Leven Gugu 20:29 - Madak

²⁹ Aklen i do melemu at loxonaleng nia ana onon, limixin kapmek diba rupot kantubu atnimi, diba lok ngan lubungman atat la diba lok kapmek lunuunu at lentaba atnimi.

Leven Gugu 20:29 ပူးပေါင်းရင်းမြစ်များ

Metiu 10:16

La ne Iesu ga lok tidi, “Mina ronga i na! Ana riki aonon nimi ngan laxasipsip kantubu at laxanman sio. Mina lok tatao avukat nimi i ngan lisii neni ikleklen solo la minak lox atnaasan ngan levenamno.

Metiu 7:15

La ne Iesu ga lok bok, “Mina lok tatao nemi mumu loklok atnedi lavaeme vapaase alii xaxarang; di vosiga nimi mi levelinga xaxarang la diba tong i do nedi luvuttadi at ne Moroa. Ketla di lok ngan lempatman atat, di siga lempanga singsiga diga lox i mi lengkabinim at levesipsip kusu dina xarang limixin.

Lagale Lavavang At Ne Iesu Karisito Luk Ga Malagan i 10:3

Minat pas uto at laramenemen! Nenia ana sak tiki nemi i ngan lubungsipsip uto xantubu at lubungman atat.

Lagale Lavavang At Ne Iesu Karisito Luk Ga Malagan i 12:32

La ne Iesu ga lok bok, “Limixin tarak, nemen mita marat, mila ne Temen nemi, i momo xusu naba raba nemi mi Linintoo ren.

Lagale Lavavang At Ne Iesu Karisito Jon Ga Malagan I 10:12

Laradi do di un kaka mene i xusu ri lok tatao laxasipsip, la laxasipsip kopmen ateren, neni ik sixiro do neni i ven tangarang ka lavatman sio it pas kusu ri sev amet laxasipsip. Do kuren laman naba atat alis ka tentaba at nai laxasipsip la laxasipsip diba rem epeseves.

Lagale Lavavang At Ne Iesu Karisito Jon Ga Malagan I 21:15

Se diga an axap pam, Iesu ga sue ne Simon Pita, “Simon, lamdak at ne Jon. Kereva, labalamu ram tia i silok aleng ti labalamu ram ti na luvuttadi?” Ni ga vorang i rin keretna, “Laaba, Leeme Silok. Uklen i do a balamu u.” La ne Iesu ga lok tin, “Una raba luxa laxannat sipsip tarak.”

Leven Gugu 20:28

Mina lok tatao avukat nemi la mina lok tatao nedi bok limixin, Loroonan Kaala gara lok li vam nedi maxopok at loklok tatao atnimi. Mina lok ngan luvuttadi loklok tatao sipsip kantubu at limixin at ne Moroa, no ni ga lok li di do ateren axa mumu lanmet at ne nitna.

1 Pita 5:2

mina lok tatao avukat laxasipsip ne Moroa gara raba vam nemi min, la minak lok tatao nedi mi lavavara axap atnimi, ngan ne Moroa i vara i xuren. Nemen gat miguta lok lugugu atnemi mi lodoxoma rip kip unun teren, ketla mina lox i mi lodoxoma rinotno ri gugu.

2 Pita 2:1

Luvuttadi vapaase alii xaxarang diga ravasu gano xeneng at limixin me Israel, la lavaeme loklox ase xaxarang bok, dinaba ravasu xa maxeneng atnemi. La dinaba lox abeles nemnem levenanasa xaxarang kusu ri lox asubu lunuunu atnimi. Dinaba sok tixirixes Leeme Silok mo ga un kaka amlong nedi, kuren la nedi xa dinaba ekip tangarang soso mi labaava.

Lovoang At Ne Jut 1:18

Diga paase rinimi xeretna, “At levenaleng kavaxap at na lavatbung menemen, limixin mo dinaba rupot la diba paase sese xapmek leventaangas nunuan at limixin nuunu. La diba mumu lavavara xapmek atdi mo xopmen na sixit emu mi lavavara at ne Moroa.”