu.

1 Tesalonia 2:16

digak lok pe nama xusu ma noxo tong asu bok Lagale Lavavang tinedi limixin kopmen di me Judaia, kusu di noxo vubeles at Linintoo at ne Moroa. Laxakapmek atnedi limixin me Judaia i silok la mo laxakapmek ti lok pe limixin kopmen di me Judaia i lox asilok laxakapmek atdi. Kuren la lebelemamao at ne Moroa ira rupot pam saparap di.