Leven Gugu 21:11 - Madak

¹¹ Ni ga vosiga nama, la ga lok ka labaane at ne Pol, la ni ga xoxo ka lukngen ne Pol mi luxangkedek teren la ga lok, “Loroonan Kaala i tong i do laradi at na labaane, limixin me Judaia diba xoxo i; diba lox i na ro Jerusalem, la diba song araba i ri limixin kopmen di me Judaia.

Leven Gugu 21:11 ပူးပေါင်းရင်းမြစ်များ

Leven Gugu 21:33

Leeme gomgo ga vas saparap ne Pol, la ga ranga alis i, la ga tong i ri limixin esep do dina xoxo i mi luvaroos sen. La ni ga sue, “Nege i na laradi, la lavanga salai mo ni i lox i?”

Leven Gugu 20:23

Nia akleklen i do at laramenemen axap Loroonan Kaala ik lok tia dola limixin diba lok li ia at loogu xokoxo la aba xip laxanmumuat aleng.

1 Pita 1:12

Ne Moroa ga raba asu na levelinga rinedi na luvuttadi vapaase alii xusu nedi di noxo gugu xusuk tik lok tooro nedi xa, ketla ti lok tooro nemi, at loxonaleng diga vaase mumu mo levelinga. Ana nemi mira ronga xaka vam i at luvuttadi xipkip linga di vaase asu Lagale Lavavang mi lololos at Loroonan Kaala boro vana at laxalibet. Neni na Lagale Lavavang lubung angelo bok di vara aleng i xusu dinaklen i.

Ibru 10:34

Miga balamu nedi digak lok at loogu xokoxo la miga lok momo mene nga do limixin diga sak paxat ka levempanga atnimi mila migaklen i do nemi xa miba ruuna lapnovos i lox avukat aleng no vana at laxalibet, mo lapnovos naba nemen amisik.

Ibru 3:7

Nedik limixin at ne Karisito, kuren la nemen mita ronga xepe levelinga ren. I ngan levelinga at Lovoang Kaala, Loroonan Kaala ga vaase i xeretna, “At na loxonaleng do mina ronga levelinga at ne Moroa,

2 Timoti 2:9

La nenia a ekip tangarang mi levesongsongot atla nia a vavang mi Lagale Lavavang, la di xoxo alis ia ngan laradi xapmek mi lavaroos; ketla levelinga at ne Moroa xopmen na nemen at lavaroos.

Epesas 6:20

Ni lavasuun teren la nenia, laradi xipkip levelinga at ne Moroa, ak lok de at loxokoxo. Mina ngising bok do nenia noxo marat ti tong asu Lagale Lavavang kerekngan ne Moroa i vara i.

Epesas 4:1

Nenia ak lok at loxokoxo mumu lugugu at Leeme Silok. Kuren la nia a sing nimi do lorooro atnimi naba lok nunuan axap, i epovo mi lorotoro at ne Moroa tinimi la i epovo mi lavavara at ne Moroa.

Epesas 3:1

Nenia ne Pol, a ruuna mo lugugu ti lox axis nemi, limixin kopmen nemi me Judaia eburu mi ne Iesu Karisito, la ni lavasuun bok teren la nenia ak lok de at loxokoxo.

Leven Gugu 28:25

Kuren la diga vas kaxat basinge i mila levendoxoma atnedi ga ekarakat melemu at levelinga at ne Pol. Ni ga tong i ridi xeretna, “Loroonan Kaala ga vaase ruturun at lungusno at leeme vapaase alii ne Aisaia tinedi lavalabat atnemi.

Leven Gugu 28:20

Kuren la aga sing kusu ana ven nimi la ana epaase eburu minimi; nia a nemen at loxokoxo mila a nuunu at Lanarong, mo nedik limixin me Judaia ta nemen tangais i.”

Leven Gugu 28:17

Melemu at lavantun aleng Pol ga xup bubua ka luvuttadi amgomgo at leme Judaia. Diga rupot buru, la ne Pol ga lok tinedi, “Luvutnetak! A goxo lok tepanga xapmek mumu limixin atdik kopla leretere at lavalabat atdik. Ketla diga lok li ia at loxokoxo ro Jerusalem la diga song araba ia uto at limixin me Rom.

Leven Gugu 26:29

Pol ga lok, “At na loxonaleng kopla loxonaleng melemu, lisingising tarak ti ne Moroa do nenu la nedi axap nom ding tonga ia mo lingina, diba nuunu at ne Iesu xerekngan ia, ketla di noxo nemen at loxokoxo ngan ia.”

Leven Gugu 24:27

Melemu at legepu maares gara volo, Pokias Pestas ga lok ka loxot at ne Pelik ngan laradi gomgo ap mo lenep silok. Pelik ga vara i do na lox atdan lodoxoma at leme Judaia, kuren la ni ga ke xepe ne Pol to at loogu xokoxo.

Leven Gugu 22:25

Se diga xoxo ka i do dinak pixis i, Pol ga lok ti laasesep mo ga tu go, “Kereva, ik mokso at leventaangas atnimi do minap sep lanat boro Rom, no xopmen di goxo ronga levelinga ren at lavapaase?”

Leven Gugu 16:6

Pol mi larapen tangas teren digat pas epolo maxeneng at lunep silok Pirigia la Galesia, mila Loroonan Kaala goxo siam do dina vaase asu Lagale Lavavang ap mo lenep Asia.

Leven Gugu 13:2

At lara laaleng nedi diga lotu saparap Leeme Silok la diga mun anan, Loroonan Kaala ga lok tinedi, “Mina raba ia mi ne Banabas la ne Sol, kusu ri lok lugugu i ngan nia aga soxolik ka vam du rin.”

Leven Gugu 9:16

La nia aba lox ase i mi mo lempanga ni naba songot teren mumu lunuunu ren saparav ia.”

Lagale Lavavang At Ne Iesu Karisito Jon Ga Malagan I 18:1

Melemu at na lisingising, Iesu eburu mi luvuttadi loklok ka anasa ren diga vas kaxat la diga volo korop lasa dan Kidron. Lara laraamang olip ga nemen ap mo lenep, la ne Iesu ga vas beles go xeneng eburu mi luvuttadi loklok ka anasa ren.

Leven Gugu 8:29

Loroonan Kaala ga tong i ri ne Pilip, “Una vas tangarang mo lavatkaris la unat pas saparav i.”

Leven Gugu 21:4

Maga long lenger i do lentaba luvuttadi nuunu mo diga nemen go, la maga nemen eburu minedi at lavanuti aleng. Mi lololos at Loroonan Kaala diga tong i ri ne Pol do ni noxot pas uto Jerusalem.

1 Timoti 4:1

Loroonan Kaala i vaase axasev i do leventaba dinaba soxope lunuunu atnedi at na levenaleng i tu melamgo; diba ronga res at labaroonan kaxarang la diba mumu asu leveloklox ase at lubunggas.