Leven Gugu 21:20 - Madak

²⁰ Melemu at levelinga at ne Pol, limixin diga emi asu mi ne Moroa. La diga lok ti ne Pol, “Neton nama. U ven i do, buaang limixin me Judaia di nuunu, la nedi dim tebeng lolos Lenavolo.

Leven Gugu 21:20 ပူးပေါင်းရင်းမြစ်များ

Sam 22:23

Nemi livisik li at ne Jakop me Israel, mi lok ngan lavasaxaruki at Leeme Silok, mina vemi asu amisik min. Minak lok ngangao ren la mina lotu saparap amisix i!

Sam 22:27

Limixin boro at larabung mixin axap dinabam domasu amisik at Leeme Silok. Boro at lengkot axap at lavatbung menemen, dinaba repukus taba i, la levenasen bantuxu axap dinaba lotu saparav i.

Metiu 9:8

Se mo limixin axap diga ven i na, diga lingun, la diga emi asu mi ne Moroa, mo ga raba lololos kerepmo ti limixin.

Lagale Lavavang At Ne Iesu Karisito Luk Ga Malagan i 12:1

Ap mo laaleng buaang nedi limixin diga vot buru, la diga umsu aleng; kuren la diga epas gat; la ne Iesu ga vaase avot ti luvuttadi loklok ka anasa ren keretna, “Mina lok tatao avukat nimi basinge laiis at lubung Parisi. Di xarang nedi xa.

Lagale Lavavang At Ne Iesu Karisito Luk Ga Malagan i 15:32

Ketla ata lok leluxa la ata momo, mila netam ga met, ketla ira roo xat amlong pam; neni ga vuktanga, ketla ara vuse ka amlong pam i.”

Lagale Lavavang At Ne Iesu Karisito Jon Ga Malagan I 12:24

A tong tuturun i rinumu. Luxuvenit piao, do limixin di noxotlo i, noxo visik. Do i mang la ditlo li i at laxangka, melemu ba visik buaang levempeven piao.

Leven Gugu 11:18

Diga ronga i na la lodoxoma atdi ga lok mulus la diga emi asu mi ne Moroa. Diga lok, “Moroa ira suang pam langas ti lorooro xusu limixin kopmen di me Judaia, dina leeng basinge laxakapmek atnedi la dina ruuna ka lorooro maxat.”

Leven Gugu 15:1

Lentaba luvuttadi nuunu diga la boro Judaia uto Antiok la diga lok ti luvuttadi nuunu mego keretna, “Nemi xopmen mi noxo lok ka lorooro do xopmen mi noxo vit kepe lengkontuxu atnimi xerekngan Lenavolo at ne Moses i tong i.”

Leven Gugu 15:24

Maga ronga i do lentaba atnama digat pas udo saparap nimi, la diga lox ekarakat nimi la diga lox abulu nimi mumu loklok ti rivit kepe lengkontuxu; di xopmen di goxo lok ka tevelinga atnama xusu ri lox i mo.

Leven Gugu 15:5

Ketla lentaba luvuttadi nuunu, nedi lubung Parisi diga xatu kaxat la diga vaase lolos keretna, “Nedi mo limixin kopmen di me Judaia dina rivit kepe lengkontuxu atnedi la ata tong box i ridi do dina mumu asu Lenavolo at ne Moses.”

Leven Gugu 2:41

Buaang atnedi diga nuunu ap mo levelinga la luvuttadi vavang diga sep susu di; lavantun larabin sangsangaun kobot (3000) limixin diga beles saparap nedi luvuttadi nuunu ap mo laaleng.

Leven Gugu 22:3

“Nenia lara at limixin me Judaia, boro at lemenemen Tasas at lenep Silisia, ketla diga lok ka ia ude Jerusalem i ngan laradi loklok ka anasa at ne Gamaliel. Aga lox ase avukat keneng at Lenavolo at lavalabat atdik, la aga lolos tinotno ri mumu asu ne Moroa kerekngan nemi axap na lingina.

Leven Gugu 4:21

Luvuttadi amgomgo diga vaase lolos aleng tidu, la melemu diga soxomus asu du. Di goxo epovo do dina sev amarat du; mila buaang limixin diga emi asu mi ne Moroa ri mo lavanga sangsangu ga rupot kantubu atdi.

Leven Gugu 4:4

Ketla buaang atnedi diga ronga i mo lavapaase at ne Pita, diga nuunu; la lexekexes atnedi limixin nuunu ga urut ti lavalimo larabin sangsangaun kobot. (5000)

Leven Gugu 6:7

La levelinga at ne Moroa ga epeseves. Leexes at limixin nuunu ro Jerusalem ga uturut amisik mene la buaang atnedi lavamaasa diga lok kaka lunuunu maxat ap mo Lagale Lavavang.

Lovoang At Ne Pol Ti Limixin Nunu to Rom 10:2

Nenia a epovo xusu ana tong i do nedi di lolos kusu ri lok lugugu ri ne Moroa. Ketla mo lavavara atnedi ri ne Moroa, kopmen na ru rinotno at lakleklen tuturun.

Galesia 1:14

La loklok tarak keneng at lotu Judaia ga volo rinotno leventaba diga visik emu nema keneng at lenep Judaia; la nenia aga lolos tinotno xusu ana mumu asu leveloklok at lavalabat atnema.

Galesia 1:24

Kuren la diga xip aurut laasen at ne Moroa la diga emi asu min mumu mo levempanga ga ravasu at lorooro rak.

2 Tesalonia 1:10

Diba lok ka na lumumuat ap mo laaleng ne Iesu naba si ukopok la limixin axap teren diba emi asu min la diba lok ngangao ren. La nemi bok miba emi asu min, mila miga siam kaka Lagale Lavavang maga tong asu i rinimi.