Leven Gugu 20:4 - Madak

⁴ Sopata, nitna ne Pairas boro Beria, gat pas eburu min; la ne Aristakas la ne Sekandas boro Tesalonia; Gaius boro Debi; Timoti; la ne Tikikas la ne Tropimas boro at lenep silok Asia.

Leven Gugu 20:4 ပူးပေါင်းရင်းမြစ်များ

Leven Gugu 14:20

Ketla luvuttadi nuunu diga ru kangkan i, la ni ga xatu kaxat, la gamlong bok uto ap mo lemenemen. Ap mo laaleng melemu nedu mi ne Banabas dugat pas uto Debi.

Leven Gugu 14:6

Ketla luradi vavang duga ronga i na la duga sixiro uto at lenep Likonia. Mo go duga vavang mi Lagale Lavavang to at lumenemen Listra la Debi, la to at lengkot petpes bok ap mo lenep.

Leven Gugu 16:1

Pol ga vas kaxat basinge mo lunep silok, la gat pas uto Debi la Listra. Lara laradi nuunu laasen teren ne Timoti ga nemen go Listra; nenen bok, ni latkin nuunu at lubungmixin me Judaia, ketla ne temen neni at lubungmixin me Grik.

Leven Gugu 16:6

Pol mi larapen tangas teren digat pas epolo maxeneng at lunep silok Pirigia la Galesia, mila Loroonan Kaala goxo siam do dina vaase asu Lagale Lavavang ap mo lenep Asia.

Leven Gugu 17:1

Pol mi ne Sailas dugat pas kantubu at lunep silok Ampipolis la Apolonia, la duga vas pot to Tesalonia. Ap mo lemenemen loogu singising at lubungmixin me Judaia ga nemen e.

Leven Gugu 17:13

Ketla lentaba limixin me Judaia boro Tesalonia diga ronga i do ne Pol mo ga vavang mi levelinga at ne Moroa ro Beria; diga vas kaxat ugo la diga lox axatu lodoxoma at limixin.

Leven Gugu 19:29

Mo luxupkup ga epeseves ap mo lemenemen axap; mo limixin diga ranga alis ne Gaius mi ne Aristakas, nedu boro Masadonia dugat pas amisik eburu mi ne Pol, la diga sixit eburu minedu uto at loxot papaase buru.

Leven Gugu 2:9

Nedik na boro Patia, Midia, la Ilam; boro bok Mesopotemia, Judaia la Kapadosia, Pontas la Asia;

Leven Gugu 20:16

Pol ga doxoma i do ni naba sen polo go Epesas, kusu ni noxo nemen abao ro at loxot Asia. Ni gak lok soso xusu ni naba rupot to Jerusalem, edompo mi laaleng ti lok katling la Pentikos.

Leven Gugu 20:18

Diga vot posiga i la ni ga lok tinedi, “Miklen i do luruptuvuk tarak ga lox avukat ap mo levenaleng nia aga nemen eburu minemi, ga vaxaru ka i at laaleng nia aga rupot de at lenep Asia.

Leven Gugu 21:29

Diga tong i na mila diga ven ne Tropimas boro Epesas eburu mi ne Pol to xeneng ap mo lemenemen silok, la diga nua i do ne Pol ga lam ka i uto xeneng ap mo loogu laplavang.

Leven Gugu 27:2

Nema mi ne Pol maga los kas at lavattaaxup boro Adramatiam, mo ga gagas kusu na sen kaxat uto at levesoolom at lenep silok Asia, la maga sixit kaxat. Aristakas, neni boro Masadonia at lemenemen Tesalonia, neni ga emu eburu minema.

Lovoang At Ne Pol Ti Limixin Nunu to Rom 16:21

Ne Timoti bok laradi gugu rak i lox aonon lavapaase momo ren tinemi; nedi mi ne Lusias, la ne Jeson, la ne Sosipata; nedi legesa vapaase rak boro Judaia.

Lovoang At Ne Pol Ti Limixin Nunu to Rom 16:23

Ne Gaius laradi no nema mak lok lotu ro at loogu ren i lox aonon lavapaase momo bok teren tinemi. La ne Erastas bok laradi ik lok tatao lempilas at lemenemen silok eburu mi neton nedik ne Kuatas nedu du lox aonon bok lavapaase momo atnedu.

2 Korin 1:1

Nenia ne Pol, laradi vavang at ne Iesu Karisito; Moroa xa ga soxolik ka ia ri mo lugugu; ne Timoti, neton dik i paase aru box ia at na lovoang. Nia a sok na lovoang tinemi limixin mi nuunu at ne Moroa dom Korin, la tinemi bok limixin nuunu mik lok to at lengkot axap at lenep silok Grik.

2 Korin 1:19

I lok ngan ne Iesu Karisito, Nitna ne Moroa, mo nema mi ne Sailas la ne Timoti maga vavang min kantubu atnimi, neni xopmen na voovo ela mi levelinga ren, ketla kusuk mun neni i paase ruturun.

Epesas 6:21

Tikikas, neni neton orong atdik la lasaxaruki ruturun at Leeme Silok. Neni naba vosiga nimi la naba raba nimi mi lavapaase axasep mumu lorooro rak la lugugu rak nade.

Pilipai 2:19

Dola lavavara at Leeme Silok ne Iesu, a doxoma i do aba riki soso ne Timoti udom saparap nemi, kusu nenia aba ronga tevelinga mumu nimi, kusu naba lox alolos ia.

Kolosi 4:10

Aristakas, mo i nemen eburu minia at loxokoxo, i lox aonon bok lavapaase momo ren; la ne Mak, lovopno at ne Banabas bok kuren. Nemi migara lok ka vam lavapaase axasep ti siam abeles ne Mak dola ni na mu langas uto atnemi.

Kolosi 4:7

Netak orong ne Tikikas, ni laradi i ruturun at lugugu ren la lasaxaruki eburu minema at lugugu at Leeme Silok, la neni naba raba nemi mi lavapaase axasep mumu ia.

1 Timoti 1:1

Nenia ne Pol, laradi vavang at ne Iesu Karisito, mo nedik ta doxoma voovo rin. Nedu mi ne Moroa, Laradi Loklox Arooro atdik, duga soxolik ka ia ri na lugugu.

2 Timoti 1:2

A malagan na levelinga ru ne Timoti; nenu lamdak orong tarak. Letaba nabalamu, lebelemumu, la lenmila bok tu boro at ne Moroa ne Temen dik la ne Iesu Karisito, Leeme Silok atdik.

2 Timoti 4:12

Nenia aga riki ne Tikikas uto Epesas.

2 Timoti 4:20

Erastas ga nemen to Korin, la nenia aga on basinge ne Tropimas to Mailitas, atla neni ga meres.

Taitas 3:12

Leventaba levelinga bok na, nenia ana tong i ru. Ana sak tiki ne Atemas kopla ne Tikikas saparav u. Dola neni na rupot, neni na lok kun u la una lolos ti vot pasa ia ro at lemenemen Nikopolis; nenia aba nemen go at leven gaaling at laavat.

Pilimon 1:24

La nedi bok di gugu eburu minia di lox aonon lavapaase momo ru; ne Mak, ne Aristakas, ne Demas, ne Luk, la nedi axap di gugu eburu minia.

3 Jon 1:1

Nenia lamgomgo at lotu. A malagan na lovoang ti lentangas orong tarak, ne Gaius. Nenia a balamu ruturun u.