Leven Gugu 21:19 - Madak

¹⁹ Pol ga paase momo rinedi la ga tong asu lempanga axap no ne Moroa ga lox i at lekngen kantubu at limixin kopmen di me Judaia.

Leven Gugu 21:19 ပူးပေါင်းရင်းမြစ်များ

Metiu 23:7

La di vavara aleng box i do limixin dibak lok ngangao atdi ro at lengkot etang, la dinap kup tidi do ‘Rabai.”

Leven Gugu 1:17

Judas neni mo lara atnedik ga gugu eburu minedik.”

Leven Gugu 14:27

Duga rupot to Antiok la duga ro bubua limixin axap at lotu, la duga tong asu lempanga ne Moroa ga lox i at levengkikngen du; la duga tong i do ne Moroa ga suang langas ti limixin kopmen di me Judaia xusu dina nuunu.

Leven Gugu 15:12

Nedi axap mo diga xis pilo at loxonaleng ne Banabas mi ne Pol duga tong asu lempanga sangsangu ne Moroa ga lox i at levengkikngen du kantubu atnedi limixin kopmen di me Judaia.

Leven Gugu 15:4

Se diga rupot to Jerusalem, limixin at lotu me go la luvuttadi vavang la loxongkulao silok diga seega rangarang di, la ne Pol mi ne Banabas duga tong mo lempanga ne Moroa ga lox i xantubu at lugugu at nedu.

Leven Gugu 20:24

Ketla nia a lok do lorooro rak i lok ngan ta do lavanga gamasa mun tia; nia a vara mun i do ana lox axap lavatpas tarak la ana lox axap lugugu at Leeme Silok ne Iesu ga raba ia min; mo lugugu ri tong asu Lagale Lavavang mumu letaba nabalamu at ne Moroa.

1 Korin 15:10

Ketla ne Moroa ga lox asuusu langsangan letaba nabalamu ren tia la ni ga lox amaxar ia, i ngan ta laradi vavang; la maxeneng at na letaba nabalamu ni ga raba ia min, laxampanga nunuan ga ravasu at lorooro rak, i ngan aga gugu lolos tinotno rinedi lentaba luvuttadi vavang. Ketla xopmen lololos tarak na nia aga gugu min, ketla letaba nabalamu at ne Moroa mo ga lox ia xusu a epovo ana gugu lolos.

2 Korin 12:12

Nia aga lolos kusu ana lok levempanga i lox asuusu i do nenia laradi vavang aga lox i xantubu atnimi; leveloklok katling at ne Moroa la levempanga sangsangu.

2 Korin 6:1

At leven gugu atnema eburu mi ne Moroa, ma sing nemi do nemen mita siam ka mo letaba nabalamu at ne Moroa mi lumun pipisik mun.

Kolosi 1:29

Ti lox empana na lugugu, nenia a gugu lolos, mi nom lololos ne Karisito i vetaba min tia la i gugu keneng tarak.